San Lucas 15:29 - Bible in Tzotzil de Chenalhó with Deuterocanon

²⁹ Pero li banquilale jech laj yalbe li stote: ‘Q'uelavil, ep xa jabil li'abtej avu'un. Mu'yuc la jbaj amantal. Pero mu'yuc c'usi avac'ojbun. Me jcotuc tentsun, mu'yuc avac'ojbun sventa ta jpas q'uin jchi'uc li boch'otic lec jc'opane.

Tzotzil Zinacantan

²⁹ Li banquilale lic yalbe li stote: “Li voꞌote anaꞌoj ti liꞌon oe. Mi jaꞌuc jꞌechꞌel ti muc jchꞌun amantale. Mi jaꞌuc jcot chivo muc bu avacꞌbon ti ta jpas o qꞌuin xchiꞌuc li muchꞌutic lec jcꞌopon jba jchiꞌuque.

Bible in Tzotzil de Chamula

²⁹ Ti banquilal nich'onile xi laj yalbe ti stote: ‘Xana' lec ti ep xa jabil ti litun avu'une. Mu'yuc jtoyobbail ta atojol. Mi jcotuc tentsun laj avac'bun yo' ta jpascutic q'uin xchi'uc ti buch'utic lec xquil jbacutic xchi'uque.

LEQUIL ACH' C'OP

²⁹ Li banquilale xi lic yalbe li stote: “Li vo'ote ana'oj lec sjayibal xa jabil li' chitun avu'une, muc'bu jp'ajoj amantal, pero mi ja'uc jcot chivo muc' bu avac'ojbon jti' ti ta jpas o q'uin xchi'uc ti much'utic lec jc'opon jba jchi'uque.

Tzotzil San Andres

²⁹ Li banquilale jech laj yalbe li stote: “Ep xa jabil liꞌabtej avuꞌun. Muc bu la jpꞌaj amantal. Pero mu cꞌusi avacꞌojbun. Mu jcotuc tentsun avacꞌojbun ti jech ta jpas o qꞌuin jchiꞌuc li buchꞌutic lec jcꞌopon jba jchiꞌuque.

Tzotzil de Huixtán

²⁹ Itac'av ti banquilale, hech laj yalbe ti stote: “Ep xa habil ni'abtej avu'un. Ho'oni, mi jutuc muc jp'aj amantal. Mi jutuc mu'yuc c'usi avac'ojbun mi jcotuc chivo yu'un ti jpas q'uin xchi'uc ti much'utic lec ti jc'opon jba xchi'uque.

San Lucas 15:29 Iomraidhean Croise

Isaías 65:5

Jech chalbe li xchi'ilique: ‘Te no'ox oyanic, mu xtal apiquicun, yu'un li vu'une ts'u'iltasbilun lec ta jyalel, mu xu' chtal apiquicun’, xutic. Li cristianoetic le'e ja' jechic chca'ay jech chac c'u cha'al ch'ayil ch-och ta jni'; ja' jechic noxtoc jech chac c'u cha'al c'oc' ti scotol c'ac'al te chchic'vanic oe.

Zacarías 7:3

xchi'uc bat sc'opanic li j'alc'opetic xchi'uc li paleetic te ta xch'ulna Muc'ul Dios ti tspas ta mantal scotol te ta vinajele, jech c'ot yalbeic: “¿Me te no'ox chcat co'ntontic o, chquictatic o ixim ta yo'obal u jech chac c'u cha'al la jpasilantic xa tal jayibuc jabile?”, xutic.

Malaquías 3:14

Yu'un jech chavalic: ‘¿C'usi stu ti chijtunutic yu'un Diose? ¿C'usi chloc' o ti ta jch'unbetic smantale? ¿C'usi ta jtatic o ti solel biq'uit chcac' jbatic ta stojol li Muc'ul Dios ti tspas ta mantal scotol te ta vinajele?

San Mateo 20:12

Jech lic yalbeic: ‘Jun xa no'ox ora i'abtejic li boch'otic ts'acal ivulique, pero co'ol yepal laj atojuncutic. Li vu'uncutique sjunul c'ac'al li'abtejcutic; la jts'iccutic li xc'uxul c'ac'ale’, xiic.

San Lucas 15:28

C'alal laj ya'ye, i'ilin. Muc sc'an x'och ta sna. C'alal laj ya'ay li stote, iloc' svocolta ti ac'o ochuque.

San Lucas 15:30

Pero c'alal isut tal li anich'on ti ay yixtan ta jmulavil antsetic scotol li c'usitic laj avac'bee, ta ora laj amilbe li ch'ium vacax ti bu lec jubene’, xut li stote.

San Lucas 15:7

Chacalboxuc ava'yic, ja' no'ox jech toj xcuxet yo'ntonic te ta vinajel ec c'alal me tsutes yo'nton jun jpasmulile. Ja' mu sta jech xcuxet yo'ntonic yu'un li balunlajuneb yo'vinic (99) tuc' yo'ntonique, yu'un mu xa persauc ta sutes yo'ntonic.

San Lucas 17:10

Ja' no'ox jech ec li vo'oxuque, me laj ach'unic scotol c'usitic chayalboxuc Diose, tsc'an jech chavalic: ‘Li vu'une mu'yuc c'usi xu' cu'un, yu'un ja' no'ox la jpas li c'usi sc'oplal ta jpase, tsc'an xachiic’, xi li Jesuse.

San Lucas 18:9

Li Jesuse laj yal jun lo'il noxtoc ta sventa li boch'otic tuc' yo'nton yalojique, ti mu'yuc stu chilic li yantique. Jech laj yal:

San Lucas 19:21

Yu'un lixi' avu'un. Yu'un jna'oj ti simaronote. La jna' ti chavich' sutel ti bu muc vo'ocot avabtele, ti chac'aj ti bu muc vo'ocot laj ats'une’, xut.

Romanos 10:3

Yu'un mu xa'ibeic smelol c'u x'elan xu' mu'yuc jmultic chijyilutic li Diose. Ja' no'ox batem ta yo'ntonic ti ta sventa c'usi tspas stuquic ti jech xu' tuc' yo'nton ch-ilatic yu'un Diose. Jech mu xch'unic o ti c'u x'elan tuc' co'ntontic chijyilutic Diose.

Romanos 3:20

Yu'un ta sventa xch'unel li mantaletique mu xu' tuc' co'ntontic chijyilutic o li Diose. Yu'un li mantaletic ac'bilutique ja' no'ox sventa ac'o quiltic ti oy jmultique.

Romanos 3:27

Ja' yu'un li' ta orae, ¿me xu' to ta jtoy jbatic? ¡Mu'yuc xa! ¿C'u yu'un? ¿Me ja' ta sventa ti yu'un ich'un cu'untic li smantaltac Diose? ¡Mo'oj! Ja' no'ox ta sventa ta jch'untic li Cajvaltique.

Romanos 7:9

C'alal mu'yuc to'ox chca'ay li mantaletique, lec cuxulun laj ca'ay. Pero c'alal laj ca'ay li mantaletique, xco'laj xchi'uc icuxi lec li mulile; vu'un licham o laj ca'ay.

Apocalipsis 2:17

Li boch'o oy xchiquine, ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole ja' chcac'be sve'ic li manavaj ti mu'yuc boch'o sna' c'u x'elane, xchi'uc ta xcac'beic jbej unin saquil ton yo' bu ts'ibabil ach' sbi stuc ti mu'yuc boch'o yan xotquine. Ja' no'ox stuc xotquin li boch'otic chich'e, xayutoxuc li Cajvaltique’, uto”, xiyutun.

Apocalipsis 3:17

Yu'un jech chavalic: Vu'une lec jc'ulejun, jtaoj xa scotol, mu'yuc c'usi yan sc'an cu'un, xachiic. Mu xavil abaic ti solel me'onoxuc, ti abul abaic, ti xataq'uic oc'tael, ti ma'satoxuc, xchi'uc ti bats'i cuxul t'anal chaquiloxuque.