San Lucas 12:21 - Bible in Tzotzil de Chenalhó with Deuterocanon

²¹ Ja' jech sc'oplal li boch'o ja' no'ox tstsob ep sc'ulejal stuque. Ta stojol Diose me'on”, xi li Jesuse.

Tzotzil Zinacantan

²¹ Jaꞌ noꞌox yech ti muchꞌutic ta stsob scꞌulejalique ti stuquic noꞌox chtun yuꞌunique, abol sba ch-ileic yuꞌun ti Rioxe ―xꞌutatic la yuꞌun ti Jesuse.

Bible in Tzotzil de Chamula

²¹ Ja' jech ta xc'ot ta stojol ti buch'uuc no'ox ta sbusan ti sc'ulejale, le' une, me'un mu'nat oy ta stojolal ti Diose.”

LEQUIL ACH' C'OP

²¹ Ja' no'ox yech chc'ot ta stojol ti much'utic ta stsob sc'ulejalic ta scuenta no'ox stuquique, pero ja' más me'on ch-ileic yu'un ti Rioxe.» ―X'utatic yu'un ti Jesuse.

Tzotzil San Andres

²¹ Jaꞌ jech scꞌoplal li buchꞌu jaꞌ noꞌox ta scꞌan ta stsob ep scꞌulejal stuque. Ta stojol li Diose abol sba ―xi li Jesuse.

Tzotzil de Huixtán

²¹ Ja' hech sc'opilal ti much'u ja' no'ox tstsob sc'ulejal tsc'upin stuc. Mu'yuc sc'ulejal ti stojol ti Diose ―xchi ti Jesuse.

San Lucas 12:21 Iomraidhean Croise

Proverbios 13:7

Oy boch'o jc'ulej scuyoj sba, pero mu'yuc c'usi oy yu'un; oy boch'o me'on no'ox yilel, ja' oy ep sc'ulejal.

Oseas 10:1

Li Israele ja' jech chac c'u cha'al jtec' ts'usub ti pim yanal xchi'uc ti toj pim chac' sate. C'alal chpimaj sate, ch-epaj scajleb matanaletic sventa yan diosetic noxtoc. C'alal chlecub li yosilale, chlecub chich' pasel tonetic sventa chich'ic ta muc' noxtoc.

Habacuc 2:9

Toj abul sba li boch'o tsnojes sna ta yeleq'ue, ti chac' stas ta toyol ya'yel sventa tspoj sba o ta svocole.

San Lucas 12:33

Chonic li c'usi oy avu'unique, ac'beic me'onetic. Ja' tsobo ac'ulejalic te ta vinajel ti bu mu sna' xlaj oe. Yu'un te ta vinajele mu x'och j'elec', mu c'usi xjoch'in.

San Lucas 16:11

Me mu xana'ic stunesel li ac'ulejalic li' ta banamile, ¿boch'o ta xch'un ti xu' avu'unic sventainel li mero ac'ulejalique?

San Lucas 6:24

“Yan li vo'oxuque jc'ulejetic, toj abul abaic, yu'un ataoj xa li xcuxetel avo'ntonique.

Romanos 2:5

Ta scoj toj tsots avo'nton, ta scoj mu'yuc sutem avo'nton, ja' yu'un ja' no'ox avochel stsobel stojol amul c'alal tsta yorail chac' tuq'uil chapanel li Diose.

2 Corintios 6:10

Ac'o me chalic ti chcat xa co'ntoncutique, pero scotol ora xcuxet no'ox co'ntoncutic. Ac'o me me'onuncutic chilic, pero ep xa boch'o la jpascutic ta jc'ulej. Ac'o me solel mu'yuc c'usi oy cu'uncutic, pero jtaojcutic scotol.

1 Timoteo 6:9

Yan li boch'o tsc'an tspas ta jc'uleje, te ta sujat yu'un c'usi chopol, jech te chucbil ta xc'ot o. Ep c'usi chlic svovil c'upin. Mu'yuc lec c'usitic chlic snop, jech te ta soc o yo'nton, jech ch'ayel ta xbat o xchi'uc.

Santiago 2:5

Quermanotac, vo'oxuc ti lec jc'anojoxuque, a'yo lec ava'yic. Li Diose ja' la st'uj li boch'otic me'on li' ta banamile, yu'un jech jc'ulej chc'otic ta sventa xch'unojel yo'ntonic, xchi'uc jech chich'ic c'usi yaloj Dios chac'be li boch'otic sc'anojic Diose.

Apocalipsis 2:9

Vu'une xcotquin li avocolique xchi'uc li ame'onalic ta scoj vocole, pero jc'ulejoxuc chquil. Xchi'uc jna'oj noxtoc ti chchopolc'opoj ta atojolic li mero judioetic scuyoj sbaique. Pero ta melel mu ja'icuc. Ja' sna banquilal pucuj c'otemic.