San Lucas 11:48 - Bible in Tzotzil de Chenalhó with Deuterocanon

⁴⁸ Ja' svinajeb ti co'ol avo'nton achi'uquic li amoltotic ta vo'one ti chopol c'usitic la spasique. Yu'un li stuquique ja' la smilic li j'alc'opetique; vo'oxuc xa chameltsanbeic smuquinalic ec.

Tzotzil Zinacantan

⁴⁸ Jaꞌ chvinaj o ti lec chavaꞌiic ti imilvanique. Yechꞌo un ta onox xavichꞌic castico ta sbatel osil.

Bible in Tzotzil de Chamula

⁴⁸ Ti jech taj une, ta xavaq'uic iluc ti jmoj avo'ntonic c'u s'elan laj spasic ti amolmuc'totique. Yu'un ti stuquique laj smilic ti j'alc'opetic ta vo'nee. Ti vo'oxuque lec xava'iic xameltsanbe ti sba smuquinale.

LEQUIL ACH' C'OP

⁴⁸ Ti x'elan chapasique, ja' chvinaj o ti lec chava'iic ti c'usi ispasic ti amuc'tatotic ta vo'nee, li stuquique ja' ismilic yan li vo'oxuque ja' xa chameltsanbeic smuquenal.

Tzotzil San Andres

⁴⁸ Jaꞌ chvinaj o ti coꞌol avoꞌonic achiꞌuquic la atot ameꞌic ta voꞌonee. Joꞌoxuc to chatsꞌacubtasic li cꞌusi la spasic la atot ameꞌic ta voꞌonee yuꞌun poꞌot xa chapasbecun jech eꞌuc.

Tzotzil de Huixtán

⁴⁸ Hech chavaq'uic ti q'uelel ti jtos avo'ntonic xchi'uc ti atatamolic ti vo'onee ti hech laj spasique. Stuquic laj smilic. Ho'oxuque chats'acubtasbe yabtel ti atatamolique.

San Lucas 11:48 Iomraidhean Croise

2 Crónicas 36:16

Pero ja' no'ox la stse'intaic c'usi i'albatic yu'un li boch'o tacbilic tal yu'un Diose. Mu'yuc stu laj ya'yic; la sna'leic li j'alc'opetic yu'unique. Ja' yu'un li Muc'ul Diose la sloq'ues sc'ac'al yo'nton ta stojol li steclumale; mu xa stac' poxtael o.

Job 15:6

Muc vu'cun chajtic'bot amul, ta ave atuc chvinaj; ja' testigo avu'un li avee.

Salmos 64:8

Ta sc'op no'ox stuquic chyalic ta lum, jech ta xna'leatic yu'un scotol li boch'otic chilique.

Ezequiel 18:19

Pero me jech chavalic li vo'oxuque: ‘¿C'u yu'un mu'yuc chcuchbe smul stot li nich'onile?’, me xachiique, yu'un li nich'onile ja' la spas li c'usi lec, li c'usi tuq'ue. Ja' la xch'un li jmantaltaque; ja' la spas li c'usitic caloje. Ja' yu'un ta jbel sc'oplal ta xcuxi.

San Mateo 23:27

“¡Toj abul abaic, vo'oxuc li jchanubtasvanejoxuc ta smantal Diose xchi'uc vo'oxuc li fariseooxuque, jlo'lavanejoxuc! Ja' jechoxuc jech chac c'u cha'al muquinaltic ti lec sac bonbile. Ta spat xocone lec xa c'upil sba yilel. Pero li yute nojem ta sbaquil animaetic xchi'uc ta c'usitic yan te c'a'emic.

San Mateo 23:31

Ti jech chavalique, ja' chavaq'uic ta na'el atuquic ti vo'oxuc xnich'naboxuc li boch'otic la smilic j'alc'opetic ta vo'onee.

San Lucas 11:47

“Toj abul abaic vo'oxuc ti lec xa chameltsanbeic smuquinal yilel li yaj'alc'optac Dios ti la smilic amoltotaquic ta vo'onee.

San Lucas 11:49

“Ja' yu'un li Diose ta sventa sbijil jech laj yal: ‘Ta jtac batel j'alc'opetic xchi'uc cajtacbolaltac ta stojolic. Oy ta xlic smilic; oy ta xlic yuts'intaic’, xi ono'ox.

Romanos 1:32

Ac'o me sna'ic ti yaloj Dios ch'ayel chbatic li boch'otic jech tspasique, pero te ono'ox tspasilanic o. Ma'uc no'ox ti te tspasilanic oe; ja' to toj lec cha'yic me oy boch'o yan jech chchanic spasel eq'ue.

Santiago 5:10

Quermanotac, chanic me jech chac c'u cha'al laj yich'ic vocol, xchi'uc jech chac c'u cha'al its'ic yu'unic vocol li j'alc'opetic ti ic'opojic ta sventa Cajvaltique.

Josué 24:22

Jech laj yal noxtoc li Josuee: —Vo'oxuc testigooxuc atuquic, yu'un atuc laj at'ujic ti ja' chatunic yu'un li Muc'ul Diose —xut. —Jech, vu'uncutic testigoun jtuccutic —xiic.