San Lucas 11:31 - Bible in Tzotzil de Chenalhó with Deuterocanon

³¹ Li me' ajvalil ta vo'one liquem tal ta sure, ja' ta sva'an sba ta scontraic ti c'alal yorail chapanel yu'un Diose; ja' ta xal ti tsots smulique. Yu'un li stuque bats'i nom ilic tal ti c'alal ay sq'uel li Salomone, yu'un laj ya'ibe sc'oplal ti lec bije. Pero li Boch'o li' oy ta orae ja' xjelov to sbijil jech chac c'u cha'al li Salomone.

Tzotzil Zinacantan

³¹ Ti cꞌalal sta yora chalbe bu chbatic ta sbatel osil crixchanoetic ti Rioxe, más castico chavichꞌic, voꞌoxuc ti cuxuloxuc lavie. Jaꞌ jutuc noꞌox castico chichꞌ ti ants preserentee ti nom ilic tal ta xocon vinajel ta sure, ti tal yaꞌibe srazón ti preserente Salomone. Li voꞌone más to jnaꞌ razón chac cꞌu chaꞌal ti Salomone.

Bible in Tzotzil de Chamula

³¹ C'alal yorail ti chapanele, ta xich' chapanel ti jnaclejetic avi tana li'e. Ta sva'an ta chapanvanej ec ti me' ajvalil ti liquem talel ta yolon ti yac'ol xocon sloq'ueb c'ac'ale. Yu'un lic talel ta namal banomil ta ya'yiel sbijil ti ajvalil Salomone. Ti Buch'u li' oy ta atojolique, ja' x'ech' to sc'oplal, ja' mu sta ti Salomone.

LEQUIL ACH' C'OP

³¹ Ti c'alal sta yora chalbe bu chbatic ta sbatel osil crixchanoetic ti Rioxe, ti jun ants ti ja' reina ta sure, ja' chtal sva'an sba ta yalbel smul li crixchanoetic lavie; yu'un li stuque nom to ilictal c'alal tal ya'ibe c'u x'elan sp'ijil ti Salomone, pero ti much'u li' achi'uquique más to tsots yabtel chac c'ucha'al ti Salomone.

Tzotzil San Andres

³¹ Oy toꞌox jun ants ta voꞌone ti ochem ta ajvalilal ta jun balumil ta xocon vinajel ta sur. Cꞌalal chcꞌot scꞌacꞌalil ta xichꞌ cꞌop li Diose, jaꞌ más tsots chavichꞌic vocol li joꞌoxuc ti liꞌ to oyoxuc ta balumile. Li vocol ta xichꞌ li meꞌajvalile, jaꞌ mu sta jech. Yuꞌun li antse nom ital, tal yaꞌibe scꞌop li mucꞌta ajvalil Salomone yuꞌun iyaꞌi ti lec pꞌije. Pero li Salomone mu tsotsuc yabtel laj yichꞌ. Joꞌon ti liꞌ oyun ta atojolique, más to joꞌon jnaꞌ, pero mu xavichꞌicun ta mucꞌ.

Tzotzil de Huixtán

³¹ Ti yanlum antse ti i'och ti ajvalil ti balumil te oy ti stojol sur mu'yuc xa smul ch-ilat yu'un ti Diose ti yorail ch-ich'bat sc'op yu'un smulic scotol crixchanoetic. Ja'uc ti ho'oxuque ti li' nacaloxuc ti balumil ti ora to ep amulic cha'ilatic. Yu'un ti antse nom tal ya'ibe sc'op ti Salomone yu'un lum p'ij ti Salomone. Ho'oni ti li' va'alun ti atojolic ti ora to, yu'un jelaven jp'ijil. Mu xac'an xapasucun ti muc'.

San Lucas 11:31 Iomraidhean Croise

2 Crónicas 9:1

Li ajvalil ants ta Sabae laj ya'ay c'u x'elan puquem sc'oplal li ajvalil Salomone, jech ibat ta Jerusalén, bat spasbe preva; oy ep c'usi tsotsic tsc'an tsjac'be. Bats'i ep xchi'iltac yic'oj batel. Bats'i ep perfumeetic xcuchojic batel ta camelloetic, xchi'uc ep c'anal taq'uinetic, xchi'uc tonetic lec c'upilic sba. C'alal ic'ot ta stojol li Salomone, c'ot sjac'be scotol li c'usi oy ta yo'ntone.

Romanos 2:27

Ja' yu'un li boch'o mu'yuc yich'oj circuncisión ta sba sbec'tale, pero me ja' ta xch'unbe lec li smantaltac Diose, ja' chastic'bot amul, yu'un avich'ojbe lec svunal ta ac'ob li smantal Diose, xchi'uc avich'oj circuncisión ta abec'tal noxtoc, pero mu xach'un.

San Lucas 3:22

Iyal tal ta sba yac'ol li Ch'ul Espiritue. Oy sbec'tal xco'laj xchi'uc stsumut yilel. Laj ya'ay oy boch'o ic'opoj tal ta vinajel, jech laj yal: —Vo'ot jnich'onot, lec jc'anojot, lec jpatoj co'nton avu'un —xi.

San Mateo 12:42

Jech noxtoc li ajvalil ants ta Sure, ja' chc'ot ta jchapanvanej yu'un noxtoc li cristianoetic li'i ti c'alal tsta yorail chapanele. Yu'un li stuque nom ilic tal ti c'alal ital ya'ibe c'u x'elan sbijil li Salomone. Pero li boch'o li' oy ta atojolique, ja' ech'em sbijil jech chac c'u cha'al li Salomone.

Jeremías 3:11

Li Muc'ul Diose jech laj yalbun noxtoc: “Li jbajmantal Israele ja' jutuc no'ox smul; ja' toj ech'em smul li jtoyba Judae.

Hebreos 11:7

Ta sventa xch'unojel yo'nton li Noee, jech c'alal i'albat yu'un Dios ti chtal li c'usi mu'yuc to yiloje, ta scotol yo'nton la spas jun barco yo' bu xu' chcolic sjunulic ta nae, yu'un laj yich' ta muc' li Diose. Ta sventa xch'unojel yo'nton laj yac' ta ilel ti oy smulic li cristianoetique. Ja' yu'un li Noee la sta li coltael ti sc'oplal ta jtatic ta sventa xch'unojel co'ntontique.

San Lucas 9:35

Laj ya'yic oy boch'o ic'opoj ta yut toc, jech laj yal: “Li'i ja' Jnich'on, T'ujbil cu'un. A'ibeic sc'op”, xi.

Isaías 54:17

Pero mu'yuc spasojic jchopuc abtejebal ti xu' chayulesot oe. Vo'ot chamacbe yeic li boch'otic tstiq'uic amule. Ja' jech smoton chcac'beic li boch'otic chtunic cu'une; vu'un jtuc chcac' tal li coltael ta stojolique”, xi li Muc'ul Diose.