San Lucas 14:26 - Bible in Tzotzil de Chenalhó with Deuterocanon

²⁶ “Li boch'o tsc'an chtal ta jtojole, me mu comtsanbaj xa'ay li stot sme'e, li yajnile, li xnich'nabe, li xchi'iltac ta voq'uele, xchi'uc li xcuxlejal stuque, mu xu' chcom ta cajchanc'op.

Tzotzil Zinacantan

²⁶ ―Ti muchꞌu tscꞌan chixchiꞌine, mi más scꞌanojon li voꞌone, mi jaꞌ jutuc noꞌox scꞌanoj li stot smeꞌe, li yajnile, li xchꞌamaltaque, li sbanquiltaque, li yitsꞌintaque, li svixtaque, li yixleltaque, ti mi mu cꞌuxuc ta yoꞌon li spat xocone, xuꞌ xixchiꞌin.

Bible in Tzotzil de Chamula

²⁶ —Mi oy buch'u sc'an ta xistsacliun ya'i, mi mu xtuch' comel ta yo'nton ti stote, ti sme'e, ti yajnile, ti xnich'nabtaque, ti xchi'iltac ta voq'uele, ti yixleltaque, xchi'uc ti xcuxlejal stuque, mu xu' ta x'och ta cajchanc'op.

LEQUIL ACH' C'OP

²⁶ «Ti much'u chtal xchi'inone, mi mu masuc sc'anojone, mi ja' más sc'anoj li stot sme'e, li yajnile, li xch'amaltaque, li sbanquiltaque, li yits'intaque, li svixtaque, li yixleltaque, xchi'uc li scuxlejal stuque, mu xu' ch-och ta cajchanc'op.

Tzotzil San Andres

²⁶ ―Li buchꞌu chischiꞌine jaꞌ scꞌan ti joꞌon más cꞌuxun ta yoꞌone. Jaꞌ scꞌan ti mu másuc cꞌux ta yoꞌon li stot smeꞌe, schiꞌuc yajnil, schiꞌuc snichꞌnab, schiꞌuc sbanquiltac, schiꞌuc yitsꞌinabtac, schiꞌuc svixobtac, schiꞌuc yixleltac. Scꞌan nojtoc ti mu másuc ta snop li cꞌu sba ta xcuxi liꞌ ta balumile. Jaꞌ jech xuꞌ chischiꞌin.

Tzotzil de Huixtán

²⁶ ―Ti much'u sc'an chists'acliune ja' tsc'an ti ho'on más tsots sc'opilal ti c'ux chiya'yune. Ja' tsc'an ti ja' yamal c'ux cha'i ti stot sme'e, xchi'uc ti yajnile, xchi'uc ti xnich'nabe, xchi'uc ti sbanquiltaque, xchi'uc ti yits'inabe, xchi'uc ti svixobtaque, xchi'uc ti yixleltaque. Ja' tsc'an uc ti mu tsotsuc sc'opilal ti yo'nton ti c'u che'el chcuxi li' ti balumile. Hech xu' chists'aclinucun.

San Lucas 14:26 Iomraidhean Croise

Salmos 139:22

Chopol chquilic o ta j'ech'el; contra chquilic o.

Números 10:30

Itac'ov li Hobabe: —Mo'oj, ja' ta jc'an chisut batel ta cosilal yo' bu oyic li cuts' calaltaque —xi.

San Mateo 10:37

“Li boch'o toj tsots sc'oplal cha'ay stot sme' ti ja' mu tsotsuc lec jc'oplal cha'ay li vu'une, mu xu' yu'un chists'aclinun. Li boch'o toj tsots sc'oplal cha'ay squerem, o me stseb, ti ja' mu'yuc lec tsots jc'oplal cha'ay li vu'une, mu xu' yu'un chists'aclinun noxtoc.

San Lucas 14:20

Li yane jech laj yal: ‘Mu xu' cu'un chibat, yu'un ja' to linupin’, xi.

San Lucas 14:25

Bats'i ep cristianoetic bat xchi'inic li Jesuse. Ijoyij li Jesuse jech laj yalbe:

San Juan 12:25

Li boch'o ta xc'uxubin sbae, ta xch'ay. Yan li boch'o mu tsotsuc sc'oplal cha'ay li xcuxlejal li' ta banamile, ja' sventa chcuxi sbatel osil.

Hechos 20:24

Pero le'e mu xcac' ta co'nton. Ma'uc tsots sc'oplal chca'ay ti cuxulune. Ja' no'ox venta me jun co'nton o chcuch cu'un li anil jbats'ile, xchi'uc me ivu' cu'un li cabtel yac'ojbun Cajvaltic Jesuse, ja' ti ta jchol li Lequil A'yeje, ja' ti ep chc'anvan li Diose.

Romanos 9:13

Ja' yu'un jech ts'ibabil ta sc'op Dios: “Ja' la jc'an li Jacobe; ja' la jbaj li Esaue”, xi.

Deuteronomio 21:15

“Me oy jun vinic chib yajnile, me jun lec sc'anoj, jun mu'yuc lec chile, pero me i'alaj yu'un xchibale, me ja' ba olol ic'ot yol li ants ti mu'yuc c'anbil leque,

Deuteronomio 33:9

Ja' li boch'o jech laj yalbe li stot sme'e: ‘Tsta yorail ti mu'yuc bu chquil jbatique’, xut, ja' noxtoc ti jech laj yalbe li sbanquil yits'ine: ‘Ta xach'ayic o ta jsat’, xut. Xchi'uc ti jech laj yalbe li xnich'nabe: ‘Mu'yuc xa bu chajna'oxuc lec’, xut. Yu'un ja' la spasic c'usi chal li ac'ope; ja' laj yac' sbaic o ta xch'unel li c'usi achapanoj ono'oxe.

Filipenses 3:8

Ja' jech mu'yuc xa stu chquil o scotol c'usitic yan ta sventa ti laj xa quil ti ja' toj ech'em slequil c'alal laj cotquin li Cristo Jesuse, ja' li Cajvale. Ta sventa ti ja' xa jc'anoj o li Cristoe, jech la jip o comel scotol li c'usitic jch'unoj to'oxe. Ja' xa jech chquil jech chac c'u cha'al c'a'ep, yu'un jech ja' la jta li c'usi jtunel cu'une, ja' li Cristoe.

Apocalipsis 12:11

Pero tstsal yu'unic ta sventa xch'ich'al li Ch'ium Chije, xchi'uc ta sventa ti jamal chalic ti xch'unojique. Yu'un mu'yuc sc'oplal cha'yic me chmilatic; mu'yuc chi'ic, chapalic o sventa chac' sbaic ta milel.