San Lucas 11:42 - Bible in Tzotzil de Chenalhó with Deuterocanon

⁴² “Toj abul abaic, vo'oxuc li fariseooxuque. Yu'un ja' no'ox tsots sc'oplal chava'yic chavaq'uic jun ta lajlajuneb li c'usitic ats'unojique, ja' li yaravenoe, li rudae, xchi'uc scotol li c'usitic yan ats'unojique. Ja' comen avu'unic li c'usitic tuq'ue xchi'uc ti tsc'an chac'anic li Diose. Le'e ja' tsots sc'oplal ac'o apasilanic batel, pero tsc'an mu xacomtsanic spasel noxtoc li yantique.

Tzotzil Zinacantan

⁴² ’Li voꞌoxuque, jfariseoetic, chanopic ti jaꞌ noꞌox chanitic ta lajlajuneb li cꞌusitic chlocꞌ avuꞌunique: li alavenae, xchiꞌuc li lulae, xchiꞌuc li cꞌusitic yane. Chaloqꞌuesic jujun ti cꞌalal anitojic xaꞌox ta lajlajunebe, chavacꞌbeic ti Rioxe. Leꞌe chavaqꞌuic, pero jaꞌ muc bu lec chameltsanic li cꞌope. Mu sjunuluc avoꞌonic acꞌanojic ti Rioxe, yechꞌo un ta onox xavichꞌic castico ta sbatel osil. Más lec ti apasicuc noxtoc ti bu tsots scꞌoplale.

Bible in Tzotzil de Chamula

⁴² “Mu cha'belucoxuc un, fariseoetic, ti ja' no'ox tsots sc'oplal ta xava'iic ta sloq'uesic jujun ta jujun lajlajuneb ti tul nichime, ti lulae, ta xavac'be ti Diose, xchi'uc scotol ti c'usitic ta xats'unique. Mi ja'uc xavaq'uic ta venta yutsil slequil, xchi'uc syail xc'uxul yo'nton ti Diose, ti c'alal ja' tsots sc'oplal sc'an pasele, ti mu xavictaic ta spasel ti yan une.

LEQUIL ACH' C'OP

⁴² »¡Toj abol abaic jfariseoetic!, yu'un ja' no'ox chavaq'uic ta stojol Riox li jujun ta lajuneb li alavenae, xchi'uc li lulae, xchi'uc li yan itajetique, pero ja' muc' bu chapasic li c'usitic leque xchi'uc ti chac'anic ta sjunul avo'onic ti Rioxe. Li'i ja li c'usitic tsots sc'oplal tsc'an chapasique, pero mu xavictaic spasel noxtoc li yane.

Tzotzil San Andres

⁴² ’Joꞌoxuc li jfariseooxuque ta onoꞌox xavichꞌic tsots vocol yuꞌun jaꞌ noꞌox chanopic ti persa chavatic ta lajlajuneb li cꞌustic atsꞌunojique: jaꞌ li tulnichime, schiꞌuc li lulae, schiꞌuc scotol li cꞌustic yan atsꞌunojique. Chaloqꞌuesic jujun li ta lajlajunebe ta sventa smoton li Diose. Chanopic ti persa chavacꞌbeic Dios li cꞌustic oy avuꞌunique, pero mu xavaqꞌuic ta venta ti scꞌan ti lec chameltsanic cꞌope, schiꞌuc ti ta sloqꞌueluc avoꞌonic chacꞌanic li Diose. Jaꞌ lec ti lauc apasic nojtoc ti bu persa scꞌan pasele.

Tzotzil de Huixtán

⁴² ’Ho'oxuc ti fariseooxuque, ta me xavich'ic ep vocol. Chavati ti lajlajuneb scotol ti c'utic ats'unojique, ja' ti tunichime, xchi'uc ti rudae, xchi'uc scotol ti yan vomoletique. Jujun chaloq'uesic ti lajlajuneb yu'un chavac'beic smoton ti Diose. Yu'un ja' no'ox tsots sc'opilal chava'yic chavaq'uic ti c'utic oy avu'unique. Mu tsotsuc sc'opilal chava'yic ti toj avo'ntonique, ti c'ux chava'yic ti Diose. Ja' lec ti lajuc apas ti bu tsots sc'opilal uque.

San Lucas 11:42 Iomraidhean Croise

Nehemías 10:37

Xchi'uc tsc'an chquich'tic batel ta snail te ta ch'ulna li sba arina ta jvots'tique, xchi'uc li sba sat te'etic cu'untique, xchi'uc li ya'lel ts'usub, xchi'uc aceitee. Xchi'uc chquich'tic batel sventa levietic noxtoc li jun ta lajlajuneb c'usitic chloc' cu'uncutique. Yu'un ja' sc'oplal chich'ic li jun ta lajlajuneb scotol c'usitic chloc' ta cosiltique.

Proverbios 21:3

Me ja' ta jpastic c'usi lec c'usi tuq'ue, ja' toj lec chil li Muc'ul Diose; ja' mu sta jech slequil chil li smoton chich' milbele.

Eclesiastés 7:18

Ja' lec mu me jechuc xapas chac le'e; mu xacuy aba ta bij xchi'uc ta bol, yu'un li boch'o chich' ta muc' Diose mu jechuc tspas.

Miqueas 6:8

A'yo ava'ay, cristiano, li Muc'ul Diose yalojbot xa li c'usi lec xu' chapase, xchi'uc sc'anoj xa ta atojol li c'usi ac'o apase: ja' no'ox tsc'an ac'o apas li c'usitic tuq'ue, ti oyuc yutsil slequil avo'ntone, xchi'uc ti biq'uit ac'o avac' aba ta stojol Dios avu'un ta sventa li c'usitic chapase.

Malaquías 1:6

Li Muc'ul Diose jech chalbe li paleetique: “Li nich'onile chich' ta muc' li stote; li mozoe chich' ta muc' li yajvale. Pero vu'un li Atoticune ¿bu ti chavich'icun ta muq'ue? Vu'un li Avajvalicune ¿bu oy li jxi'elal chava'yique? Li vo'oxuque mu'yuc xa tsots sc'oplal ta avo'ntonic ti ich'biluc ta muc' li jbie, pero jech to chajaq'uic noxtoc: ‘¿C'usi la jpascutic ti mu'yuc tsots ac'oplal ta co'ntoncutique?’, xachiic.

Malaquías 2:17

Li Muc'ul Diose laj xa avaq'uic lubtsajuc ta sventa li ac'opique. Li vo'oxuque jech chavalic: “¿C'usi laj calcutic ti ilub xa cu'uncutique?”, xachiic. Ja' ta sventa ti jech chavalique: “Li boch'o tspasic c'usitic chopole, lec ch-ilatic yu'un li Muc'ul Diose, xcuxet yo'nton ta stojolic”, xachiic. Xchi'uc jech chavalic: “Mu'yuc tuc' yo'nton li Diose”, xachiic.

Malaquías 3:8

Jech chajac'boxuc: ¿Me xu' tsmucul elc'anic Dios li cristianoetique? Li vo'oxuque laj xa avelc'anicun. Jech chavalic: ‘¿C'usi laj quelc'anbotcutic?’, xachiic. Laj avelc'anbicun li jujun ta lajunebe xchi'uc li yantic jmotone.

San Mateo 23:13

“¡Toj abul abaic, vo'oxuc li jchanubtasvanejoxuc ta smantal Diose xchi'uc vo'oxuc li fariseooxuque, jlo'lavanejoxuc! Yu'un chamaquic ta be li ventainel yu'un Diose. Yu'un li vo'oxuque mu xac'anic ventainel yu'un Dios, ja' yu'un chamaquic li boch'otic tsc'anique.

San Mateo 23:23

“¡Toj abul abaic, vo'oxuc li jchanubtasvanejoxuc ta smantal Diose xchi'uc vo'oxuc li fariseooxuque, jlo'lavanejoxuc! Yu'un ja' no'ox tsots sc'oplal chava'yic ti chavaq'uic jun ta lajlajuneb li yaravenoe, li anise, xchi'uc li cominoe., Ja' acomtsanojic ti bu toj tsots sc'oplal ta smantal Diose; ja' ti tsc'an pasel c'usi tuq'ue, li c'uxubinvaneje, xchi'uc ti tsc'an jun co'ntontique. Le'e tsots sc'oplal tsc'an pasel, pero mu stac' comtsanel noxtoc li yantique.

San Mateo 23:27

“¡Toj abul abaic, vo'oxuc li jchanubtasvanejoxuc ta smantal Diose xchi'uc vo'oxuc li fariseooxuque, jlo'lavanejoxuc! Ja' jechoxuc jech chac c'u cha'al muquinaltic ti lec sac bonbile. Ta spat xocone lec xa c'upil sba yilel. Pero li yute nojem ta sbaquil animaetic xchi'uc ta c'usitic yan te c'a'emic.

San Lucas 18:12

Li vu'une chib velta ta xquicta ixim ta jun xemuna. Scotol li c'usitic ta jtae ta jloq'ues jun ta lajlajuneb sventa amoton’, xut li Diose.

San Juan 5:42

Li vu'une xcotquin c'u x'elan avo'ntonic. Jna' ti mu'yuc ono'ox ac'anojic li Diose.

1 Juan 4:20

Pero me oy boch'o jech ta xal: “Li vu'une lec jc'anoj Dios”, me xie, pero me xti'et yo'nton yu'un xchi'ile, ja' j'epalc'op. Yu'un li boch'o mu sc'an xchi'il ti chil ta sate, ¿c'uxi xu' ta sc'an li Dios ti mu xilbe sate?

1 Samuel 15:22

Li Samuele jech laj yalbe: “Li Muc'ul Diose ma'uc no'ox lec chil ti ta jmilbetic, ti ta jchic'betic smotone; ja' toj lec chil me ta jch'unbetic smantale. Yu'un ja' toj lec li xch'unbel smantale; ja' mu sta jech li smoton ta jmilbetic xchi'uc li xepual chijetic chcac'betique.