San Lucas 12:5 - Bible in Tzotzil de Chenalhó with Deuterocanon

⁵ Chacalboxuc ava'yic li boch'o tsc'an chaxi'ic yu'une. Ja' xi'anic yu'un li Boch'o xu' yu'un chmilvan, ti oy svu'el sventa chjipvan ochel ta muc'ta c'oq'ue. Melel chacalboxuc tsc'an ja' chaxi'ic yu'un.

Tzotzil Zinacantan

⁵ Ti Rioxe ti jaꞌ xuꞌ chastiqꞌuic ta cꞌocꞌ xchiꞌuc achꞌulelique, jaꞌ me xavichꞌic ta mucꞌ.

Bible in Tzotzil de Chamula

⁵ Ta xcalboxuc ava'iic, xi s'elan ma' ti buch'u sc'an xi'taele: Oy Buch'u yich'oj yabtel ta stacoxuc batel ta tojob mulil c'alal mi laj xa stub ti acuxlejalique. Le'e, ja' xi'anic yu'un.

LEQUIL ACH' C'OP

⁵ Vo'on chacalbeic ti much'u tsc'an cha xi'ic oe: ja' me xi'anic o ti much'u oy syu'el ti ja' xu' tstic' ta c'oc' ach'ulelic mi la smilique. Ta melel ja' me xi'anic o.

Tzotzil San Andres

⁵ Jaꞌ me xaxiꞌic li Diose yuꞌun jaꞌ xuꞌ yuꞌun chasticꞌoxuc ta mucꞌta cꞌocꞌ schiꞌuc achꞌulelic.

Tzotzil de Huixtán

⁵ Chacalbe ti much'u tsc'an ti chaxi'ique. Ti Diose ti xu' chasmilbot ti abec'tale xchi'uc ti ach'ulele te ti c'atimbac, ja' me xaxi'ic. Jamal chacalboxuc, xi'ic me.

San Lucas 12:5 Iomraidhean Croise

Salmos 9:17

Li boch'otic chopolique, ti chch'ay ta yo'ntonic Diose, j'ech'el ch-u'ninatic o yu'un li yavil animaetique.

Proverbios 14:26

Me chquich'tic ta muc' li Muc'ul Diose ja' stsatsal co'ntontic chc'ot o, jech jun yo'ntonic o ec li calab jnich'nabtique.

Jeremías 10:7

¿Me oy boch'o mu'yuc ta xi' avu'un, vo'ot li Muc'ul Ajvalilot yu'un scotol jujun banamile? Vo'ot no'ox atuc xi'bilot o. Ta scotol li boch'o bijic xchi'uc li ajvaliletic li' ta banamile mu'yuc boch'o xco'laj jech chac c'u cha'al li vo'ote.

Jeremías 41:18

yu'un ta xi'ic yu'un li caldeaetic ta scoj ti la smil Gedalías li Ismaele; yu'un li ajvalil ta Babiloniae ja' la stic' comel ta ajvalilal te ta yosilalic.

Jeremías 5:22

Jech chcal vu'un li Muc'ul Diosune: ¿Me mu'yuc chaxi'ic cu'un ta melel? ¿Me mu'yuc chaniquic jutuc ta jtojol? ¿Me mu xana'ic ti vu'un laj cac' li yi'tic ta ti'ti' nab sventa sts'aquil bu c'alal chpaj li nabe? Le'e ja' sts'aquil comen o cu'un. Ac'o me tsots ta syuq'uilan sba, ac'o me toyolic no'ox xvil, pero mu ono'ox xjelov batel.

San Mateo 10:28

Mu me xaxi'ic yu'un li boch'o ta smil abec'talique, yu'un li ach'ulelique mu xu' ta smil. Ja' lec ja' xaxi'ic yu'un li Boch'o xu' yu'un ta smil abec'talic xchi'uc ach'ulelic ta muc'ta c'oq'ue.

San Mateo 25:41

“Jech chcalbeic noxtoc li boch'otic te oyic ta jts'ete: ‘Voc'o abaic ta jtojol, yu'un toj chopoloxuc. Batanic ta c'oc' sbatel osil. Ja' li c'oc' ti chapanbil cu'un sventa li banquilal pucuje xchi'uc li its'inal pucujetique.

San Mateo 25:46

Jech chbat tstoj smulic o sbatel osil. Yan li boch'otic tuc' yo'ntonique ja' ta xcuxiic sbatel osil”, xi li Jesuse.

San Mateo 5:22

Pero vu'un chacalboxuc, li boch'o ta xilinta xchi'ile ta xich'be stojol c'alal chich' chapanele. Li boch'o ‘toj bolot’ xut xchi'ile, ta xich'be stojol ti c'alal chich' chapanel yu'un jchapanvanejetic ta ch'ulnae. Li boch'o ‘sve'elot c'oc'’ xut xchi'ile, ja' chbat stoj smul ta c'oc'.

Marcos 13:23

Q'uelo me abaic li vo'oxuque, yu'un ba'yuc xa laj calboxuc scotol.

1 Tesalonicenses 4:6

Mu me boch'o xavac'beic svocol, mu me boch'o xalo'laic ta sventa li mulil le'e. Yu'un ta me spac sutel stuc li Cajvaltique jech chac c'u cha'al calojcutic xa ono'ox ava'yique.

Hebreos 10:31

¡Toj xi'bal me sba me lij'och xa'ox ta sc'ob li cuxul Diose!

2 Pedro 2:4

Yu'un li Diose muc spasbe perdón yu'un smul li j'almantaletic ti la sa' smulic ta stojole; la sjip batel ta yutil ic'al osil. Te chucbilic o c'alal to tsta yorail chich' stojol smulic.

Apocalipsis 14:7

Tsots ic'opoj jech laj yal: “Xi'anic me yu'un li Diose; albeic slequilal. Yu'un laj xa sta yorail chchapanvan. Ich'ic me ta muc', yu'un ja' la spas li vinajel banamile, xchi'uc li nabetique, xchi'uc scotol li nio'etique”, xi.

Apocalipsis 15:4

Cajval, mu'yuc boch'o ti mu xi' ta atojole; mu'yuc boch'o ti mu xal alequilale. Yu'un vo'ot no'ox atuc Ch'ul Diosot. Scotol cristianoetic ta jujun banamil chtal squejan sbaic ta atojol, yu'un ivinaj xa ti ta melel tuc' chachapanvane”, xiic.

Apocalipsis 20:14

Ja' no'ox jech ec li lajel xchi'uc yavil animaetique ijipatic ochel ta muc'ta c'oc'. Le'e ja' li xchibal velta lajele.