San Lucas 1:74 - Bible in Tzotzil de Chenalhó with Deuterocanon

⁷⁴ ti chispojutic loq'uel ta sc'ob cajcontratique. Jech mu'yuc xa xi'el chca'itic, xu' chijtunutic yu'un,

Bible in Tzotzil de Chamula

⁷⁴ ti mu'yucuc xi'el ta xijcuxiotique, ti mu'yucuc ilbajinel yu'un ti jcontratique yo' ta xcac' jbatic ta tunel yu'un.

LEQUIL ACH' C'OP

⁷⁴ ti mu xa c'usi chixi'otic oe, ti chispojotic loq'uel ta sc'ob li cajcrontatique, yo' xitunotic o yu'une

San Lucas 1:74 Iomraidhean Croise

2 Reyes 17:39

Jtuc no'ox me xavich'icun ta muc', vu'un li Muc'ul Diosun avu'unique, jech chajcoltaoxuc loq'uel ta sc'ob li avajcontraique”, x'utatic ono'ox.

Salmos 119:134

Coltaun ta sventa li uts'intael chiyac'bicun cristianoetique, yu'un ja' ta jc'an ta jch'un li c'usitic avaloje.

Isaías 43:21

Li jteclum la jliquese ja' sventa ac'o yalic batel jlequilal.

Isaías 45:17

Yan li Israele coltabil yu'un li Muc'ul Diose, ch-ac'bat lec coltael sventa sbatel osil; mu'yuc chyalic ta q'uexlal, mu'yuc bu biq'uit chcomic.

Zacarías 8:19

“Li ictaej ixim tspasic ta xchanibal u, ta yo'obal u, ta svucubal u, xchi'uc ta slajunebal ue, ta xc'ataj ta tse'ej lo'il, ta xcuxetel yo'ntonic, ta muc'ta q'uin yu'unic li smomnich'nab Judae. Ja' yu'un ja' me c'anic li c'usi melele xchi'uc li jun o'ntonale”, xi.

San Lucas 1:71

ti chtal sloq'uesutic ta sc'ob cajcontratique xchi'uc ta sc'ob li boch'otic mu'yuc jtu chijyilutique.

San Lucas 1:73

yu'un jamal ono'ox laj yalbe jmoltotic Abraham ta vo'one ti chiscoltautic,

San Lucas 1:75

yu'un lecubtasbilutic, tuq'uibtasbilutic yu'un ti jayib c'ac'al cuxulutic ta stojole.

Romanos 6:22

Pero li' ta orae colemoxuc xa ta mozoil ta sventa li c'usitic chopole; ja' xa yajtuneloxuc li Diose. Jech ja' xa chataic li c'usitic leque, ja' ti yantic chalecubic batele. Le'e ja' chac' acuxlejalic sventa sbatel osil.

Romanos 8:15

Yu'un ti laj avich'ic Ch'ul Espiritue ma'uc sventa chtic'van ta mozoil yu'un ac'o oyuc xi'el chava'yic yan velta jech chac c'u cha'al ta vo'onee. Laj avich'ic Espíritu sventa chac' c'otanic ta Xnich'on Dios, ja' yu'un ja' ta sventa ti “Tati” xcutic xa li Diose.

2 Timoteo 1:7

Yu'un li Diose ma'uc laj yac'butic espíritu sventa xi'el. Ja' laj yac'butic Espíritu sventa chac' stsatsal co'ntontic, xchi'uc chac' chijc'anvan, xchi'uc jna' spajesel jbatic.

Hebreos 2:15

Jech la scolta li boch'otic puru xi'el cha'yic o ta sventa li lajele.

Hebreos 9:14

Buuc xa li xch'ich'al Cristoe, j'ech'el la spocbutic o loq'uel ta jol ta co'ntontic li c'usi mu'yuc stu la jpastique, yu'un jech ja' xa chlic tuncutic yu'un li cuxul Diose. Yu'un li stuque mu'yuc smul ta stojol li Diose. Stuc laj yac' sba ta smoton Dios ta jventatic sventa sbatel osil ta sventa li Ch'ul Espiritue.

Apocalipsis 2:10

Mu me xaxi'ic yu'un li vocol chtal ta atojolique. A'yo ava'yic, li pucuje ta stic'oxuc jayibuc ta chuquel, yu'un ta sq'uelboxuc avo'ntonic. Chavich'ic tsots vocol lajunebuc c'ac'al. Junuc me avo'ntonic ta jtojol ac'o me te chachamic o, jech chacac'boxuc acoronaic sventa cuxlejal sbatel osil.