San Lucas 13:6 - Bible in Tzotzil de Chenalhó with Deuterocanon

⁶ Li Jesuse laj yal jun lo'il jech chac li'i: “Oy jun vinic sts'unoj jpets higo ta ts'usubaltic yu'un. Bat sq'uel me oy sat li higoe, pero mu'yuc sat la sta.

Tzotzil Zinacantan

⁶ Ti Jesuse iyal la jun loꞌil: ―Caltic noꞌox yaꞌel ti oy jun vinic stsꞌunoj jtecꞌ icꞌux ta yut uvatique. Ba sqꞌuel mi oy sat, pero chꞌabal.

Bible in Tzotzil de Chamula

⁶ Ti Jesuse xi laj yal jun babac'op: —Oy jun vinic sts'unoj jpets icux ta yosil. Ba sq'uel mi ta xac' sat. Mi jbejuc laj stabe ti sate.

LEQUIL ACH' C'OP

⁶ Ti Jesuse iyal jun lo'il chac li'i: «Oy jun vinic sts'unoj jtec' ic'ux ta yut uvatic, ba sq'uel mi oy sat, pero ch'abal bu ista jp'ejuc.

Tzotzil San Andres

⁶ Li Jesuse la scoꞌoltajes jech chac cꞌu chaꞌal jtecꞌ higo li jꞌisraeletique. Jech laj yal: ―Oy jun vinic stsꞌunoj jtecꞌ higo ta tsꞌunbaltic. Tsꞌacal to ba sqꞌuel mi oy sat li teꞌel higo ti stsꞌunoje pero muꞌyuc sat ista.

Tzotzil de Huixtán

⁶ Ti Jesuse laj yalbe ya'yic lo'il avi to. Ja' sjam ti mu j'ech'eluc chtenat loq'uel ti judioetique yu'un ti mu sc'an xch'umbat sc'op ti c'alal i'ay oxib habil li' ti balumile ti Jesuse. Ja' hech laj yal ti Jesuse: ―Oy jun vinic laj sts'un jtec' igote' yo' bu ts'umbil uvate' yu'une. Hech yu'un patil ba sq'uelilan ti igote'e ti bu sts'unoje mi chac' sate. Mu'yuc sat.

San Lucas 13:6 Iomraidhean Croise

Jeremías 2:21

Vu'une la jts'unot jech chac c'u cha'al jpets lequil ts'usub, vo'ot sts'unubalot lequil ts'usub cu'un. Pero ¿c'u yu'un laj ac'atajes aba ta sts'unubal chopol ts'usub?

Jeremías 8:13

Jech chal li Muc'ul Diose: “Ta jtuch'ic loq'uel scotolic. Mu xa jbejuc sat sts'usub chcom ta ts'usubtic; mu xa jbejuc sat higo chcom ta higoaltic, xchi'uc chlilij scotol li yanale. Jelovel no'ox chjelov li c'usi laj cac'beic oxe”, xi.

San Lucas 13:5

Chacalboxuc, mu jechuc. Me mu xasutes avo'ntonic ec li vo'oxuque, ja' jech ta xc'ot ta atojolic ec”, x'utatic yu'un li Jesuse.

San Lucas 3:9

Li vo'oxuque ja' jechoxuc jech chac c'u cha'al te'etic ti te xa metsel eq'uel ta yibele. Yu'un li te'etic ti mu lecuc chac' sate ta xich' ts'etel, chich' chiq'uel ta c'oc'”, xut li cristianoetique.

San Juan 15:16

Muc vo'ocoxuc laj at'ujicun. Vu'un la jt'ujoxuc. Laj cac'boxuc avabtelic, yu'un ac'o satinanic. Li asat chavaq'uique mu xlaj sc'oplal o. Jech chayac'boxuc Jtot scotol li c'usiuc no'ox chac'anbeic ta jventae.

Gálatas 5:22

Yan li yabtel Ch'ul Espiritue ja' jech chac li'i: ta jc'anan jbatic, xcuxet no'ox co'ntontic, jun no'ox co'nton jcotoltic, oy smuc'ul co'ntontic, lec no'ox chijc'opojutic, oy slequil co'ntontic, oy xch'unojel co'ntontic,

Filipenses 4:17

Mu yu'unuc ta jc'an jmoton ti jech chcale. Ja' no'ox ta jc'an ac'o epajuc, ac'o jolinuc lec li ac'ulejalic bu nac'bile.

Jueces 9:11

Pero li higoe muc sc'an ec, jech laj yal: ‘Ti c'u x'elan xu' chicom ta ajvalilal avu'unique, tsc'an ta jcomtsan yaq'uel jsat ti lec chi'ique xchi'uc ti lec muic ta lo'ele’, xi.