San Lucas 14:11 - Bible in Tzotzil de Chenalhó with Deuterocanon

¹¹ Yu'un li boch'o muc' chac' sbaique, ta sbic'tajesatic. Yan li boch'o biq'uit chac' sbaique, ja' ta x'ac'atic ta ich'el ta muc' —xi li Jesuse.

Tzotzil Zinacantan

¹¹ Jaꞌ noꞌox yech ti muchꞌutic tstoy sbaique ch-aqꞌueic ta qꞌuexlal yuꞌun ti Rioxe. Yan li muchꞌutic mu snaꞌ stoy sbaique, jaꞌ ch-aqꞌueic ta ichꞌel ta mucꞌ yuꞌun ti Rioxe ―xꞌutatic la yuꞌun ti Jesuse.

Bible in Tzotzil de Chamula

¹¹ Ti buch'u ta xac' sba ta ich'el ta muq'ue, ta xpec'tsanbat sc'oplal. Ja'uc ti buch'u biq'uit ta xac' sbae, ta xtoyesbat sc'oplal.

LEQUIL ACH' C'OP

¹¹ Yu'un ti much'u chac' sba ta ich'el ta muc' stuque, ta xich' aq'uel ta q'uexlal; yan ti much'u biq'uit chac' sbae, ta xich' aq'uel ta ich'el ta muc'. ―X'utatic yu'un ti Jesuse.

Tzotzil San Andres

¹¹ Yuꞌun li buchꞌutic ta scꞌan ti ichꞌbilic ta muqꞌue, ta xbicꞌtajeseic yuꞌun li Diose. Yan li buchꞌutic ta sbicꞌtajes sbaique jaꞌ ta xꞌaqꞌueic ta ichꞌel ta mucꞌ yuꞌun li Diose ―xi li Jesuse.

Tzotzil de Huixtán

¹¹ Yu'un scotol ti much'u chac' sba ti pasel ti muc', ja' chbic'tajesat. Ti much'u biq'uit chac' sbae ja' ch-ac'at ti pasel ti muc' ―xchi ti Jesuse.

San Lucas 14:11 Iomraidhean Croise

2 Samuel 22:28

Ja' chacolta li boch'o biq'uit chac' sbae; yan li boch'o toyol chac' sbae chavac' asat ta stojol yu'un ac'o bic'tajicuc.

Ester 6:10

Li ajvalile jech laj yalbe li Amane: —Lec oy, batan ta ora; ich'o batel li jc'u'e xchi'uc li jca' jech chac c'u cha'al laj avale. Ja' jech xbat apasbe li Mardoqueo judá vinic le' chotol ta sti' jpasubmantale. Ja' me jech xapas scotol ti c'u x'elan laj avale —xut.

Job 22:29

Yu'un li Diose tsbic'tajes li jtoybaetique; ja' tscolta li boch'o biq'uit chac' sbaique.

Salmos 138:6

Ac'o me toj ech'em amuc'ul, vo'ot li Muc'ul Diosote, pero oy ta avo'nton li boch'o biq'uit ch-ilatique; yan li jtoybaetique chaq'uel tal ta nom li c'usi tspasique.

Salmos 18:27

Vo'ote chacolta li boch'o biq'uit chac' sbae; li boch'o tstoy sbae ja' chabic'tajes.

Proverbios 15:33

Li boch'o chich' ta muc' Muc'ul Diose te chchan batel lec c'u x'elan chbijub; ti c'u x'elan xu' ta jtatic ich'el ta muq'ue tsc'an biq'uit chcac' jbatic ba'yuc.

Proverbios 18:12

Li toybaile ja' chisyalesutic ta lum; yan me biq'uit chcac' jbatique, chquich'tic ich'el ta muc'.

Proverbios 25:27

Me toj ep ta jlo'tic spom muc'ta pome, mu lecuc ta sventa jbec'taltic; jech noxtoc mu lecuc ta jventatic me toj ech'em ich'bilutic ta muq'ue.

Proverbios 29:23

Li jtoybae ta syalesat yu'un li stoyobbaile; yan li boch'o biq'uit chac' sbae ta x'ich'at ta muc'.

Isaías 2:11

Li jtoybaetique peq'uel chcomic; li boch'o stuc no'ox yac'oj sbaic ta stojol xchi'ilique, biq'uit chcomic. Ja' no'ox stuc Muc'ul Dios ich'bil ta muc' chcom c'alal me ic'ot sc'ac'alile.

Isaías 2:17

Li jtoybaetic, li boch'otic muc' yac'oj sbaique, persa tsalbil chcomic, persa tsbic'tajesatic; ja' no'ox stuc Muc'ul Dios ich'bil ta muc' chcom c'alal me ic'ot sc'ac'alile.

Isaías 57:15

Yu'un li boch'o oy ta sc'ob scotole, ti stalel cuxul o sbatel osile, ti Ch'ul Dios, xi ch-albate, jech chal: “Vu'un te nacalun ta toyol, ta ch'ul vinajel, xchi'uc te oyun ta stojol noxtoc li boch'otic biq'uit chac' sbaique, xchi'uc li boch'otic abul sba cha'yique; te ta xcac'beic lec stsatsal yo'ntonic, ta jmuq'uibtasbe yo'ntonic.

San Mateo 23:12

Li boch'o muc' chac' sbae, ja' ta sbic'tajesat. Yan li boch'o biq'uit chac' sbae, ja' ta x'ac'at ta ich'el ta muc'.

San Lucas 1:51

Li Diose toj muc'tic c'usi la spas ta stsatsal svu'el; la slajesbe sc'oplal c'usi snopojic li jtoybaetique.

San Lucas 1:52

La sjip loq'uel ta xchotlebic li jpasmantaletique; ja' la stoy liquel li boch'otic mu'yuc stu ch-ilatique.

San Lucas 14:12

Li Jesuse jech laj yalbe ec li boch'o i'ic'van ta ve'ele: —C'alal cha'ic'van ta ve'ele, mu me ja'uc xavic' li boch'otic lec xac'opan aba achi'uque, xchi'uc li achi'iltac ta voq'uele, xchi'uc li avuts' avalaltaque, xchi'uc li boch'otic noch' nacaloxuc achi'uc ti jc'ulejetique. Yu'un xu' ta xlic spacbot ec ti laj avic' ta ve'ele, jech avich'oj xa atojol chc'ot o.

San Lucas 18:14

Chacalboxuc ava'yic, li jtsobpatane mu'yuc xa smul ch-ilat yu'un Dios ti c'alal isut batel ta snae. Yan li fariseoe mu jechuc. Yu'un li boch'otic tstoy sbaique ja' ta sbic'tajesatic. Yan li boch'otic biq'uit ta xac' sbaique ja' ta x'ac'atic ta ich'el ta muc' yu'un li Diose”, xi li Jesuse.

Santiago 1:9

Li jch'unolajel ti toj abul sbae, cuxetuc no'ox yo'nton ta sventa ti oy xa c'usi toj lec staoje.

Santiago 4:10

Ja' lec biq'uit xavac' abaic ta stojol li Cajvaltique, jech lec muc' chac'otic yu'un.

Santiago 4:6

Pero li Diose slequil no'ox yo'nton chixc'uxubinutic, ja' yu'un jech ts'ibabil: “Li Diose tscontrain li jtoybaetique; yan li boch'o biq'uit chac' sbaique ja' ta xc'uxubin”, xi.

1 Pedro 5:5

Jech ec li vo'oxuque queremetic, ich'ic me ta muc' li jcholc'opetique. Acotolic tsc'an talbat chavich' abaic ta muc'; biq'uit xavac' abaic, yu'un jech ts'ibabil: “Li Diose chopol chil li jtoybaetique; yan li boch'o biq'uit chac' sbaique ja' chc'uxubin”, xi ts'ibabil.

1 Pedro 5:6

Ja' yu'un biq'uit me xavac' abaic ta stojol li Dios ti ech'em stsatsale, jech chayac'oxuc ta ich'el ta muc' ti c'alal ta sta yoraile.

1 Samuel 15:17

Jech lic yal li Samuele: —Laj to'ox anop ti toj biq'uitot laj ava'ye. Pero vo'ot lac'ot ta banquilal yu'un li jaychop jchi'iltactique. Li Muc'ul Diose la st'ujot ta sventa la'och ta ajvalilal yu'unic.