San Lucas 11:51 - Bible in Tzotzil de Chenalhó with Deuterocanon

⁵¹ Vo'oxuc chacuchinic c'alal lic smal xch'ich'al li Abele xchi'uc c'alal to la smal xch'ich'al li Zacarías c'alal imilat ta sts'el scajleb smoton Dios te ta ch'ulnae.

Tzotzil Zinacantan

⁵¹ Ti cꞌalal imile ti Abele cꞌalal to Zacarías ti ismilic ta tiꞌ mucꞌta templo yoꞌ bu stsꞌel xchicꞌobil smoton Rioxe, voꞌoxuc chcom ta abaic ti cuxuloxuc lavie.

Bible in Tzotzil de Chamula

⁵¹ Yu'un lic ono'ox talel ta stojol Abel, vul c'alal to ta Zacarías ti laj smilic ta sts'el ti altar ti ta ch'ulnae. Ja' yu'un un, ti jnaclejetic avi tana li'e, ta x'ich'bat yeic yu'un Dios ti jech lajic ti j'alc'opetic ta vo'nee.

LEQUIL ACH' C'OP

⁵¹ Ti c'alal imal xch'ich'el ti Abele, c'alal to Zacarías ti ismilic ta ti' muc'ta templo yo' bu sts'el xchic'obil smoton Rioxe. Ti jayvo' iyich'ic tal milele vo'oxuc chcom ta abaic ti cuxuloxuc lavie.

San Lucas 11:51 Iomraidhean Croise

Génesis 4:2

Ts'acal ivoc' noxtoc li Abele, ja' li yits'in Caine. Li Abele ja' yabtel ta sts'un chij. Yan li Caine ja' yabtel tsts'un c'usitic chloc' ta banamil.

Jeremías 7:28

Jech xaval: ‘Li jun banamil li'i mu sc'an xich'beic ta muc' sc'op li Muc'ul Dios yu'unique; muc sc'anic o tojobtasel yu'un. Solel ich'ay o ta yeic li c'usitic leque, li c'usitic melele’, chian”, xiyutun li Muc'ul Diose.

Zacarías 1:1

C'alal xvaxquibal u stsacoj xchibal jabil yochel ta ajvalilal li Darioe, ital c'opanatuc yu'un Muc'ul Dios li j'alc'op Zacarías xnich'on Berequías, smomnich'on Iddoe. Jech i'albat:

San Mateo 23:35

Ja' yu'un vo'oxuc chcom ta abaic scotol li xch'ich'al boch'otic tuc' yo'ntonique. Vo'oxuc chcom ta abaic c'alal lic milatuc tal li Abele, ja' li tuq'uil vinique, xchi'uc c'alal to imilat ta ch'ulna ta nopol scajleb smoton Dios li Zacarías xnich'on Berequiase.

Hebreos 11:4

Ta sventa xch'unojel yo'nton li Abele, jech ja' xjelov slequil smoton Dios laj yac'be jech chac c'u cha'al li Caine. Jech tuc' yo'nton i'ilat yu'un Dios ta sventa xch'unojel yo'nton; lec i'albat sc'oplal yu'un Dios ta sventa li smoton laj yac'bee. Ac'o me chamen xa, pero li' to chc'opoj ya'yel.

Hebreos 12:24

Ja' te yo' bu oy li Jesús ti ja' Jc'opojel cu'untic ta sventa li c'usi ach' chapanbile, ja' li boch'o la smal xch'ich'al sventa lecubtasele. Li xch'ich'al la smale toj lec c'usi ta jtatic yu'un; mu jechuc jech chac c'u cha'al li xch'ich'al la smal Abele.

1 Juan 3:12

Mu me jpastic jech chac c'u cha'al Caín ti ja' xnich'on pucuje, jech la smil li yits'ine. ¿Me xana'ic c'u yu'un ti la smil li yits'ine? Yu'un li stuque toj chopol c'usi tspas; yan li yits'ine tuc' c'usi tspas.