San Lucas 11:32 - Bible in Tzotzil de Chenalhó with Deuterocanon

³² Li boch'otic te nacajtic ta lum Nínive ta vo'onee, ja' ta sva'an sbaic ta scontrainelic noxtoc; ja' ta xalic ti tsots smulique. Yu'un li stuquique la sutes yo'ntonic ti c'alal icholbatic sc'op Dios yu'un li Jonase. Pero li Boch'o li' oy ta orae, ja' xjelov yabtel jech chac c'u cha'al li Jonase.

Tzotzil Zinacantan

³² Ti cꞌalal sta yora chalbe bu chbatic ta sbatel osil crixchanoetic ti Rioxe, más castico chavichꞌic voꞌoxuc ti cuxuloxuc lavie. Jaꞌ jutuc noꞌox castico chichꞌic ti jniniveetic ti ta más voꞌnee. Yuꞌun iyictaic spasel li cꞌusitic chopole ti cꞌalal iꞌalbatic scꞌop Riox yuꞌun ti Jonase. Li voꞌone más tsots cabtel chac cꞌu chaꞌal ti Jonase, pero mu xacꞌan xachꞌunic li cꞌusitic chacalbeique.

Bible in Tzotzil de Chamula

³² Ta sva'an sbaic ta chapanvanej ec ti buch'utic nacajtic to ox ta Nínive c'alal ta xich'ic chapanel ti jnaclejetic avi li'e. Yu'un ti stuquique, sutic talel ta stojol Dios c'alal laj ya'iic sc'op ti Jonase. Ti Buch'u li' oy ta atojolique, ja' x'ech' to sc'oplal, ja' mu sta sc'oplal ti Jonase.

LEQUIL ACH' C'OP

³² Ja' no'ox yech ti jniniveetique, c'alal sta yora chalbe bu chbatic ta sbatel osil crixchanoetic ti Rioxe, ta sva'an sbaic uc ta yalbel smulic li crixchanoetic lavie; yu'un li jniniveetique, isutes yo'onic ta stojol Riox ti c'alal iya'iic c'usi iyal ti Jonase, pero ti much'u li' achi'uquique más to tsots yabtel chac c'u cha'al ti Jonase.

Tzotzil San Andres

³² Cꞌalal ta xcꞌot scꞌacꞌalil ta xichꞌ cꞌop li Diose, jaꞌ más tsots chavichꞌic vocol li joꞌoxuc ti liꞌ to oyoxuc ta balumile. Li vocol ti ta xichꞌic li crixchanoetic ta Nínive ta voꞌonee, jaꞌ mu sta jech. Yuꞌun cꞌalal a yalbe scꞌop Dios li crixchanoetic ta Nínive li Jonase, laj yictaic ta ora li cꞌustic chopol tspasique. Li Jonase mu tsotsuc yabtel laj yichꞌ. Joꞌon ti liꞌ oyun ta atojolique, tsots cabtel quichꞌoj, pero mu xavaqꞌuic ta venta li cꞌusi chacalbeique.

Tzotzil de Huixtán

³² Ti yorail ch-ich'bat sc'op yu'un smulic scotol crixchanoetic mu'yuc xa smulic ch-ilat yu'un ti Diose ti much'utic te nacajtic ti jteclum Nínivee ti vo'one. Ja'uc ti ho'oxuque ti li' nacaloxuc ti balumil ti ora to ep amulic cha'ilatic. Yu'un ti c'alal icholbat ya'yic ti sc'op ti Diose yu'un ti Jonase ti much'utic te nacajtic ti Nínivee, laj sutes yo'ntonic yu'un smulic. Ti Jonase mu tsotsuc yabtel laj yich'. Ho'on más tsots cabtel quich'oj, ho'on ti li' va'alun ti atojolic ti ora to. Mu xac'an chapasbucun ti muc' ti jc'ope.

San Lucas 11:32 Iomraidhean Croise

Jonás 3:4

Jech te i'och batel ta lum li Jonase; ja' jun c'ac'al ixanov batel. Te x'avet batel, jech laj yal: “Le' ta cha'vinic (40) c'ac'ale ta xlaj scotol li lum li'i”, xi.

Jonás 3:5

Li cristianoetic ta lum Ninivee la xch'unic c'usi laj yal li Diose, jech lic yictaic ixim ta sjunul slumalic, xchi'uc la slapic c'u'il sventa at-o'nton ti c'ux ta lapele. C'alal ta biq'uit ta muc' la slapic.

Jonás 4:9

Ja' yu'un li Diose jech laj yalbe li Jonase: —¿Me toj tsots cha'ilin ta scoj li jpets vomole? —xut. Itac'ov li Jonase: —¡Jech, tsots chi'ilin! Ac'o chamcun o ta sc'ac'al co'nton —xi.

San Mateo 12:39

Itac'ov li Jesuse: —Li chopol cristianoetique xchi'uc ti mu junuc yo'ntonique tsc'an ta sq'uelic sq'uelubil. Pero mu'yuc ta x'ac'bat yilic. Ja' no'ox ta x'ac'bat yilic jech chac c'u cha'al ic'ot ta pasel ta stojol li j'alc'op Jonase.

San Mateo 12:41

C'alal tsta yorail chapanele, ta xliquic li cristianoetic ta Ninivee, ja' chc'otic jech chac c'u cha'al jchapanvanej yu'unic li cristianoetic li'i, ja' ta xalic c'u x'elan chcomic. Yu'un li niniveetique la sutes yo'ntonic ti c'alal icholbatic sc'op Dios yu'un li Jonase. A'yo ava'yic, ja' li' oy ta atojolic li boch'o xjelov yabtel jech chac c'u cha'al li Jonase.

San Lucas 11:31

Li me' ajvalil ta vo'one liquem tal ta sure, ja' ta sva'an sba ta scontraic ti c'alal yorail chapanel yu'un Diose; ja' ta xal ti tsots smulique. Yu'un li stuque bats'i nom ilic tal ti c'alal ay sq'uel li Salomone, yu'un laj ya'ibe sc'oplal ti lec bije. Pero li Boch'o li' oy ta orae ja' xjelov to sbijil jech chac c'u cha'al li Salomone.

Hebreos 7:26

Yu'un li Banquilal Pale cu'untique lec jbalintic. Yu'un tuc' yo'nton, mu'yuc smul, me jutuc mu'yuc yic'ubal; mu co'oluc jech chac c'u cha'al vu'utic ti jpasmulilutique, xchi'uc x'ech' to smuc'ul ic'ot jech chac c'u cha'al li vinajele.