San Lucas 12:8 - Bible in Tzotzil de Chenalhó with Deuterocanon

⁸ “Chacalboxuc, li boch'o jamal chal ta stojol cristianoetic ti xch'unojune, ja' jech ec vu'un ti Xnich'on cristiano lic'ote, jamal chcal ta stojol li yaj'almantaltac Diose.

Tzotzil Zinacantan

⁸ ’Chacalbeic, ti muchꞌutic jamal chalbeic li crixchanoetique ti yichꞌojicon ta muqꞌue, jaꞌ noꞌox yech voꞌon ti coꞌol crixchanootique, jamal chcalbe ti Jtote xchiꞌuc ti yajꞌanjeltaque ti yichꞌojicon ta muqꞌue.

Bible in Tzotzil de Chamula

⁸ “Ta xcalboxuc ava'iic, buch'uuc no'ox jamal ta xalic ti jc'oplal ta stojol ti buch'uuc no'oxe, ja' jechun ec, ti co'ol j'elantique, jamal ta xcalbe sc'oplal ta stojol yaj'ánjeltac ti Dios ti c'otem ta cu'une.

LEQUIL ACH' C'OP

⁸ »Chacalbeic ava'iic, ti much'u jamal chalbe li crixchanoetique ti yich'ojon ta muq'ue, ja' no'ox yech vo'on ti Xch'amal crixchano li c'ote, jamal chcalbe ti yaj-angeltac Rioxe ti yich'ojon ta muq'ue;

Tzotzil San Andres

⁸ ’Chacalbeic, li buchꞌutic ti jamal ta xalic ta stojol li crixchanoetic ti yichꞌojicun ta muqꞌue, jaꞌ noꞌox jechun eꞌuc li joꞌon li coꞌol crixchanoutique, jamal ta xcal ta stojol Jtot ti melel yichꞌojicun ta muqꞌue, schiꞌuc ta stojol li yajꞌangeltaque.

Tzotzil de Huixtán

⁸ ’Chacalbeic, scotol ti much'utic jamal chal ti stojol crixchanoetic ti chiyojtiquinune, ho'on ti co'ol crixchanoucutique, ja' no'ox hechun uc jamal chcal ti chcojtiquine te ti stojol ti Jtote xchi'uc ti stojol ti ch'ul abatetic yu'une.

San Lucas 12:8 Iomraidhean Croise

Salmos 119:46

Ta xcalbe ya'ay amantaltac li ajvaliletique; mu xiq'uexov o ta yalel.

San Mateo 8:20

Itac'ov li Jesuse: —Li vetetique oy xch'enic; li mutetique oy stasic. Vu'un ti Xnich'on cristiano lic'ote mu'yuc bu xu' ta jmochan jba —xi.

San Lucas 15:10

Chacalboxuc, ja' no'ox jech ec li Diose, xcuxet no'ox yo'nton xchi'uc yaj'almantaltac c'alal me ta sutes yo'nton jun jpasmulile”, xi li Jesuse.

2 Timoteo 2:12

Me co'ol ta jts'ictic vocol jchi'uctique, co'ol ta jpastic mantal jchi'uctic noxtoc. Me ta jmuc ta co'ntontique, ja' no'ox jech chismucutic ta yo'nton ec.

1 Juan 2:23

Li boch'o chalic ti mu ja'uc Xnich'on Dios li Jesuse, mu xich'ic ta muc' noxtoc li Totile. Yan li boch'o jamal chal ti ja' Xnich'on Dios li Jesuse, yu'un yich'ojic ta muc' noxtoc li Totile.

Apocalipsis 2:10

Mu me xaxi'ic yu'un li vocol chtal ta atojolique. A'yo ava'yic, li pucuje ta stic'oxuc jayibuc ta chuquel, yu'un ta sq'uelboxuc avo'ntonic. Chavich'ic tsots vocol lajunebuc c'ac'al. Junuc me avo'ntonic ta jtojol ac'o me te chachamic o, jech chacac'boxuc acoronaic sventa cuxlejal sbatel osil.

Apocalipsis 2:13

Vu'une xcotquin ti bu nacaloxuque; jna'oj ti te nacaloxuc yo' bu yac'oj xchotleb li banquilal pucuje. Pero te to acuchojbicun o li jbie; mu'yuc bu xamuc ta avo'ntonic ti ach'unojique. Muc xaxi'ic o c'alal imilat te yo' bu oyoxuc li cajtunel Antipas ti jun yo'nton itun te yo' bu yac'oj xchotleb li banquilal pucuje.

1 Samuel 2:30

Ja' yu'un li Muc'ul Dios yu'un Israele jech chal: ‘Li vu'une caloj ono'ox ti j'ech'el chatunic o cu'un achi'uc avalab anich'nabe. Pero tana chcal ta jamal ti j'ech'el ta jtuch'boxuc o li avabtelique. Ja' chquich' ta muc' ec li boch'o chiyich'un ta muq'ue. Yan li boch'o chisbajune, mu'yuc stu chquil ec.