San Lucas 13:19 - Bible in Tzotzil de Chenalhó with Deuterocanon

¹⁹ Ja' co'ol xchi'uc bec' mostaza la sts'un ta yosil jun vinic. C'alal ich'ie, lec muc' ibat. Jech ital mutetic, tal spas stasic ta sc'obc'ob”, xi li Jesuse.

Tzotzil Zinacantan

¹⁹ Acꞌu mi muc bu ep lavie pero ta to xpꞌol. Coꞌol xchiꞌuc becꞌ mustisya ti istsꞌun ta yosil jun vinic ti toyol ibate. Ital mutetic, tey ispas stsoꞌopic ta scꞌobcꞌobtac ―xꞌutatic la yuꞌun ti Jesuse.

Bible in Tzotzil de Chamula

¹⁹ Co'ol s'elan jech c'u cha'al jbej sbec' mostaza laj sts'un ta yosil ti vinique. C'alal ta xch'ie, joybij ta jpets muc' ta te', ti spas xa yuni tasic ti mutetic ta sc'ob c'obtaque.

LEQUIL ACH' C'OP

¹⁹ Co'ol xchi'uc bec' mustisya ti ists'un ta yosil jun vinique, C'alal ich'ie muc'ta te' ibat, ital li mutetique, ispas stso'opic ta sc'obc'obtac.» ―X'utatic yu'un ti Jesuse.

Tzotzil San Andres

¹⁹ Acꞌo mi muc bu ep li buchꞌutic ta xventainatic li avie pero ta tsꞌacale ta xꞌepaj. Jaꞌ jech chac cꞌu chaꞌal li becꞌ mustasa ti la stsꞌun ta yosil jun vinique ti toyol ibate. Laj yacꞌ ep scꞌob. Ital mutetic, la spas stasic ta scꞌobtac ―xi li Jesuse.

Tzotzil de Huixtán

¹⁹ Oy yip ch-abtej hech chaj c'u che'el ti biq'uit sbec' mostazate' ti laj sts'un ti slum jun vinic ti ich'i hech muc'ta te' ic'ot. Ital mutetic, tal spas stso'op ti sc'ob ti te'e ―xchi ti Jesuse.

San Lucas 13:19 Iomraidhean Croise

Cantares 4:12

Cunin ixlal, cunin elub, ja' jechot chac c'u cha'al ts'unubaltic ti lec macbil ta corale; ja' jechot chac c'u cha'al nio' ti lec chabibil, ti mu'yuc to boch'o slupoje.

Cantares 4:16

Ic' ta norte, la' me; ic' ta sur, li' xatale. Juch'taic li ts'unubaltic cu'une; pucbeic batel li smuil yiq'ue. Jc'upil vinic, la' me li' ta ts'unubaltic avu'une; la' lo'an li sat ti toj lec chi'ic ta lo'ele.

Cantares 6:2

Li jc'upil vinique li' talem ta ts'unubaltic yu'un, ja' li ts'unubaltic yu'un ti toj lec mu yiq'ue, tal yac' ve'uc xchijtac, xchi'uc tal xtuch' lirio nichim.

Cantares 8:13

Vo'ot ti te nacalot ta ts'unubaltic achi'uc li tsebetique, c'opojan tal ca'tic, tsc'an cha'yic li jchi'iltaque.

Isaías 53:1

¿Boch'o chch'un li c'usi chcaltic batele? ¿Boch'o ta stojol chac' ta ilel smuc'ul stsatsal li Muc'ul Diose?

Isaías 53:10

Li Muc'ul Diose jech la sc'an ti laj yac' ta uts'intaele, ti laj yac'be xcuch scotol vocole. Ta sventa ti ivu' yu'un laj yac' sba ta milbil matanal sventa mulile, jech ta to xil noxtoc c'u to yepal chbol li yu'untaque, ta xnatub lec yorail. Li c'usi chapanbil yu'un Muc'ul Diose, chc'ot ta pasel.

Isaías 58:11

Vu'un ta jchabioxuc, ta jtojobtasoxuc scotol c'ac'al; ac'o me te oyoxuc ta taqui banamil, vu'un ta xcac'boxuc ave'elic; ta xcac'boxuc lec stsatsal abec'tal xchi'uc abaquilic. Ja' jech chac'otic jech chac c'u cha'al ts'unubaltic ti lec chich' at'esele, jech chac c'u cha'al nio' ti mu sna' x'ul o ya'lele.

Isaías 61:11

Li Muc'ul Diose laj xa yac' ch'iuc, laj xa yac' javuc li' ta banamil li tuq'uil chapanel yu'une, jech chac c'u cha'al chjav ts'i'laletic ta banamil, jech chac c'u cha'al chjulij loq'uel tal sq'uelum c'usitic ts'unubil. Jech ch-albat slequilal ta scotol li jujun banamile.

Isaías 9:7

Li yabtel ta muc'ta ajvalilale, xchi'uc ti chac' jun o'ntonale mu'yuc spajeb o. Ja' chlic chotluc ta xchotleb li ajvalil Davide; ja' chlic sventain scotol. J'ech'el lec nacal chcom o, tsmeltsan lec scotol; chchapan lec, tstuq'uibtas lec, jech tspas li' ta ora xchi'uc c'alal to ta sbatel osil. Ja' jech tspas ta sventa ti bats'i lec yo'nton li Muc'ul Dios ti tspas ta mantal scotol te ta vinajele.

Jeremías 31:12

“Ta xtalic, xcuxet no'ox yo'nton chlic q'uejinicuc te ta toyol vits Sión; ja' snutsojic tal c'usi lec chac' li Muc'ul Diose: ja' li trigo, li ya'lel ts'usub, li aceite, li chijetic, xchi'uc li vacaxetique. Ja' jech chc'otic jech chac c'u cha'al ts'unubaltic ti lec at'esbile, jech mu'yuc xa cha'ay svocolic o.

Ezequiel 31:6

Jech te tal spas stasic ta sc'obc'ob scotol li jaychop mutetique; te i'alajic ta yolon scotol li jaychop chonbolometique; te inaquiic ep ta chop cristianoetic ta xyaxinal.

Daniel 4:12

Lec c'upilic sba yanal, lec pim sat noxtoc. Te tsta sve'el scotol li cristianoetique. Te ital xcux yo'ntonic ta yolon scotol li chonbolometique. Te ital spas stasic ta sc'obc'ob scotol li mutetique; ja' te la sta sve'elic scotol li c'usitic cuxulic ta banamile.

Daniel 4:21

ti lec c'upilic sba yanale, ti lec pim sate, ti te tsta o sve'el scotol li cristianoetique, ti te chcux yo'ntonic ta yolon scotol li chonbolometique, xchi'uc ti te spasoj stasic ta sc'obc'ob li mutetique,

Zacarías 2:11

Me la sta li sc'ac'alil le'e, ep cristianoetic ta yantic banamil ta stsob sbaic tal ta stojol li Muc'ul Diose. Jech chal: “Ja' jteclumal chc'otic o, te chinaqui o ta stojolic”, xi. Jech chana'ic o ti ja' la stacun tal ta atojol li Muc'ul Dios ti tspas ta mantal scotol te ta vinajele.

San Mateo 17:20

Itac'ov li Jesuse: —Ja' ta scoj ti mu'yuc to lec ach'unojique. Melel li c'usi chacalboxuque, me oy xa xch'unojel avo'ntonic jech chac c'u cha'al biq'uit bec' moztasae, xu' avu'unic jech chavalbeic li vits li'i: ‘Loc'an batel li'i, batan le'e’, me xavutique, ta xbat avu'unic. Mu'yuc c'usi ti mu xu' avu'unique.

Marcos 4:30

Jech laj yal noxtoc li Jesuse: “¿C'usi xu' ta jco'oltsan o li ventainel yu'un Diose? ¿C'usi lo'ilal ta jloc'ta o ti xco'laj smelole?

San Lucas 17:6

Jech i'albatic yu'un li Cajvaltique: —Me oy xa xch'unojel avo'ntonic jech chac c'u cha'al jbej biq'uit bec' mostazae, xu' avu'unic jech chavalbeic li jpets higo li'i: ‘Loc'an batel li'i, bat tec'ano aba ta nab’, me xavutique, ta xch'un —x'utatic.

Hechos 2:41

Li boch'otic la xch'unic c'usi laj yal Pedroe laj yich'ic vo'. Ta sc'ac'alil le'e i'epajic o li jch'unolajeletique; ja' oxmil (3,000) la xch'unic ta jun no'ox c'ac'al.

Hechos 21:20

C'alal laj ya'yique, laj yalbeic slequilal Dios. Jech laj yalbeic: —Quermano, li'i aviloj ti bats'i ep xa jchi'iltactic la xch'unic Cajvaltique. Pero scotolic tsots to sc'oplal cha'yic li smantaltac Dios laj yal comel Moisese.

Hechos 4:4

Pero ep boch'otic la xch'unic ti c'alal laj ya'yic li sc'op Diose; ja' vo'mil (5,000) xa ic'ot ta scotol li viniquetique.

Romanos 15:19

xchi'uc ta sventa li senyailtac, li sq'uelubiltac ivinaj ta sventa stsatsale, xchi'uc ta sventa svu'el li Espíritu yu'un Diose. Ja' jech ipuc batel cu'un li Lequil A'yej yu'un Cristoe. Ba'yuc la jliques ta Jerusalén; ts'acal lic jchol batel ta buyuc no'ox c'alal to lic'ot ta Ilírico banamil.

Apocalipsis 11:15

Li svucubal j'almantale la sjupan ec li yoq'uese. C'alal la sjupane, oy boch'otic tsots ic'opojic ta vinajel. Jech laj yalic: “Li yabtel ajvaliletic li' ta banamile ja' xa i'och ta sventainel stuc li Cajvaltique, ja' li Cristoe. Ja' xa tspas mantal stuc sbatel osil”, xiic.