San Lucas 11:29 - Bible in Tzotzil de Chenalhó with Deuterocanon

²⁹ C'alal tstsob xa sbaic tal epal cristianoetic ta stojol li Jesuse, jech laj yalbe: “Li cristianoetic li' oyic ta banamil ta orae chopol yo'ntonic. Tsc'an tsq'uelic sq'uelubil jtsatsal, pero mu'yuc cha'ac'bat yilic. Ja' no'ox cha'ac'bat yilic jech chac c'u cha'al ic'ot ta pasel ta stojol li Jonase.

Tzotzil Zinacantan

²⁹ Ti cꞌalal xyaquet tstsob sbaic cꞌotel más ep crixchanoetique, lic la yal ti Jesuse: ―Voꞌoxuc ti cuxuloxuc lavie, chopol ajolic. Yuꞌun jaꞌ noꞌox chacꞌan chaqꞌuelic li jyuꞌele, pero muc bu chcacꞌ avilic. Jaꞌ noꞌox chavaꞌibecon jcꞌoplal chac cꞌu chaꞌal avaꞌibeic scꞌoplal ti Jonas yajꞌalcꞌop Riox ti ta más voꞌnee.

Bible in Tzotzil de Chamula

²⁹ C'alal stsob-tsob xa sbaic talel ti jnaclejetic ta stojol ti Jesuse, xi laj yal ti lic c'opojuque: —Ti chopol jnaclejetic avi tana li'e, ta sc'an ta sq'uelic ya'iic ti c'usi ch'ayal ta xc'ot o'ntonal yu'une. Le' une, ja' no'ox ta x'ac'bat sna'ic ti c'u s'elan c'ot ta stojol ti j'alc'op Jonase.

LEQUIL ACH' C'OP

²⁹ Ti c'alal xyaquet tstsob sbaic c'otel más ep crixchanoetic yo bu ti Jesuse, Ja' yech lic yal chac li'i: «Li crixchanoetic lavie, toj chopol sjolic; yu'un ja' no'ox tsc'an tsq'uel ya'iic li jyu'ele, pero muc' bu chcac'be yilic yan, ja' no'ox ti c'usi ic'ot ta pasel ta stojol ti Jonase.

Tzotzil San Andres

²⁹ Cꞌalal yacal ta stsob sbaic talel li crixchanoetic ta stojol li Jesuse, xi laj yalbe: ―Joꞌoxuc li liꞌ oyoxuc ta balumile, chopol avoꞌonic. Chacꞌan chaqꞌuelic li juꞌele pero muc bu chcacꞌ avilic. Jaꞌ noꞌox chcacꞌ avilic jech chac cꞌu chaꞌal icꞌot ta pasel ta stojol li Jonase, jaꞌ li buchꞌu iyal scꞌop Dios ta voꞌonee.

Tzotzil de Huixtán

²⁹ C'alal te yac'oj sba stsob sbaic tal más ti crixchanoetique, hech lic yal ti Jesuse: ―Chopol avo'ntonic ho'oxuc ti li'oyoxuc ti balumil ti ora to. Chac'an chaq'uelic señail ti jp'ijile. Mu'yuc c'usi yan cha'ac'bat aq'uelic. Ja' no'ox cha'ac'bat aq'uelic hech chaj c'u che'el ic'ot ti pasel yu'un ti Jonase, ja' ti j'alc'op yu'un ti Diose.

San Lucas 11:29 Iomraidhean Croise

Ezequiel 24:24

Li Ezequiele ja' senyail chc'ot ta atojolic; ti c'u x'elan ta spas chavilique ja' jech chlic apasic ec. C'alal me ic'ot ta pasele, jech chlic ana'ic ti vu'un Muc'ul Diosun, ti vu'un Avajvalicune.

Jonás 1:1

Li Jonás xnich'on Amitaie ic'opanat yu'un li Muc'ul Diose, jech i'albat:

San Mateo 3:7

C'alal laj yil Juan ti ep fariseoetic xchi'uc saduceoetic bat sc'anic ich' vo'e, jech laj yalbe: “Li vo'oxuque ja' achi'ilic orachon. ¿Me chac'an chajatovic ta anil ta sventa li stojol mulil ta xtale?

Marcos 8:38

Li boch'otic ta xq'uexov cu'un, xchi'uc ta xq'uexov ta xch'unel jc'op ta stojol li cristianoetic li' ta ora ti mu junuc yo'ntonic ta stojol Diose, xchi'uc ti chopol c'usitic tspasique, ja' no'ox jech vu'un ti Xnich'on cristiano lic'ote ta xiq'uexov yu'unic ec ti c'alal chital xchi'uc xojobal Jtot, xchi'uc li ch'ul j'almantaletic yu'une —xut.

San Lucas 11:16

Oy yantic ja' no'ox tsc'an tsq'uelbeic yo'nton li Jesuse, jech la sc'anbeic ti ac'o sc'an tal junuc sq'uelubil ta vinajele.

San Lucas 11:50

Jech vo'oxuc chcom ta aventaic scotol li xch'ich'al j'alc'opetic la smalic c'alal ilic li banamile, vo'oxuc ti li' cuxuloxuc ta orae.

San Lucas 12:1

C'alal ja'o chlo'ilaj li Jesuse, la stsob sbaic tal ta stojol ep ta mil cristianoetic; te ta snet'ilan sbaic scotolic. Li Jesuse ba'yuc jech laj yalbe li yajchanc'optaque: “Q'uelo me abaic ta sventa svolesubil xch'ut pan yu'un li fariseoetique, yu'un ja' no'ox chlo'lavanic.

San Lucas 9:41

Li Jesuse jech laj yal: —Toj abul abaic vo'oxuc ti li' cuxuloxuc ta orae. Mu xac'an xach'unic, solel ch'ayemoxuc. Ep xa c'ac'al li' jchi'inojoxuc; ep xa la jts'icboxuc ti c'u xa'elanique —xut. Jech laj yalbe li vinique: —Ic'o tal li anich'one —xut.

San Juan 2:18

Li j'abteletic yu'un judioetique jech laj yalbeic li Jesuse: —¿C'usi sq'uelubil xu' chavac' quilcutic bu avich'oj avabtel ti jech chapas chac le'e? —xutic.

San Juan 6:30

Jech la sjaq'uic yan velta: —¿C'usi sq'uelubil chavac'bun quilcutic ti ta melel tacbilot tal yu'un Diose, yu'un jech xu' ta jch'uncutic? ¿C'usi abtelal chavac'bun quilcutic?

San Juan 8:44

Li vo'oxuque ja' atotic li pucuje, ja' yu'un ja' chac'an chapasic li c'usi oy ta yo'nton stuque. Yu'un li stuque jmilvanej ono'ox ta sliquebal. Mu ono'ox sc'an o li c'usi melele; mu'yuc c'usi melel oy ta yo'nton. C'alal me chal c'usi mu meleluque, yu'un ja' tspas li c'usi stalele, yu'un ja' j'epalc'op o, ja' mero sme' j'epalc'op.

1 Corintios 1:22

Yu'un li judioetique ja' no'ox ibat ta yo'nton tsc'anbeic senyail; jech ec li yanlum cristianoetique ja' no'ox ibat ta yo'nton tsa' ep sbijilic.