San Lucas 11:4 - Bible in Tzotzil de Chenalhó with Deuterocanon

⁴ Pasbuncutic perdón yu'un jmulcutic, jech chac c'u cha'al ta jpasbecutic perdón li boch'otic oy smul cu'uncutique. Mu me xavac' stsaluncutic li sujel ta mulile. [Coltauncutic loq'uel ta sc'ob li pucuje]’, xachiic ti c'alal chac'opanic Diose —xi.

Tzotzil Zinacantan

⁴ Acꞌboticotic pertonal yuꞌun jmulticotic yuꞌun icacꞌbeticotic xa pertonal li muchꞌutic ista smul cuꞌunticotique. Coltaoticotic yoꞌ mu jpasticotic o li cꞌusitic chopole, xachiic ti cꞌalal chacꞌoponic Rioxe ―xꞌutatic la yuꞌun ti Jesuse.

Bible in Tzotzil de Chamula

⁴ Ch'aybun jmulcutic jech c'u cha'al ta jch'aybecutic smul ti buch'u laj xa sa' ta jtojolcutique. Mu xavac'uncutic ta lajeltsael yu'un ti pucuje, pojuncutic.’

LEQUIL ACH' C'OP

⁴ Ac'boticotic pertonal yu'un jmulticotic, yu'un chcac'ticotic ta pertonal uc ti much'utic ista smul ta jtojolticotique. Mu me xavac' ti chispasoticotic ta canal li mulile.” Xachiic ti c'alal chac'oponic Rioxe ―x'utatic yu'un ti Jesuse.

Tzotzil San Andres

⁴ Pasbuncutic perton yuꞌun li jmulcutique jech chac cꞌu chaꞌal ta jpasbecutic perton li buchꞌutic oy smul cuꞌuncutique. Mu me xavacꞌuncutic ta pasel ta canal li ta mulile. Coltauncutic me”, xachi xacꞌopojic li cꞌalal chataic ta naꞌel li Diose ―xi li Jesuse.

Tzotzil de Huixtán

⁴ Pasbuntutic perdón yu'un jmultutic hech chaj c'u che'el jpasojbetutic perdón much'u oy smul cu'untutic. Mu me xibatutic yo' bu chisujat ti mulil. Coltauntutic me, hech mu xistsaluntutic ti mulile, hech chavutic ti stojol ―xchi ti Jesuse.

San Lucas 11:4 Iomraidhean Croise

Génesis 48:16

xchi'uc ti ja' la scoltaun ta sventa li c'usitic chopole, ac'o yac'be bendición li chib queremetic li'i. Ac'o ja'uc ta sventaic ti te chich' na'ilanel o jbie, xchi'uc sbi li jmoltot Abrahame, xchi'uc sbi li jtot Isaaque. Xchi'uc ac'o boluc ep xnich'nabic; ac'o epajuc sts'unubalic ta banamil”, xi.

1 Reyes 8:34

a'ibo sc'opic c'alal ta vinajel. Pasbo perdón li smulique. Ac'o me suticuc ta yosilalic ti bu avac'ojbe ono'ox jmoltotacutic ta vo'onee.

1 Reyes 8:36

a'ibun sc'opic te ta vinajel. Pasbo perdón li smulique. Ac'bo yilic li lequil be bu tsc'an tstamic batele. Taco me tal vo' li' ta banamil ti bu avac'ojbe yu'uninic li ateclumale.

Salmos 121:7

Li Muc'ul Diose ja' chaxchabiot ta sventa scotol c'usi chopol, ja' xchabioj ach'ulel.

Salmos 25:11

Muc'ul Dios, vo'ot ti ich'bil ta muc' abie, pasbun perdón yu'un li yepal jmule.

Salmos 25:18

Q'uelbun avil li at-o'nton chca'ye, xchi'uc li jvocole; pasbun me perdón yu'un scotol li jmule.

Daniel 9:19

Cajval, a'ibun li jc'ope. Cajval, pasbuncutic perdón. Tuc'ulanbun li jc'ope Cajval. Paso no'ox ta ora; mu xa me xamala jal, yu'un jech ac'o ich'atuc ta muc' li abie. Yu'un li abie ja' te ch-ich'at ta muc' ta lum avu'un xchi'uc ta stojol li ateclumale’, xichi ta stojol li Diose.

Oseas 14:2

Sutanic tal ta stojol li Muc'ul Diose; c'anbeic vocol ta stojol, jech xavalic: “Pasbuncutic perdón scotol li jmulcutique; tsacbuncutic li c'usi lec chacac'botcutique. Li xq'uexol amoton chcac'cutique ja'uc li c'usi chloc' ta quecutique.

San Mateo 18:35

—Ja' no'ox jech chaspasboxuc ec li Jtot te oy ta vinajele me mu scotoluc avo'ntonic j'ech'el chapasbeic perdón smul li achi'ilique —xi li Jesuse.

San Mateo 26:41

Ja' lec julovanic, c'opanic Dios, yu'un jech mu xalajic ta sujel ta mulil. Ta melel li avo'ntonique tsc'an tsc'opan Dios, pero li abec'talique mu'yuc stsatsal —x'utatic.

San Lucas 11:5

Jech laj yal noxtoc: —Jech chac c'u cha'al me chbat ac'opan achi'il ta o'lol ac'ubal ti lec xavotquin aba achi'uque, jech chc'ot avalbe: ‘Avocoluc, jq'uextic oxibuc avot,

San Lucas 13:4

Li vaxaclajuneb (18) ichamic c'alal ilom yalel li q'uelub-osil te ta Siloee, ¿me chanopic ti stuquic xa no'ox tsots smulic ta stojol li jnaclumetic ta Jerusalene?

San Lucas 22:46

Jech laj yalbe: —¿C'u yu'un chavayic? Licanic, c'opanic Dios, yu'un jech mu xach'unic sujel ta mulil —xut.

San Lucas 8:13

Li bec' trigo ic'ot ta tontique, ja' li boch'otic ja' to cha'yic sc'op Diose. Xcuxet no'ox yo'ntonic ta xch'unic. Pero mu xac' lec yisim ta yo'ntonic, jayibuc no'ox c'ac'al ta xch'unic. C'alal ta xtal vocol ta stojolique, toj chibajel chc'ot yo'ntonic.

San Juan 17:15

Mu ja'uc ta jc'anbot ti ac'o avic' loq'uel li' ta banamile. Ja' no'ox ta jc'anbot ti ac'o achabibun yu'un jech mu stsalatic yu'un li pucuje.

1 Corintios 10:13

Li vo'oxuque mu'yuc to bu chtal ta atojolic tsots preva ti mu'yuc boch'o c'otem ta stojol jeche. Yu'un li Diose mu sna' sjel yo'nton o, jech mu xac' taluc ta atojolic tsots preva ti me mu xa sts'ic avu'unic chile. Jech noxtoc c'alal oyoxuc ta prevae, ja' chac' avilic c'u x'elan xu' chacolic loq'uel, yu'un jech chcuch avu'unic.

Colosenses 3:13

Talbat xats'icbe abaic me oy c'usi chc'ot ta pasel avu'unique. Pasbo abaic perdón me oy bu chlic c'op avu'unique. Jech chac c'u cha'al la spasboxuc perdón yu'un amulic li Cristoe, ja' jech tsc'an chapasbe abaic perdón ec li vo'oxuque.

2 Tesalonicenses 3:3

Mu sna' sjel sc'op li Cajvaltique, jech ta ono'ox xac'boxuc lec stsatsal avo'ntonic; ta xchabioxuc ta sventa mu xastsaloxuc li pucuje.

2 Timoteo 4:18

Ja' chiscoltaun o ta sventa scotol c'usi chopol. Ja' chiyic'un batel noxtoc ti bu tspas mantal ta vinajele. Ich'biluc ta muc' stuc li' ta ora, xchi'uc c'alal ta sbatel osil. Jechuc.

Santiago 2:13

Yu'un li boch'o mu'yuc c'ux ta yo'nton xchi'ile, jech mu'yuc c'ux ta o'ntonal ec ti c'alal ta xchapanate. Yan li boch'o c'ux ta yo'nton xchi'ile, ja' jech c'ux ta o'ntonal ec ti c'alal yorail ta xchapanate.

Apocalipsis 2:10

Mu me xaxi'ic yu'un li vocol chtal ta atojolique. A'yo ava'yic, li pucuje ta stic'oxuc jayibuc ta chuquel, yu'un ta sq'uelboxuc avo'ntonic. Chavich'ic tsots vocol lajunebuc c'ac'al. Junuc me avo'ntonic ta jtojol ac'o me te chachamic o, jech chacac'boxuc acoronaic sventa cuxlejal sbatel osil.

Apocalipsis 3:10

Ta sventa ti laj achabi ta avo'ntonic ti laj calboxuc tsc'an chcuch avu'unic vocole, ja' no'ox jech ec li vu'une chajchabioxuc ti c'alal tsta yorail chcac'be svocol scotol li cristianoetic ta sbejel banamile ti c'alal chich' q'uelbel c'u x'elan yo'ntonique.