San Lucas 11:36 - Bible in Tzotzil de Chenalhó with Deuterocanon

³⁶ Yu'un me oy ta sac osil sjunul li abec'talique, me mu'yuc bu ic' jutuc chile, lec sac jaman chil scotol jech chac c'u cha'al candil ti lec xojobane”, xi li Jesuse.

Tzotzil Zinacantan

³⁶ Mi chachꞌunic li cꞌusitic chcale, chlecub o avoꞌonic. Coꞌol xchiꞌuc sacjaman yut anaic cꞌalal oy alamparaique ―xꞌutatic la yuꞌun ti Jesuse.

Bible in Tzotzil de Chamula

³⁶ Mi sjunul abec'tal oy ta saquilal osile, mi jutebuc oy ic'al osil, lec ta xavil scotol, co'ol s'elan jun lámpara ta xac' xojobal ta atojol.”

LEQUIL ACH' C'OP

³⁶ Yu'un ti mi oy ta sac osil sjunlej li apat axoconique, mi muc'bu chil jts'ujuc ic' osile, lec sac jaman chil scotol, ja' c'u cha'al luz ti lec xojobane.» ―X'utatic yu'un ti Jesuse.

Tzotzil San Andres

³⁶ Yuꞌun mi ta sloqꞌuel avoꞌonic achꞌunojic li cꞌustic yaloj li Diose, xanaꞌic lec ti tacbilun talel yuꞌun Dios jech chac cꞌu chaꞌal lec chavilic osil mi lec xtil li lámparae ―xi li Jesuse.

Tzotzil de Huixtán

³⁶ Yu'un mi oy ti avo'ntonic ti jc'ope, mi mu'yuc bu chap'ajic ti jc'ope mi jutuc, hech puru lec te ti avo'ntonique. Mi jutuc mu'yuc mulil. Hech chaj c'u che'el ti lámpara ti chquevan no'ox ti atojolique ―xchi ti Jesuse.

San Lucas 11:36 Iomraidhean Croise

Proverbios 1:5

Li boch'o bij ti xa'ibe lec smelole, ta to xbijub batel; ep to ta xchan batel c'usi lec ta pasel.

Proverbios 20:27

Li sbijil jol co'ntontique ja' sluz Muc'ul Dios yac'ojbutic, ja' sventa chac' jna'tic li c'usi oy ta yut co'ntontique.

Proverbios 6:23

Yu'un li mantale ja' luz c'otem, li chanubtasele ja' sac osil c'otem; li tuq'uibtasel xchi'uc li chanubtasele ja' sbelal cuxlejal c'otem.

Isaías 42:16

Li ma'satetique ta jbeiltasic batel ta be ti bu mu xotquinique; ta xcac' xanovicuc batel ta bic'tal beetic ti bu mu'yuc ono'ox xanovenic tee. Ta jc'atajesbe ta sac osil li ic' osile; ta jpasbeic lec ta parejo li banamil ti bu slomol spots'ole. Scotol le'e ta persa ta jpas, muc ja'uc no'ox chcal.

Isaías 8:20

Tac'beic ta smantaltac Dios xchi'uc ta sc'op Dios; me mu jechuc chapasique, yu'un mu'yuc to sacuben osil ta atojolic.

Oseas 6:3

Cac'tic persa yotquinel batel li Muc'ul Diose. Ta ono'ox xtal ta jtojoltic, jech chac c'u cha'al sac osil ti chtal ono'oxe. Ta ono'ox xtal ta jtojoltic, jech chac c'u cha'al vo' ti sob chyal, xchi'uc ti ts'acal chyale.

San Mateo 13:52

Jech laj yal noxtoc: —Lec oy, scotol li jchanubtasvanejetic ta smantal Diose, ti chchan lec c'u x'elan li ventainel yu'un Diose, ja' jech chc'otic jech chac c'u cha'al totil ta jbej na ti xu' yu'un tsloq'ues c'usi ach' xchi'uc c'usi poco' ta sc'ulejale —xi li Jesuse.

San Mateo 5:15

Jech noxtoc me oy chatsanic candile, mu'yuc chanujmaquiic ta anmul. Ja' chavaq'uic ta xvuchanubil, jech ta xac' xojobal ta sbejel li yut anaique.

San Lucas 11:35

Jech q'uelo me abaic cha'e; mu me ic'muts'anuc li luz avu'unique.

San Lucas 11:37

C'alal ilaj yo'nton ta lo'il li Jesuse, ic'anbat vocol yu'un jun fariseo ti ac'o bat ve'uc ta snae. Jech ibat li Jesuse, te c'ot chotluc ta ti'mexa.

2 Corintios 4:6

Yu'un li Dios ti laj yal ac'o oyuc sac osil c'alal ic' to'ox osile, ja' laj yal noxtoc ti ac'o oyuc sac osil ta co'ntontique. Yu'un jech ac'o cotquintic c'u x'elan xojobal Dios ta jtojoltic ta sventa li Jesucristoe.

Efesios 4:14

Jech muc xa co'oluticuc jech chac c'u cha'al ololetic ti talbat no'ox yo'ntonique, ti c'usiuc no'ox svontolch'unic jech chac c'u cha'al c'usi cuchbil no'ox ta iq'ue. Jech mu xcac' jbatic ta lo'lael yu'un li boch'otic lec sna'ic c'u x'elan chlo'lavanique, ti ch'ayemic ta bee.

Colosenses 3:16

Ac'o c'otuc lec ta avo'ntonic c'usi chal li sc'op Cristoe. Chanubtaso abaic; taq'uio abaic ta sventa scotol li bijubtasele. Q'uejinanic, tojbeic ta vocol Dios ta sventa q'ueojetic, ta salmoetic xchi'uc ta bic'tal q'ueojetic.

Hebreos 5:14

Li tsatsal ve'lile ja' sventa muc'tic cristiano, ja' li boch'otic xchanojic xa lec, ti c'un xa ta t'ujel cha'yic li c'usi leque xchi'uc li c'usi chopole.

Santiago 1:25

Yan li boch'o mu xch'ay ta yo'nton c'usi cha'ye, ti ja' te oy o ta yo'nton li lequil mantal ti ja' chac' colcutique, xchi'uc ti chch'un o li c'usi chale, xcuxet no'ox yo'nton yu'un li c'usi ta spase.

2 Pedro 3:18

Ja' tsc'an chach'iic batel ta yotquinel, xchi'uc ta sventa slequil yo'nton li Cajvaltic Jesucristoe, ja' li Jcoltavanej cu'untique. Stuc no'ox ac'o ich'atuc ta muc' li' ta orae xchi'uc c'alal ta sbatel osil. Jechuc.