San Lucas 10:22 - Bible in Tzotzil de Chenalhó with Deuterocanon

²² Li Jesuse lic sc'opan yan velta li cristianoetique, jech laj yal: —Scotol li c'usitic oye, yac'ojbun ta jc'ob li Jtote. Mu'yuc boch'o sna'bun c'u x'elan co'nton vu'un li Nich'onilune. Ja' no'ox sna' stuc li Jtote. Ja' no'ox jech ec li Jtote mu'yuc boch'o sna'be c'u x'elan yo'nton. Vu'un no'ox jna', xchi'uc ta sna'ic ec li boch'otic ta xcac'be sna'ique —xi li Jesuse.

Tzotzil Zinacantan

²² Ti Jesuse jaꞌ la yech lic yalbe ti crixchanoetique: ―Ti Jtote yacꞌojbon entrucal scotol ti cꞌusitic oye. Muc muchꞌu snaꞌ cꞌu xꞌelan li coꞌone, jaꞌ noꞌox snaꞌoj ti Jtote. Jaꞌ noꞌox yech ti Jtot uque, muc muchꞌu snaꞌbe cꞌu xꞌelan yoꞌon. Jtuc noꞌox jnaꞌojbe. Jaꞌ noꞌox ta snaꞌic uc ti muchꞌutic chcalbeique ―xꞌutatic la.

Bible in Tzotzil de Chamula

²² “Scotol ti c'usitic oye, laj yac'bun ta coc ta jc'ob ti Jtote. Mu'yuc buch'u sna' buch'u ti Nich'onile, ja' no'ox sna' stuc ti Totile. Mu'yuc buch'u sna' ti Totile, ja' no'ox sna' stuc ti Nich'onile, ti c'otem ta sventa buch'u sc'an ta xac'be sna' ti Totile.”

LEQUIL ACH' C'OP

²² »Ti Jtote yac'ojbon entrucal scotol ti c'usitic oye. Muc' much'u sna'oj c'u x'elan li ch'amalile, ja' no'ox sna'oj ti Totile; ja' no'ox yech noxtoc muc' much'u sna'oj c'u x'elan li Totile, vo'on no'ox jna'oj ti Ch'amalilone, ja' no'ox yech tsna'ic uc ti much'utic chcac'be sna'ique.» ―X'utatic.

Tzotzil San Andres

²² Li Jesuse xi lic yalanbe li crixchanoetique: ―Scotol yacꞌojbun ta jcꞌob li Jtote. Joꞌon li Snichꞌonune muc buchꞌu snaꞌ li cꞌu sba li coꞌone. Jaꞌ noꞌox stuc Jtot snaꞌoj li cꞌu sba li coꞌone. Jaꞌ noꞌox jech eꞌuc li Jtote muc buchꞌu snaꞌbe li cꞌu sba yoꞌone. Joꞌon noꞌox jnaꞌojbe li cꞌu sba yoꞌon li Jtote, schiꞌuc snaꞌic eꞌuc li buchꞌutic ta xcacꞌbe snaꞌique ―xi li Jesuse.

Tzotzil de Huixtán

²² Hech lic yalbe uc ti crixchanoetique: ―Scotol yac'ojbun ti jc'ob ti Jtote. Ho'on ti Snich'onune mu'yuc much'u chisna'bun ti co'ntone. Ja' no'ox stuc ti Jtote chisna'bun ti co'ntone. Mu'yuc much'u chna'bat yo'nton ti Jtote. Ja' no'ox jtuc ti Snich'onune ti jna'be yo'nton xchi'uc scotol ti much'utic chcac'be sna'beic yo'nton ti Jtote ―xchi ti Jesuse.

San Lucas 10:22 Iomraidhean Croise

San Mateo 11:25

Lic sc'opan Dios li Jesuse, jech laj yal: “Tati, vo'ot yajvalot li vinajel banamile. Colaval ti muc xavac'be ya'yic smelol c'usi laj cal xchi'uc c'usi la jpas li boch'otic bijique xchi'uc li boch'otic lec sna' yalojique. Ja' no'ox laj avac'be ya'yic smelol li boch'otic ja' jechic jech chac c'u cha'al ololetique.

San Mateo 11:27

Jech lic yal yan velta li Jesuse: “Scotol li c'usitic oye, yac'ojbun ta jc'ob li Jtote. Mu'yuc boch'o yan sna'be c'u x'elan yo'nton li Nich'onile, ja' no'ox sna' stuc li Totile. Ja' no'ox jech ec li Totile, mu'yuc yan boch'o sna'be c'u x'elan yo'nton, ja' no'ox sna' li Nich'onile, xchi'uc ja' no'ox tsna'ic ec li boch'otic ta x'ac'bat sna'ic yu'un li Nich'onile.

San Mateo 28:18

Inoch'aj tal li Jesuse jech laj yalbe: —Li'ac'bat xa scotol jvu'el ta sventainel li vinajel xchi'uc banamile.

San Juan 1:18

Me junuc mu'yuc boch'o yiloj li Diose. Li jun no'ox Xnich'on Dios ti jun oyic xchi'uc Stote, ja' laj yac' cotquintic li Diose.

San Juan 10:15

Jech chac c'u cha'al xiyotquinun li jtote, jech xcotquin ec. Ja' yu'un ta xcac' jba ta milel yu'unic scotol li chijetique.

San Juan 13:3

Li Jesuse sna'oj ti i'ac'bat xa ta sc'ob scotol yu'un li Dios Totile, xchi'uc sna'oj ti te liquem tal ta stojol li Diose, xchi'uc ti te ta sut batel noxtoque.

San Juan 17:10

Scotol li cu'untaque ja' avu'un ec. Li avu'untaque ja' cu'une ec. Jech ich'bilun xa ta muc' ta sventaic.

San Juan 17:2

Yu'un laj avac'bun jvu'el ta sventa scotol cristianoetic, yu'un jech xu' ta xcac'be xcuxlejalic ti c'u yepal chavac'bune.

San Juan 17:26

Laj xa cac' yotquinicot. Pero ech'em to ta xcac' yotquinicot, yu'un jech te oy o ta stojolic li c'anel avu'un jech chac c'u cha'al lec ac'anojune, jech te oyun o ta stojolic ec”, xi la sc'opan Dios li Jesuse.

San Juan 17:5

Ja' yu'un Tati, ac'bun xa yan velta jlequilal cutsilal te ta atojol jech chac c'u cha'al jlequilal cutsilal te ta atojol ti c'alal mu'yuc to'ox li banamile.

San Juan 3:35

Li Totile lec sc'anoj li Xnich'one. Laj yac'be ta sc'ob scotol li c'usitic oye.

1 Corintios 15:24

Ja'o chtal li slajebale, ja'o ti c'alal laj xa stsal scotol li jpasmantaletique, ti tsots svu'elique, ti ch'unbil smantalique. Ja'o yorail chac'be ta sc'ob Dios Totil scotol li yabtele.

2 Corintios 4:6

Yu'un li Dios ti laj yal ac'o oyuc sac osil c'alal ic' to'ox osile, ja' laj yal noxtoc ti ac'o oyuc sac osil ta co'ntontique. Yu'un jech ac'o cotquintic c'u x'elan xojobal Dios ta jtojoltic ta sventa li Jesucristoe.

Efesios 1:21

Ja' banquilal ic'ot yu'un scotol li banquilaletic ta toyole, ti tsots svu'elique, ti tspasic mantale, xchi'uc ti toj muc'tic xa sbiic ta a'yele. Ma'uc no'ox banquilal comen li' ta orae, ja' banquilal o c'alal to ta sbatel osil.

Hebreos 2:8

Laj avac'be spas ta mantal scotol”, xi ts'ibabil. Chal ti laj yac'be sventain scotole, jech mu'yuc c'usi ti mu'yuc xac'be sventaine. Pero li' ta orae mu xquiltic ti ac'bil sventain scotol li c'usitic oye.

1 Juan 5:20

Ta jna'tic noxtoc ti i'ay ta banamil li Xnich'on Diose, laj yac'butic jbijiltic sventa ac'o cotquintic li bats'i Dios ta melele. Jun me ac'o oyuticuc o jchi'uctic li Boch'o ta melel ja' stuc oe, ja' li Jesucristo Xnich'on Diose. Le'e ja' bats'i Dios ta melel; ja' Cuxlejal sventa sbatel osil.

2 Juan 1:9

Me oy boch'o xjelov to sna' xchanubtasvan scuyoj sbae, me mu ja'uc ta xch'un jech chac c'u cha'al ichanubtasvan li Jesucristoe, mu'yuc Dios ta stojol. Yan li boch'o ja' ta xch'un c'u x'elan ichanubtasvan li Jesucristoe, ja' oy ta yo'nton li Jtotic Diose xchi'uc li Nich'onile.