San Lucas 15:2 - Bible in Tzotzil de Chenalhó with Deuterocanon

² Li fariseoetic xchi'uc li boch'otic lec xchanojic smantal Diose iliquic ta vulajetel, jech laj yalic: —Li vinic li'i ja' ta xic'an li jpasmuliletique; ta xchi'inic ta ve'el noxtoc —xiic.

Tzotzil Zinacantan

² Ti jfariseoetique xchiꞌuc ti muchꞌutic ta xchanubtasvanic yilel ta smantaltac Rioxe, chopol la iyilic. ―Li vinic leꞌe ta xchiꞌin li muchꞌutic chopol cꞌusitic tspasique. Ta xchiꞌin ta veꞌel noxtoc ―xiic la.

Bible in Tzotzil de Chamula

² Ja'uc ti fariseoetique, ti jchanubtasvanejetic yu'un ti oy c'usi tsots albil sc'oplale, lic labanvanicuc ti xi laj yalique: —Ti vinic le'e lec ta xa'i ta xic' ta xchi'in ta ve'el ti jsa'muliletique.

LEQUIL ACH' C'OP

² Ti jfariseoetique xchi'uc ti much'utic ta xchanubtasvanic ta smantaltac Rioxe, chopol iyilic, ja' yech iyalic chac li'i: ―Li vinic le'e ta xchi'in li much'utic chopol c'usitic tspasique, ta xchi'in ta ve'el noxtoc ―xiic.

Tzotzil San Andres

² Li buchꞌutic ti spꞌisoj sbaic ta jchanubtasvanej ta smantaltac li Diose schiꞌuc li jfariseoetique, chopol iyilic. Jech laj yalic: ―Li vinic liꞌi jaꞌ ta xicꞌan ta stojol li buchꞌutic chopol li cꞌustic ta spasique. Ta schiꞌin ta veꞌel nojtoc ―xiic.

Tzotzil de Huixtán

² Mu xtun laj yilic ti fariseoetique xchi'uc ti much'utic ichanubtasvanic ti smantal ti Diose ti scuyoj sbaique. Hech lic yalic: ―Ti vinic li'to chic' ti stojol much'utic c'uc no'ox tspas. Ma'uc no'ox chic' ti stojol, chchi'in ti ve'el uc ―xchiic. Ja' sc'opilal ti Jesuse.

San Lucas 15:2 Iomraidhean Croise

San Mateo 11:19

C'alal lital, vu'un ti Xnich'on cristiano lic'ote, la jchi'inoxuc ta ve'el, ta uch'bajel, pero jech laj avalic noxtoc: ‘Q'uelavil, toj ech'em xve', toj ech'em xuch' ya'lel ts'usub. Lec chil sbaic xchi'uc jtsobpatanetic xchi'uc yan jpasmuliletic’, xachiic noxtoc. Pero li boch'o bije ta xvinaj ta sventa yabtel”, xi li Jesuse.

San Mateo 9:11

C'alal laj yilic li fariseoetic te oyique, jech la sjac'beic li yajchanc'optac Jesuse: —¿C'u yu'un ta xve' xchi'uc jtsobpatanetic xchi'uc yantic jpasmuliletic li jchanubtasvanej avu'unique? —xutic.

San Lucas 15:3

Ja' yu'un li Jesuse laj yalbe jun lo'il, jech laj yal:

San Lucas 19:7

C'alal laj yil li cristianoetique, iliquic ta bic'talvulajetel, jech laj yalic: “Q'uelavil, i'och ta sna jun jpasmulil li Jesuse”, xiic.

San Lucas 5:30

Li fariseoetic xchi'uc li boch'otic lec xchanojic smantal Diose iliquic ta bic'talvulajetel ta stojol li yajchanc'optac Jesuse, jech laj yalbeic: —¿C'u yu'un chachi'inic ta ve'el, ta uch' vo' li jtsobpatanetic xchi'uc li jpasmuliletique? —xutic.

San Lucas 7:34

C'alal lital vu'un ti Xnich'on cristiano lic'ote, live', laj cuch' ya'lel ts'usub; pero jech laj avalic noxtoc: ‘Toj ech'em xve', toj ech'em xuch' ya'lel ts'usub. Lec chil sbaic xchi'uc jtsobpatanetic xchi'uc yan jpasmuliletic’, xachiic.

San Lucas 7:39

C'alal laj yil li fariseo ti yic'oj ta ve'el Jesuse, jech laj yal ta yo'nton: “Ti ja'uc yaj'alc'op Dios ta melel li vinic li'i, sna' c'usi yabtel, c'u x'elan stalel li antse, yu'un ja' jmulavil ants”, xi.

Hechos 11:3

Jech laj yalbeic li Pedroe: —¿C'u yu'un la'och ta sna li yanlum cristianoetic ti mu'yuc yich'ojic circuncisione? ¿C'u yu'un laj achi'in ta ve'el? —xutic.

Gálatas 2:12

Yu'un c'alal mu'yuc to'ox chvulic li boch'otic tacbilic tal yu'un Santiagoe, laj to'ox xchi'in ta ve'el li yanlum cristianoetique. Pero c'alal ivulique, la svoc' sba; muc xa xchi'in ta ve'el li yanlum cristianoetique. Yu'un ixi' yu'un li boch'otic tsots sc'oplal cha'yic circuncisione.

1 Timoteo 1:15

Ja' melel li c'op li'i; ja' tsc'an ac'o yich' ch'unel. Li Jesucristoe i'ay ta banamil, ay scolta jpasmuliletic. Vu'une ech'em la jsa' li jmule; ja' mu sta jech li yantique.