San Lucas 15:18 - Bible in Tzotzil de Chenalhó with Deuterocanon

¹⁸ Ja' lec ta xitots, ta xibat ta stojol li jtote, jech ta xc'ot calbe: Tati, laj xa jta jmul ta stojol li Diose, xchi'uc laj xa jta jmul ta atojol ec.

Tzotzil Zinacantan

¹⁸ Más lec chichaꞌsut echꞌel ta sna ti jtote. Tot, ijta xa jmul ta stojol ti Rioxe, xchiꞌuc ijta xa jmul ta atojol uc.

Bible in Tzotzil de Chamula

¹⁸ Ta xicha'sut batel ta sna ti jtote, ti xi xc'ot calbee: Tot, laj xa jta jmul ta stojol ti Diose. Laj xa jta jmul ta atojol ec.

LEQUIL ACH' C'OP

¹⁸ Más lec chicha'sut ech'el ta sna ti jtote, ja' yech chc'ot calbe chac li'i: Tot, ijta xa jmul ta stojol ti Rioxe, xchi'uc ijta xa jmul ta atojol uc;

Tzotzil San Andres

¹⁸ Jaꞌ más lec chisut batel nojtoc ta sna li jtote. Jech chcꞌot calbe: Tata, ijta xa jmul ta stojol li Diose schiꞌuc ijta xa jmul ta atojol eꞌuc.

Tzotzil de Huixtán

¹⁸ Hech yu'un ja' más lec chisut batel, chba jc'opon ti jtote. Hech chc'o calbe: Tote, laj xa jta jmul ti stojol ti Diose. Laj xa jta jmul ti atojol uc.

San Lucas 15:18 Iomraidhean Croise

2 Crónicas 33:19

Ti c'u x'elan la sc'opan Dios xchi'uc c'u x'elan itac'bat sc'op, xchi'uc c'u x'elan smul xchi'uc ti mu junuc yo'ntone, xchi'uc ti butic la spasbe toyol sc'opanbil yan diosetique, xchi'uc ti butic la sva'ananbe sloc'obal li Asera xchi'uc li sloc'obal sdiosic ti c'alal mu'yuc to'ox tsbic'tajes sbae, te ts'ibabil ta svun li j'alc'opetic ti icoltaat yu'une.

Salmos 25:11

Muc'ul Dios, vo'ot ti ich'bil ta muc' abie, pasbun perdón yu'un li yepal jmule.

Proverbios 23:13

Mu me xapajes aba ta staq'uiel li anich'one, yu'un me chavac'be nucule mu'yuc ta xcham o.

Isaías 63:16

Vo'ot no'ox li mero jtototcutique. Li jmoltotcutic Abrahame muc xa xiyotquinuncutic; li Israele muc xa xiyiluncutic. Pero li vo'ote Muc'ul Dios, vo'ot no'ox jtototcutic o; albil ac'oplal ti vo'ot Jpojvanejot o cu'uncutique.

Jeremías 3:19

“Jech chcal jtuc vu'un li Muc'ul Diosune: Israel, vu'une scotol co'nton la jnich'oninot, jech laj cac'bot avich' li lequil banamil ti ja' no'ox stuc toj lec ta scotol yantic banamile. La jnop ti ‘Tati’ xavutun oe, ti mu'yuc chavoc' aba ta jtojole.

Jeremías 31:20

“Li Efraine ja' jnich'on ti lec c'upil chquile, ti lec jc'anoje. Tsots laj cac'be taq'uiel, pero te ta jna'ilan o. Solel toj yan sba co'nton yu'un; ep c'ux o ta co'nton”, xi li Muc'ul Diose.

Lamentaciones 3:29

Ac'o no'ox spatan sba ta banamil, yu'un jech xu' to tsta li coltaele.

Lamentaciones 3:40

Jnoptic lec c'u x'elan li be jtamojtique; sutcutic batel yan velta ta stojol li Muc'ul Diose.

Daniel 4:26

Yan li xchumante'il laj yich' alel te ac'o comuc ta banamil xchi'uc yibele ja' smelol ti mu xlaj sc'oplal o li avabtel ta ajvalilale, ja' no'ox me laj avotquin lec ti ja' sventainoj scotol li Boch'o te oy ta vinajele.

Jonás 2:4

Ja' yu'un la jnop ti jipbil tenbilun xa loq'uel avu'une, ti mu xa xquil o yan velta li ch'ulna avu'une.

Jonás 3:9

Oy yic'al jech xu' chlic c'uxubajcutic ta yo'nton li Diose, jech chlaj sc'ac'al yo'nton ta jtojoltic, jech mu xijchamutic o”, xiic.

San Mateo 3:6

Scotol li boch'otic jamal laj yal smulique, i'ac'bat yich'ic vo' yu'un Juan te ta uc'um Jordán.

San Mateo 6:14

“Yu'un me chapasbeic perdón li boch'o oy smul avu'unique, jech chaspasboxuc perdón yu'un amulic ec li Jtotic ta vinajele.

San Mateo 6:9

Li vo'oxuque ja' jech xac'opanic Dios chac li'i: ‘Jtotic Dios, te oyot ta vinajel, ich'biluc ta muc' abi.

San Mateo 7:11

Li vo'oxuque chopoloxuc, pero xana'ic c'usi lec chavac'beic li anich'nabique. ¡Buuc xa li Jtotic te oy ta vinajele, lec c'usi chac'be li boch'otic ta sc'ane!

San Lucas 11:2

Itac'ov li Jesuse: —C'alal chac'opanic Diose, jech xavalic: ‘Jtotic Dios, ich'biluc ta muc' li abie. Ac'o sta yorail chapas mantal, [ac'o pasuc c'usi tsc'an avo'nton li' ta banamil jech chac c'u cha'al te ta vinajele].

San Lucas 15:17

Ts'acal jech lic snop ta yo'nton: ‘Oy ep j'abteletic yu'un li jtote, lec noj xch'ut scotolic. Yan li vu'une ta xa xicham ta vi'nal.

San Lucas 15:19

Mu xa snupin chicom ta anich'on. Cuyun xa no'ox ta amozo, xcut c'otel’, xi la snop ta yo'nton.

San Lucas 15:21

Jech i'albat yu'un li xnich'one: ‘Tati, laj xa jta jmul ta stojol li Diose, xchi'uc laj xa jta jmul ta atojol ec. Mu xa snupin chicom ta anich'on’, xut.

San Lucas 18:13

Yan li jtsobpatane nom no'ox va'al icom. Mu sc'an stoy sat ta vinajel. Ja' no'ox la smajilan sna yo'nton, jech la sc'opan Dios: ‘Dios cu'un, c'uxubinun, yu'un jpasmulilun’, xut.