San Lucas 10:42 - Bible in Tzotzil de Chenalhó with Deuterocanon

⁴² Pero jun no'ox li c'usi tsots sc'oplale. Li Mariae ja' xa la st'uj li c'usi tsots sc'oplale, jech mu'yuc boch'o xu' chpojbat —xut.

Tzotzil Zinacantan

⁴² Pero jtos noꞌox li cꞌusi tsots scꞌoplale, jaꞌ li cꞌusi chcale. Li Maríae jaꞌ xa istꞌuj li cꞌusi más tsots scꞌoplale. Muc muchꞌu xuꞌ chpajeson ―xꞌutat la yuꞌun ti Jesuse.

Bible in Tzotzil de Chamula

⁴² Jun no'ox ma' ti tsots sc'oplale. Ti Mariae laj xa st'uj ti bu tsots sc'oplale, mu'yuc buch'u ta xpojbun.

LEQUIL ACH' C'OP

⁴² Pero jtos no'ox li c'usi tsots sc'oplale. Li Maríae ja' xa ist'uj li c'usi más tsots sc'oplale. Muc' much'u xu' chpojbon ―x'utat yu'un ti Jesuse.

Tzotzil San Andres

⁴² Pero jaꞌ persa chavaꞌibun li jcꞌope. Li Maríae laj xa snop ti jaꞌ chaꞌi li jcꞌope, jech muc buchꞌu xuꞌ chpojbat ―xut.

Tzotzil de Huixtán

⁴² Jun no'ox ti bu tsots sc'opilale. Ti Maríae laj xa st'uj ti bu tsots sc'opilale ti mu'yuc much'u chpojbat yu'un ―xut.

San Lucas 10:42 Iomraidhean Croise

Salmos 119:111

Ja' jmoton o sbatel osil chca'ay li amantaltaque, yu'un ja' te ta jta o xcuxetel co'nton.

Salmos 119:173

Ac'o tal ac'ob ta ora sventa chacoltaun, yu'un jnopoj ta jch'un o li amantaltaque.

Salmos 119:30

Ja' la jc'an li c'usitic melele; ja' cac'oj o batel ta ba'yucbe li tojobtaseletic avu'une.

Salmos 142:5

Ja' yu'un vo'ot xivocolet ta atojol, Muc'ul Dios; chacalbot ti vo'ot jnac'ubbailote, ti vo'ot no'ox Diosot cu'une, ti vo'ot j'ac'cuxlejalot cu'une.

Salmos 17:15

Pero li vu'une, ta melel ta to jta ti bats'i lec noj jch'ut chicom oe, yu'un ta to jq'uelbot asat; ta to xital te ta atojol.

Salmos 27:4

Jun no'ox li c'usi jc'anojbe o li Muc'ul Diose, jun no'ox li c'usi oy ta co'nton oe; ja' ti te chicom o ta xch'ulna ti jayib c'ac'al cuxulune. Te chca'ay c'u yutsil stuc li Muc'ul Diose; te chquich' o ta muc' ta xch'ulna.

Salmos 73:25

¿Boch'o yan oy cu'un te ta vinajele? Ja' no'ox vo'ot, Dios cu'un. Ta sventa ti te oyun o ta atojole, mu'yuc c'usi yan ta jc'an li' ta banamile.

Eclesiastés 12:13

Li slajeb c'usi tsc'an ta jpastic ta sventa scotol li c'usi laj xa ca'itic tale ja' li'i: Ich'o me ta muc' li Diose; ch'unbo scotol li smantaltaque. Ja' no'ox jech oy ta sventa ac'o spas li cristianoetique.

Marcos 8:36

¿C'usi tsta o jun cristiano me ta xu'unin scotol c'usitic oy li' ta banamil, me ja' ch'ayel ta xbat stuque?

San Lucas 10:39

Li Martae oy smuc, María sbi. Li Mariae te bat chotluc ta sts'el li Jesuse, yu'un tsc'an cha'ibe sc'op.

San Lucas 11:1

Ta yan c'ac'al ibat sc'opan Dios stuc li Jesuse. C'alal ilaj yo'nton ta sc'opanel Diose, jech i'albat yu'un jun yajchanc'op: —Cajval, chanubtasuncutic ta sc'opanel Dios ec jech chac c'u cha'al la xchanubtas ta sc'opanel Dios yajchanc'optac li Juane —xi.

San Lucas 12:20

Pero jech i'albat yu'un li Diose: ‘¡Bol vinic! Ta ac'ubaltic no'ox tana chtal jloq'uesbot li ach'ulele. Li c'usitic oy avu'une ¿boch'o chavac'be comel?’, x'utat.

San Lucas 12:33

Chonic li c'usi oy avu'unique, ac'beic me'onetic. Ja' tsobo ac'ulejalic te ta vinajel ti bu mu sna' xlaj oe. Yu'un te ta vinajele mu x'och j'elec', mu c'usi xjoch'in.

San Lucas 16:2

Li vinique laj yic' li jchabina yu'une, jech laj yalbe: ‘Laj ca'ay ti chopol c'usi chapase. Albun ca'ay c'u x'elan oy scotol li c'usitic aventainoje, yu'un mu xa xu' chachabibun jna’, xut.

San Lucas 16:25

Li Abrahame jech laj yalbe: ‘Totil, na'o ava'ay ti toj lec c'usi laj ata yu'un li ac'ulejal c'alal cuxulot to'oxe. Yan li Lazaroe puru vocol no'ox la sta. Pero li stuque li' xa oy ta lequilal. Li vo'ote te xa chavich' o vocol.

San Lucas 18:22

C'alal laj ya'ay Jesús ti jech itac'ove, jech laj yalbe: —Pero oy to jun c'usi sc'an avu'un. Chono scotol li c'usitic oy avu'une; q'uelanbo me'onetic. Jech chata ac'ulejal te ta vinajel. Jech xu' chtal achi'inun —xut.

San Lucas 8:18

“Ja' yu'un a'yo lec ava'yic li c'usi chcale: Li boch'o oy xa c'usi staoje ta to x'ac'bat ep. Yan li boch'o mu'yuc c'usi staoje, ti c'u yepal tsnop tstae ta xpojbat sutel”, xi li Jesuse.

San Juan 11:1

Ja'o tsacbil ta chamel jun vinic Lázaro sbi. Te nacal ta lum Betania yo' bu nacalic li María xchi'uc Martae, ja' li yixlaltac Lazaroe.

San Juan 11:19

Ep judioetic te talemic ta spatbel yo'nton li Marta xchi'uc li María ta sventa ti icham li xi'melique.

San Juan 12:3

Li Mariae laj yich' tal o'lol litro muil poxil, nardo sbi. Ven toyol stojol, yu'un ja' li bats'i nardoe. La xjaxbe ta yacan li Jesuse; ts'acal la scus ta stsotsil sjol. Li yic' muil poxile ipuc ta sbejel yut na.

San Juan 17:3

Ti jech ta xcuxiic sbatel osile, yu'un xayotquinicot ti atuc no'ox bats'i cuxul Diosote, xchi'uc xotquinic noxtoc li Jesucristo laj atac tale.

San Juan 4:14

Yan li boch'otic ta xuch'ic li vo' ti vu'un ta xcac'bee mu'yuc xa ta xtaquij o yo'ntonic. Yu'un li vo' ti vu'un ta xcaq'ue ja' jech chc'ot ta yo'ntonic jech chac c'u cha'al nio' ti te chloq'uilan o sventa chcuxiic sbatel osile —xi.

San Juan 5:24

“Jamal ta xcalboxuc ava'yic. Li boch'otic ta xa'ibun jc'ope, me ta xch'unic li boch'o la stacun tale, oy xcuxlejalic ta sventa sbatel osil. Mu'yuc xa chbat stoj smulic, yu'un icom xa yu'unic li lajele. Ijelovic xa ta sventa cuxlejal.

San Juan 6:27

Mu me ja'uc no'ox xavabtelinic sa'el li ave'elic ti sna' xlaje. Ja' tsc'an chavabtelinic sa'bel sve'el ec li avo'ntonic ti mu sna' xlaj sbatel osile. Vu'un ta xcac'boxuc, vu'un ti Xnich'on cristiano lic'ote. Ja' yu'un li Diose, ja' li Jtote, laj xa yac' ta ilel ti vu'un yac'ojbun cabtele —xi li Jesuse.

1 Corintios 13:3

Ac'o me xu' cu'un ta jq'uelan scotol c'usitic oy cu'un, ac'o me xu' cu'un ta jq'uelan jbec'tal sventa chich' chiq'uel ta c'oc', pero me mu xic'anvane, mu'yuc c'usi jtu o.

Gálatas 5:6

Yu'un ta stojol Cristoe, ma'uc tsots sc'oplal me quich'ojtic circuncisión, me muc quich'ojticuc circuncisión. Ja' tsots sc'oplal li xch'unojel co'ntontique, yu'un jech xu' cu'un chijc'anvanutic.

Deuteronomio 30:19

Li c'ac'al li'i, ta jva'an ta testigo ta atojolic li vinajel xchi'uc li banamile yu'un laj xa cac'boxuc at'ujic li c'usi chac'anique: ¿Me ja' chac'anic li cuxlejale, o me ja' chac'anic li lajele? ¿Me ja' chac'anic li bendicione, o me ja' chac'anic li stojol mulile? Ja' lec ja' c'anic li cuxlejale yu'un jech chacuxiic li vo'oxuque xchi'uc li anich'nabique xchi'uc li amomnich'nabique.

Josué 24:15

Yan me mu xac'an ja' xatunic yu'un li Muc'ul Diose, t'ujic ta ora boch'o chac'an chatunic yu'un. Me ja' chac'an chatunic yu'un ec li diosetic ti itunic yu'un jmoltotactic ta vo'one te ta jot uc'um Eufratese, o me ja' chac'an chatunic yu'un sdiosic li amorretic ti nacal ta avosilalique. Yan li vu'un jchi'uc cajnil jnich'nabe ja' no'ox chituncutic o yu'un li Muc'ul Diose —xi.

Josué 24:22

Jech laj yal noxtoc li Josuee: —Vo'oxuc testigooxuc atuquic, yu'un atuc laj at'ujic ti ja' chatunic yu'un li Muc'ul Diose —xut. —Jech, vu'uncutic testigoun jtuccutic —xiic.