San Lucas 11:46 - Bible in Tzotzil de Chenalhó with Deuterocanon

⁴⁶ Li Jesuse jech la stac'be: —Toj abul abaic ec vo'oxuc ti lec achanojic smantal Diose. Yu'un ja' no'ox chavac'beic xcuch alal icatsil achi'iltaquic ti mu xlic ta cuchele. Li vo'oxuque me jutuc mu'yuc bu chatij ta sbic'tal ac'obic.

Tzotzil Zinacantan

⁴⁶ Itacꞌav la ti Jesuse: ―Voꞌoxuc ti chachanubtasvanic ta smantal Rioxe, chavalbeic lachiꞌilique ti persa ta xchꞌunique; yan li voꞌoxuque mu xachꞌunic. Coꞌol xchiꞌuc chapechꞌic icatsil ti vocol chlic ta cuchele. Jaꞌ chavacꞌbeic scuch lachiꞌilique; li voꞌoxuque mu xlic avuꞌunic. Yechꞌo un ta onox xavichꞌic castico ta sbatel osil.

Bible in Tzotzil de Chamula

⁴⁶ Ja'uc ti Jesuse xi laj yale: —Mu cha'belucoxuc un, jchanubtasvanejetic yu'un ti oy c'usi tsots albil sc'oplale, ti naca xacha'lotsinbe no'ox yicats ti buch'uuc no'ox ti mu cha'bel ta xlic yu'unique, ti mu xatic' jutebuc sni' ac'obic ta yicbel ti yicatse.

LEQUIL ACH' C'OP

⁴⁶ Itac'av ti Jesuse: ―¡Toj abol abaic uc vo'oxuc ti chachanubtasvanic ta smantaltac Rioxe!, yu'un ja' no'ox chapech'ic icatsil ti muc' much'u xlic yu'une, pero li vo'oxuque mu xa c'an xapiquic jset'uc.

Tzotzil San Andres

⁴⁶ Li Jesuse jech itacꞌav: ―Joꞌoxuc ti apꞌisoj abaic ta jchanubtasvanej ta smantaltac li Diose, ta onoꞌox xavichꞌic tsots vocol. Yuꞌun coꞌol schiꞌuc chapechꞌic lec icatsil ti toj ole, ti vocol ta xlic ta petele. Jaꞌ noꞌox chavacꞌbeic scuch la achiꞌilique, pero li joꞌoxuque mu xlic avuꞌunic.

Tzotzil de Huixtán

⁴⁶ Ti Jesuse hech laj yalbe: ―Ho'oxuc ti chachanubtasvanic ti smantal ti Diose ti acuyoj abaique, ta me xavich'ic ep vocol uc. Sjeluc chameltsambeic yicats ti crixchanoetique. Ol ti icatsile. Vocol ti cuchel. Chavac'be xcuchic. Atuquic mi jutuc mu xaliquic mu xacuchic.

San Lucas 11:46 Iomraidhean Croise

Isaías 10:1

Toj abul abaic, vo'oxuc ti chavalic mantal ac'o oyuc uts'intaele, ti chapuquic batel li c'usi chapal avu'unic ti mu xa boch'o sts'ic yu'une.

Isaías 58:6

Li lequil ictaej ixim ti lec chquile, ja' ti ac'o atuch'beic yaq'uil li uts'intaele, ti ac'o aloq'uesbeic alal icatsil li boch'o ep yicats avac'ojbeique, ti ac'o acoltaic li boch'o chucbilique, ti ac'o alajesbeic sc'oplal scotol li c'usi chac' vocole,

San Mateo 22:35

Oy jun yu'unic ti lec xchanoj scotol li mantaletique, ja' lic c'opojuc. Oy c'usi lic sjac'be li Jesuse yu'un ta sq'uel c'u x'elan ta xtac'ov. Jech laj yalbe:

San Lucas 11:45

Te itac'ov jun li boch'o lec xchanoj smantal Diose: —Jchanubtasvanej, ti jech chavale te to nabal chopol chavalbun jc'oplalcutic ec —xi.

San Lucas 11:52

“Toj abul abaic, vo'oxuc ti lec achanojic smantal Diose. Yu'un laj xa anac'beic sllavial li bijubtasele. Mu xa xu' cha'och atuquic ec, xchi'uc chamaquic ta be noxtoc li boch'otic tsc'an to ta x'ochique”, xi li Jesuse.

Gálatas 6:13

Li boch'o tsots sc'oplal cha'yic circuncisione, mu yu'unuc ja' ch'unem xa yu'unic scotol li mantaletique. Ja' no'ox tsc'anic ti ac'o avich'ic circuncisión li vo'oxuque, yu'un jech ac'o lecuc sc'oplalic ta sventa li sbec'talique.