San Lucas 10:40 - Bible in Tzotzil de Chenalhó with Deuterocanon

⁴⁰ Yan li Martae ibat yo'nton yu'un c'usitic tspas. Inoch'aj batel ta stojol li Jesuse, jech laj yalbe: —Cajval, ¿me mu'yuc abul jba chavil ti jtuc chac' abtejcun li jmuque? Ja' lec albo ac'o tal scoltaun —xut.

Tzotzil Zinacantan

⁴⁰ Ti Martae sujem xa la tspas ti cꞌusi chacꞌbe ti jvulaꞌal tey icꞌote. ―Cajval, ¿mi lec chavil ti jtuc noꞌox chacꞌ cꞌu jpas li jmuque? Albo acꞌu scoltaon ―xut la ti Jesuse.

Bible in Tzotzil de Chamula

⁴⁰ Ja'uc ti Martae, sujoj sba ta spasel ti c'usitic ta sc'an pasele, ti nopaj batel ta stojol Jesús ti xi laj yalbee: —Cajval, ¿mi lec no'ox ta xavil ti jchi'il ta voq'uel ti mu'yuc ta xiscolta ta abtele? Albo ya'i ti ac'o tal scoltaune.

LEQUIL ACH' C'OP

⁴⁰ Pero ti Martae ja batem ta yo'on ti c'usitic tspas ta yut snae, inopoj ech'el yo' bu ti Jesuse ja' yech iyalbe chac li'i: ―Cajval, ¿mi lec chavil ti jtuc no'ox chac' c'u jpas li jmuque? Albo ac'u scoltaon ―xut.

Tzotzil San Andres

⁴⁰ Li Martae jaꞌ noꞌox batem ta yoꞌon li cꞌusi ta spas ta snae yuꞌun ta xmacꞌlanvan. Inopoj talel ta stojol li Jesuse, jech laj yalbe: ―Cajval, ¿mi mu cꞌusi ta xal avoꞌon ti jtuc noꞌox chiyacꞌbe jmeltsan li veꞌlil li jmuque? Jaꞌ lec albo acꞌo tal scoltaun eꞌuc ―xut.

Tzotzil de Huixtán

⁴⁰ Ja'uc ti Martae ja' no'ox batem ti yo'nton tsc'an chmac'linvan. Hech lic tal sva'an sba ti stojol ti Jesuse, hech lic yal: ―Cajval, ¿mi mu'yuc sc'opilal ti avo'nton ti jtuc no'ox cac'oj jba ti jpas ti ve'elile? Yu'un ti jmuque jtuc no'ox chiyac'bun jpas scotol. Albo ac'o scoltaun ―xut.

San Lucas 10:40 Iomraidhean Croise

San Mateo 14:15

C'alal bat xa c'ac'ale, inopajic batel ta stojol Jesús li yajchanc'optaque, jech laj yalbeic: —Li'i xocol banamil. Bat xa li c'ac'ale. Ja' lec taco batel li cristianoetique ac'o bat sman sve'elic ta tsobtsobnaetic —xutic.

San Mateo 16:22

Li Pedroe laj yic' batel jutuc li Jesuse. Jech tsots la spajes, jech laj yalbe: —Cajval, mu me xac' c'otuc ta pasel jech li Diose. Mu me xc'ot ta pasel ti chachame —xut.

Marcos 3:21

C'alal laj ya'yic yuts' yalaltac Jesús ti te tsinilic epal cristianoetic ta snae, bat spajesic li Jesuse, yu'un la snopic ti soquem sjole.

San Lucas 10:38

C'alal chanovic batel li Jesuse, te i'ochic ta jun tsobtsobnaetic. Te nacal jun ants Marta sbi; laj yic' ochel li Jesuse.

San Lucas 10:41

Itac'ov li Jesuse: —Marta, Marta, ta sventa ti toj ep c'usitic chanop chapase, jech chlo'ilaj avo'nton.

San Lucas 12:29

Ja' yu'un li vo'oxuque mu me xvulvunuc avo'ntonic ta sventa li c'usi chave'ique xchi'uc li c'usi chavuch'ique.

San Lucas 9:55

Li Jesuse laj yut li chib yajchanc'ope.

San Juan 11:1

Ja'o tsacbil ta chamel jun vinic Lázaro sbi. Te nacal ta lum Betania yo' bu nacalic li María xchi'uc Martae, ja' li yixlaltac Lazaroe.

San Juan 11:5

Li Jesuse lec sc'anoj li Marta xchi'uc li smuque xchi'uc li Lazaroe.

San Juan 12:2

Te la smeltsanbeic lec sve'el li Jesuse. Li Martae ja' la smeltsan ve'lil. Li Lazaroe ja' te co'ol chotolic ta ti'mexa xchi'uc li Jesuse.

San Juan 6:27

Mu me ja'uc no'ox xavabtelinic sa'el li ave'elic ti sna' xlaje. Ja' tsc'an chavabtelinic sa'bel sve'el ec li avo'ntonic ti mu sna' xlaj sbatel osile. Vu'un ta xcac'boxuc, vu'un ti Xnich'on cristiano lic'ote. Ja' yu'un li Diose, ja' li Jtote, laj xa yac' ta ilel ti vu'un yac'ojbun cabtele —xi li Jesuse.