San Lucas 13:29 - Bible in Tzotzil de Chenalhó with Deuterocanon

²⁹ Xchi'uc chavilic ep yanlum cristianoetic liquemic tal ta sloq'ueb c'ac'al, ta smaleb c'ac'al, ta norte, ta sur. Chavilic te chotolic ta ve'el yo' bu tspas mantal li Diose.

Tzotzil Zinacantan

²⁹ Tey chcꞌot noxtoc epal crixchanoetic ta sjunlej balamil. Jun yoꞌonic yoꞌ bu tspas mantal ti Rioxe.

Bible in Tzotzil de Chamula

²⁹ Yu'un ta xtalic ti buch'utic oyic ta xchanjotal ti banomile yo' ta xchotiic ta ve'el ti bu ta xventainvan ti Diose.

LEQUIL ACH' C'OP

²⁹ Ja' o chavilic ep jyanlum crixchanoetic liquemic tal ta loq'ueb c'ac'al xchi'uc ta maleb c'ac'al, ta norte xchi'uc ta sur, ti tey ta xchotiic ta ve'el yo' bu tspas mantal ti Rioxe.

Tzotzil de Huixtán

²⁹ Yu'un ep yanlum crixchanoetic chtalic ti sjoylejal balumil. Te chc'ot xchi'inic ti Abrahame xchi'uc ti Isaaque xchi'uc ti Jacobe te yo' bu tspas mantal ti Diose.

San Lucas 13:29 Iomraidhean Croise

Génesis 28:14

Ta to xlic bolicuc li amomnich'nabtaque; ja' jech ta xc'otic jech c'u cha'al spucucal banamil. Ta to spuc sbaic batel ta xchanjotal xocon vinajel. Xchi'uc vo'ot ta aventa achi'uc amomnich'nabtac ta xich'ic bendición scotol li cristianoetic ta sbejel banamile.

Isaías 43:6

Jech chcalbe li boch'otic te oyic ta nortee: ‘Tacbun sutel tal li cu'untaque’, chcut. Jech chcalbe li boch'otic te oyic ta sure: ‘Mu me teuc xavic'bun o comel; ac'bun sutel tal li jqueremetic, li jtsebetic te oyic ta sti'iltac banamile.

Isaías 49:6

Jech chal: “Mu xu' o ti ja' no'ox chacom ta cajtunel sventa ta jtsob tal yan velta sts'unubal li Jacobe, sventa ta jliques yan velta ti c'u to yepal comenic sts'unubal li Israele. Ja' yu'un ta xcac' noxtoc ti vo'ot luz chac'ot ta yantic banamile, yu'un vo'ot chavich' batel c'alal to ta sti'iltac banamil li coltaele”, xiyutun.

Malaquías 1:11

Yu'un li jbie toj ech'em smuc'ul ta sbejel banamil, xlic ta sloq'uem c'ac'al c'alal to ta smaleb c'ac'al; ta sbejel banamil ta buyuc no'ox chixchic'bicun pom ta jtojol, xchi'uc ja' chiyac'bicun jmotonin ti bu lequique, yu'un toj ech'em smuc'ul jbi ta scotol banamil.

San Mateo 8:11

Chacalboxuc ava'yic, ta yan c'ac'al ta xtalic ep cristianoetic ta sloq'ueb c'ac'al ta smaleb c'ac'al ti mu ja'uc jchi'iltic ta israelale. Te chc'ot xchi'inic ta chotlej yo' bu tspas mantal Dios li jmoltotactic ta vo'onee, ja' li Abrahame, li Isaaque, xchi'uc li Jacobe.

Marcos 13:27

Ta jtac yalel tal caj'almantaltac, yu'un chtal stsobic scotol li boch'otic t'ujbilic cu'un ta xchanjotal xchiquin banamil c'alal to ta sti'iltac banamile.

San Lucas 13:30

A'yo ava'yic, oy boch'otic ts'acalpat oyic li' ta ora ti ja' ba'yucbe ta xc'otique. Oy boch'otic ba'yucbeic li' ta ora ti ja' ts'acalpat ta xc'otique —xi li Jesuse.

Hechos 28:28

Na'ic me, li coltael yu'un Diose ja' xa itacbatic batel ta stojol li yanlum cristianoetic ti mu xotquinic Diose; li stuquique ja' ta xa'ibeic smelol —xi li Pabloe.

Colosenses 1:23

Ta melel ja' jech chac'otic me staoj yav lec nacal o li avo'ntonique, me jun avo'nton ach'unojic oe, me mu x'ech' avo'ntonic o ta smalael li c'usi sc'oplal chataic ta sventa ti Lequil A'yej laj ava'yique, ja' li Lequil A'yej ti laj xa yich' cholbel scotol cristianoetic li' ta banamile. Ja' cabtel o xcholel vu'un li Pabloune.

Colosenses 1:6

Li Lequil A'yej ic'ot ta atojolique, ipuc xa batel ta sbejel banamil. Yochel xa satinel, yochel xa ta ch'iel batel jech chac c'u cha'al ich'i te ta atojolic c'alal lic ava'yic, lic avilic c'u x'elan li c'uxubinel yu'un Dios ta melele.