San Lucas 14:21 - Bible in Tzotzil de Chenalhó with Deuterocanon

²¹ C'alal isut batel li mozoe, c'ot xcholbe yajval li c'usitic laj yalic jujunique. Li yajval ve'lile i'ilin, jech laj yalbe li smozoe: ‘Batan ta anil ta cuxub o'ntonaletic ta yut lum xchi'uc ta xoraltic. Ja' ic'ano tal li me'onetique, li boch'otic motajtic sc'obique, li coxoetique, xchi'uc li ma'satetique’, xut.

Tzotzil Zinacantan

²¹ Isut li mozoile, jaꞌ yech yul yalbe li yajvale ti cꞌu xꞌelan itacꞌbate. Li yajval veꞌlile icap o tajmec. “Batan ta anil ta chꞌivit xchiꞌuc ta cayatic, jaꞌ icꞌo tal li muchꞌutic meꞌone, xchiꞌuc li tuncoetique, xchiꞌuc li coxoetique, xchiꞌuc li maꞌsatetique”, xut echꞌel li smozoe.

Bible in Tzotzil de Chamula

²¹ Ti jtunele c'ot yalbe ya'i ti yajval ti va'i s'elan tac'avic ti buch'u ic'bilique. Chopol laj ya'i ti ajvalile, xi laj yalbe ya'i ti yajtunele: ‘Batan ta ora ta jteclum. Xani o ti calleetique, ti bic'tal beetique. Ic'o talel ti buch'u abol sbaique, ti coxovetique, ti ma'satetique, ti tuncoetique.’

LEQUIL ACH' C'OP

²¹ Isut li mozoile, ja' yech c'ot yalbe li yajvale ti c'u x'elan itac'bate. Li yajvale icap o tajmec, xi iyalbe li smozoe: “Batan ta anil ta ch'ivit xchi'uc ta cayetic, ja' ic'o tal li much'utic me'one, xchi'uc li tuncoetique, xchi'uc li coxoetique, xchi'uc li ma'satetique.” Xut ech'el li smozoe.

Tzotzil San Andres

²¹ Cꞌalal isut talel li yajtunele, laj yalbe yajval li cꞌu sba itacꞌav li jujunique. Li yajval veꞌlile iꞌilin. Jech laj yalbe li yajtunele: “Batan ta anil ta chꞌivit schiꞌuc ta cayaetic li liꞌ ta jteclume. Jaꞌ ba icꞌano talel li meꞌonetique, schiꞌuc li pecꞌaetique, schiꞌuc li muꞌyuc scꞌobique, schiꞌuc li coxoetique, schiꞌuc li maꞌsatetique”, xi.

Tzotzil de Huixtán

²¹ Hech isut tal ti yabate. Hul xcholbe ya'i ti yajvale ti c'utic laj yalic jujun. I'ilin ti yajval ve'elile. Hech lic yalbe ti yabate: “Batan ti ora ti plaza xchi'uc ti calletic li' ti jteclume. Ic'o talel ti me'onetique xchi'uc ti much'utic sicuben yoc sc'obe xchi'uc ti mecanetique xchi'uc ti ma'satetique”, xchi.

San Lucas 14:21 Iomraidhean Croise

Salmos 2:12

Yu'un jech mu x'ilin ta atojolic, naca me chamanic ta be yu'un; yu'un mu vocoluc xu' tstsan li sc'ac'al yo'ntone. Xcuxet no'ox yo'nton li boch'otic ja' spatoj yo'ntonic yu'une.

Salmos 38:7

Solel chti'van li jpate; mu'yuc xa bu lec scotol jbec'tal.

Isaías 35:6

Li coxoetique xbitubajic no'ox liquel jech chac c'u cha'al te'tical chij; xcuxet no'ox yo'nton tsots chlic q'uejinicuc li uma'etique. Xchi'uc ta xlic loc'anuc ya'lel li taqui-xocol banamile; ta xlic xanoanuc ya'lel li sbajbajiltaque.

Jeremías 5:1

“Xanic scotol xoraltic ta Jerusalén, batanic ta scotol cuxub o'ntonaletic ta yut lum; bat sa'ic, q'uelic lec me oy chataic junuc li boch'o tuc' c'usi tspase ti ja' tsa' c'usi melele, yu'un jech xu' ta jpasbe perdón li Jerusalene.

Zacarías 11:11

Ja' jech sc'ac'alil ilaj sc'oplal li c'usi chapanbile. Li chijetic ti oy svocolique te tsq'uelic li c'usi ta jpase, jech la sna'ic ti ja' Dios ic'opoj ta sventa li c'usi la jpase.

Zacarías 11:7

Jech te lic jq'uel li chijetic ti chapal xa sc'oplal chich'ic milele, ja' li chijetic ti abul sbaique. La jsa' cha'ch'ix jte'. Li jch'ixe “C'uxubinel” xi sbi laj cac'be; li yane “Jmoj Tsobol” xi sbi laj cac'be.

San Mateo 11:28

La'ic ta jtojol acotolic, vo'oxuc ti lubenoxuc yu'un li tsatsal abtele xchi'uc li alal icatsile, vu'un ta xcac' acux avo'ntonic.

San Mateo 11:5

Li ma'satetique ta xilic xa osil. Li coxoetique ta xanovic xa. Li jc'a'el chameletique icolic xa. Li boch'otic macal to'ox xchiquinique ijam xa xchiquinic. Li animaetique icha'cuxiic xa. Li me'onetique icholbat xa ya'yic li Lequil A'yeje.

San Mateo 15:12

Jech te inoch'ajic batel ta stojol Jesús li yajchanc'optaque, jech laj yalbeic: —¿Me xana' ti toj chopol laj ya'ay fariseoetic li c'usi laj avale? —xutic.

San Mateo 18:31

C'alal laj yilic li yan xchi'iltac ta abtele, ep laj yat yo'ntonic, jech bat yalbeic ta ora ajvalil scotol li c'usi la spase.

San Mateo 20:7

Itac'ovic: ‘Yu'un mu'yuc boch'o chiyalbuncutic abtel’, xiic. Jech laj yalbe: ‘Batanic ta abtel cu'un te ta ts'usubtic’, xut.

San Lucas 14:13

C'alal cha'ic'van ta ve'ele, ja' xavic' li me'onetique, li boch'otic motmot sc'obique, li coxoetique, xchi'uc li ma'satetique.

San Lucas 14:20

Li yane jech laj yal: ‘Mu xu' cu'un chibat, yu'un ja' to linupin’, xi.

San Lucas 14:22

Li mozoe la xch'un. Ts'acal jech laj yalbe li yajvale: ‘Cajval, la jpas scotol li c'usi laj avalbune, pero oy to xocol li ve'lile’, xut.

San Lucas 14:24

Chacalbot ava'ay, scotol li boch'otic ba'yuc quic'anoje, me junuc mu'yuc xa chtal spas ya'yic o c'u x'elan li ve'lile’, xi li yajval ve'lile —xi li Jesuse.

San Lucas 24:47

Ts'ibabil noxtoc ti ja' ta sbi ta xcholbat ya'yic cristianoetic ta scotol banamil ti ac'o sutes yo'ntonique, xchi'uc ti ja' ba'yuc ta xcholbat li boch'otic li' nacajtic ta Jerusalene, yu'un jech xu' tspasbat perdón yu'un smulic.

San Lucas 9:10

C'alal isutic batel li yajtacbolaltac Jesuse, c'ot yalbeic scotol li c'usitic la spasique. Li Jesuse laj yic' batel li yajtacbolaltaque; la svoc' sbaic batel ta lum Betsaida.

San Juan 9:39

Li Jesuse jech laj yalbe: —Ti lital li' ta banamile ja' sventa tal cac' vinajuc c'u x'elan stalel li cristianoetique. Yu'un jech ac'o yilic osil li boch'otic mu xilic osile, xchi'uc jech ac'o comicuc o ta ma'sat li boch'otic xilic osil scuyojique —xi.

Hebreos 13:17

Ch'unbeic me c'usi chayalboxuc li boch'otic sventainojoxuque; ich'ic me ta muc'. Yu'un ja' ta xchabioxuc, yu'un tsna'ic ti ta ono'ox xc'ot yalic ta stojol Dios ti c'u x'elan ch-abtejique. Me chavich'ic ta muq'ue, xcuxet no'ox yo'nton ch-abtejic; mu'yuc bu chlo'ilaj yo'nton avu'unic. Yu'un mu'yuc c'usi chataic ec me jech chapasique.

Hebreos 2:3

¿Me vu'utic xa chijcol ec me mu xquich'tic ta muc' li muc'ta coltael jtaojtique? Yu'un li coltaele ja' laj yal stuc ba'yuc li Cajvaltique, jech la xcholbutic lec ca'itic ec li boch'otic laj ya'yique.

Santiago 2:5

Quermanotac, vo'oxuc ti lec jc'anojoxuque, a'yo lec ava'yic. Li Diose ja' la st'uj li boch'otic me'on li' ta banamile, yu'un jech jc'ulej chc'otic ta sventa xch'unojel yo'ntonic, xchi'uc jech chich'ic c'usi yaloj Dios chac'be li boch'otic sc'anojic Diose.

Apocalipsis 19:15

Li C'ope chloc' espada ta ye. Li espadae lec juxbil ye. Ja' sventa tsmil o li cristianoetic ta jujun banamile. Ja' tslilin o ta svaston ti pasbil ta tsatsal taq'uine. Ja' tstec' noxtoc li yavil spits'ubil ya'lel ts'usub ti nojem ta tsots sc'ac'al yo'nton li Dios ti ech'em svu'ele.

Apocalipsis 22:17

Li Ch'ul Espíritu xchi'uc li yajnil Ch'ium Chije jech chalic: “La' me ta ora”, xiic. Li boch'otic cha'yic li c'op li' ts'ibabile jech ac'o yalic ec: “La' me ta ora”, ac'o xiicuc. Li boch'otic taquin yo'ntonique ac'o talicuc ta stojol li Jesuse. Li boch'o tsc'ane smoton ch-ac'bat li vo' sventa cuxlejale.

1 Samuel 2:8

Li Muc'ul Diose tstots liquel ta banamil li me'onetique. Tsloq'ues tal ta c'a'eptic li jc'anlimosnaetique, yu'un co'ol chchotan xchi'uc li banquilaletique. Chac'be yavil ti bu ich'bil ta muq'ue, yu'un li Muc'ul Diose ja' yoyal banamil; ja' sventainoj li banamile.

1 Samuel 25:12

Li smozotac Davide isutic batel, c'ot yalbeic David c'u x'elan itac'ov li Nabale.