San Lucas 15:5 - Bible in Tzotzil de Chenalhó with Deuterocanon

⁵ C'alal me la sta li jcote, xcuxet xa yo'nton ta scajan tal ta snecub.

Tzotzil Zinacantan

⁵ Ti cꞌalal xataique, mu xa cꞌu yech o avoꞌonic, chacajan tal ta anequebic.

Bible in Tzotzil de Chamula

⁵ C'alal mi laj sta talele, xmuyubaj xa ta scajan talel ta snequeb.

LEQUIL ACH' C'OP

⁵ Ti c'alal stae xmuyubaj xa, ta scajan tal ta snequeb,

Tzotzil San Andres

⁵ Cꞌalal mi la sta li jcote, xmuybaj xa, ta scajan talel ta snequeb.

Tzotzil de Huixtán

⁵ C'alal mi laj ata xae, nichim no'ox avo'nton chacajan ti anequeb, chacuch talel.

San Lucas 15:5 Iomraidhean Croise

Isaías 62:12

Jech chlic albatuc sc'oplalic: “Ch'ul lum”, “Pojbilic o yu'un Muc'ul Dios”, xi sc'oplalic. Jech ch-albat li lum Jerusalene: “Ja' lum ti lec c'anbile”, “Ja' lum ti mu'yuc comtsanbil oe”, xi sc'oplal.

Isaías 62:5

Jech chac c'u cha'al jun querem ti chic' jun tsebe, ja' jech chayic'ot ec li Diose; ta xcha'pasot ta ach'. Jech chac c'u cha'al xcuxet no'ox yo'nton xchi'uc smalal li tsebe, ja' jech xcuxet no'ox avo'nton achi'uc li Dios avu'une.

Isaías 63:9

Scotol li svocolic to'oxe ja' la svocolin stuc scotol; ja' stuc ital scolta, muc yanuc boch'o la stac tal. Ta sventa slequil yutsil yo'nton la scolta, laj yic' tal, la stoy liquel; ja' jech la spasilanbe o scotol ora.

Ezequiel 18:23

¿Me yu'un ja' xcuxet co'nton me ch'ayel chbat li jpasmulile? ¿Me mu ja'uc xcuxet co'nton me tscomtsan li c'usitic chopol yu'un jech xu' chcuxie?

Ezequiel 33:11

Pero vu'un li Muc'ul Diosun ti avajvalicune, jech chcal ta jamal ta jbi: Mu jc'an ti te xcuchoj smul chcham li jpasmulile; ja' ta jc'an ti ac'o scomtsan li chopol be stamoje yu'un jech xu' chcuxi. Sutanic tal, sutanic tal ti bu chopol be atamojique. ¿C'u yu'un ti te no'ox avabinoj abaic chachamique, israeletic?’, uto.

Miqueas 5:4

Li Ajvalil chtale ta stsatsal svu'el Muc'ul Dios ta xlic ventainvanuc jech chac c'u cha'al jun jchabichij; jech jun yo'nton chnaquiic li israeletique, yu'un li ajvalile ta xmuq'uib batel sc'oplal ta sbejel banamil.

Miqueas 7:18

Mu'yuc yan Dios jech chac c'u cha'al vo'ot, ti chapasbe perdón, ti chach'aybe ta avo'nton smulic li scomelal ateclumale. Muc teuc no'ox stsoq'uet o avo'nton ta stojol, yu'un ja' oy ta avo'nton li c'uxubinvaneje.

Sofonías 3:17

Li Muc'ul Dios ti ech'em stsatsale te oy ta atojol, ja' chascoltaot; xcuxet no'ox yo'nton ta atojol. Mu'yuc c'usi chal, yu'un lec sc'anojot; xcuxet no'ox yo'nton ta xq'uejin ta atojol jech chac c'u cha'al ta yorail q'uin.

San Lucas 15:32

Ja' tsc'an ti jech ta jpastic q'uine xchi'uc ti xcuxet co'ntontique. Yu'un li avits'ine chamen to'ox, pero icha'cuxi xa. Ch'ayem to'ox, pero laj xa jta’, xut”, xi li Jesuse.

San Lucas 15:4

“Me oy boch'o avu'unic oy vo'vinic (100) ta cot xchije, me ich'ay jcotuque, ¿me mu teuc ta scomtsan ta jamalaltic li balunlajuneb yo'vinic (99) ta cote, yu'un chbat st'un tal li jcot ich'aye? ¿Me mu ja'uc to chlaj yo'nton c'alal me la stae?

San Lucas 15:6

C'alal chvul ta snae, ta stsob scotol li yuts' yalaltaque xchi'uc li boch'otic noch' nacalic xchi'uque, jech ta xalbe: ‘Cuxetuc me avo'ntonic ec, yu'un laj xa jta li jcot jchij ich'aye’, xut.

San Lucas 19:9

Li Jesuse jech laj yal: —Li' ta orae ivul xa coltael li' ta nae. Yu'un li vinic li'i ja' smomnich'on ec li Abrahame.

San Lucas 23:43

Li Jesuse jech laj yalbe: —Melel chacalbot, li' ta jliquele, te ta jchi'in jbatic ta lequilal —xut.

San Juan 15:11

“Ti jech laj calboxuc scotole, yu'un jech xu' chavich'ic o li xcuxetel co'ntone. Jech xcuxet no'ox avo'ntonic scotol c'ac'al; mu'yuc c'usi sc'an chava'yic o.

Efesios 2:10

Yu'un ja' stuc la spasutic, ja' laj yac' ayincutic ta sventa li Cristo Jesuse, yu'un ac'o jpastic c'usitic lec. Yu'un jech ono'ox chapal yu'un Dios tsc'an ta jpastic.

Efesios 3:7

Ja' yu'un, vu'un laj quich' cabtel xcholel ta sventa slequil yo'nton li Diose, yu'un jech la sc'an yo'nton stuc ta sventa stsatsal svu'el.

1 Tesalonicenses 1:5

Yu'un c'alal la jcholcutic ava'yic li Lequil A'yeje, muc tojol c'opuc no'ox laj ava'yic. Oy lec stsatsal laj ava'yic, xchi'uc i'abtej ta avo'ntonic li Ch'ul Espiritue; ic'ot ta avo'ntonic ti ta melel ja' sc'op Diose. Laj avilic c'u xi'elancutic ti c'alal te oyuncutic ta atojolique, ti ja' no'ox oy ta co'ntoncutic ac'o ataic lequilal li vo'oxuque.

2 Timoteo 2:26

Jech ta xlic vuluc xch'ulelic, ta xlic loq'uicuc tal ta sc'ob li pucuj ti te chucbilic yu'un sventa tspasbeic c'usi tsc'ane.

Hebreos 12:2

Ja' te ac'o cac' batel jsatic ta stojol li Jesuse, ja' li boch'o chac' xch'unojel co'ntontique, xchi'uc li boch'o tsvu'ese. Ja' li boch'o laj yich' vocol ta cruze, ti mu'yuc sc'oplal laj ya'ay li q'uexlale, yu'un la sna' ti xcuxet no'ox yo'nton ta ts'acale. Jech ibat chotluc ta sbats'ic'ob Dios yo' bu tspas mantale.

1 Pedro 1:5

Ta sventa xch'unojel avo'ntonic ta stojol Dios, jech ta xchabioxuc ta svu'el yu'un jech xu' chataic li coltael xchapanoje; ja' to chayac'boxuc avilic ta slajebal c'ac'al.