San Lucas 1:6 - Bible in Tzotzil de Chenalhó with Deuterocanon

⁶ Li Zacarías xchi'uc yajnile lec tuc' yo'ntonic ta stojol Dios, xchi'uc lec xch'unojbeic li smantaltac Diose xchi'uc li c'usitic yan yaloje.

Tzotzil Zinacantan

⁶ Ti Cajvaltique yiloj ti lec yoꞌon xchiꞌuc yajnil ti Zacaríase. Yuꞌun la xchꞌunojic ti cꞌusitic yaloj ti Cajvaltique, yechꞌo ti chꞌabal smul iꞌileique.

Bible in Tzotzil de Chamula

⁶ Xchibalic staojic ti lec x'ileic yu'un ti Diose, xch'unojic lec ta spasel mantal xchi'uc ti oy c'usi tsots sc'oplal albil yu'un ti Diose, ti mu'yuc buch'u jun sa'bun ti smulique.

LEQUIL ACH' C'OP

⁶ Xcha'va'alic lec scotol li c'usitic tspasic ta stojol ti Rioxe, ta sjunul yo'on tspasic ti c'usi chal li mantaletique, xchi'uc li yan mantaletic albilic yu'un ti Cajvaltique.

Tzotzil San Andres

⁶ Li Diose sqꞌueloj ti tucꞌ yoꞌonic schiꞌuc yajnil li Zacaríase. Yuꞌun schꞌunojic li cꞌusi yaloj li Cajvaltic Diose, jech muꞌyuc smul iꞌileic yuꞌun Dios.

Tzotzil de Huixtán

⁶ Toj yo'ntonic ti xcha'va'alique laj yil ti Diose. Xch'unojbeic scotol smantal, scotol sc'op ti Cajvaltic Diose. Mu'yuc smulic laj yil ti Diose.

San Lucas 1:6 Iomraidhean Croise

Génesis 17:1

C'alal yich'oj xa'ox balunlajuneb yo'vinic (99) jabil li Abrame, li Muc'ul Diose laj yac' sba ta ilel ta stojol yan velta. Jech laj yalbe: —Vu'un Diosun ti scotol xu' cu'une. Tuc'uc me avo'nton ta jtojol. Mu me c'usi chopol xapas.

Génesis 6:9

Li'i ja' sc'oplal Noé. Li Noee ja' jun lequil vinic. Scotol c'ac'al lec yich'oj ta muc' li Diose. Ja' no'ox stuc oy ta yo'nton tspas c'usi tsc'an Dios ta scotol cristianoetic ti c'alal cuxul li Noee. Jech lec laj yil sbaic xchi'uc li Diose.

Génesis 7:1

Li Muc'ul Diose ts'acal jech laj yalbe li Noee: “Ochanic ta barco acotolic achi'uc avajnil anich'nab, yu'un vo'ot no'ox atuc laj apas c'usi ta jc'an ta scotol li cristianoetic li' ta orae.

1 Reyes 15:5

Yu'un li Davide lec tuc' c'usitic la spas ta stojol Muc'ul Dios, me jbeluc mu'yuc la sbaj c'usitic i'albat yu'un Muc'ul Dios ti jayib c'ac'al cuxule. Ja' no'ox te la sta smul o c'alal laj yac' ta milel li Urías hitita vinique.

1 Reyes 9:4

Me lec chapas aba ta jtojol jech chac c'u cha'al la spas li David, ja' li atote, me jun avo'nton chach'un li c'usitic calojbote xchi'uc me ja' chapasilan o batel li mantaletic, li chanubtaseletic cu'une,

2 Reyes 20:3

“Muc'ul Dios, avocoluc mu me xch'ay ta avo'nton ti jun co'nton litun avu'une, xchi'uc ti scotol co'nton la jpas c'usi chac'ane”, xut. Ep laj yoc'ta sba.

2 Crónicas 17:4

Ja' laj yich' ta muc' li Dios yu'un smoltote; ja' la xch'unbe smantaltac. Muc ja'uc la spas jech chac c'u cha'al tspas li israeletique.

Job 1:1

Oy to'ox jun vinic te ta yosilal Uz, Job sbi. Lec tuc' yo'nton, lec c'usitic la spas, lec yich'oj ta muc' Dios, svoc'oj sba o ta sventa li c'usi chopole.

Job 1:8

Li Muc'ul Diose jech la sjac'be li banquilal pucuje: —¿Me laj avil li cajtunel Job ti mu'yuc boch'o yan jech te ta banamil jech chac c'u cha'al ti lec tuc' yo'ntone, ti lec c'usitic tspase, ti lec yich'ojun ta muq'ue, xchi'uc ti svoc'oj sba o ta sventa li c'usi chopole? —xut.

Job 9:2

—Ta melel jna'oj lec ti ja' jeche', pero ¿c'u x'elan xu' lec tuc' tspas sba ta stojol Dios li jun cristianoe?

Salmos 119:6

Jech mu'yuc chiq'uexov c'alal me ja' ta jnopilan scotol c'usi chal li mantaletic avu'une.

San Lucas 1:7

Pero mu'yuc yol xnich'onic, yu'un mu sna' x'alaj li Isabele; mol me'elic xa noxtoc.

San Lucas 16:15

Li Jesuse jech laj yalbe: “Li vo'oxuque chavaq'uic ta ilel ta stojol cristianoetic ti tuc' avo'nton avalojique, pero li Diose xotquin li avo'ntonique. Yu'un li boch'o chac' sba ta ich'el ta muc' ta stojol cristianoetique ja' mu'yuc stu ta stojol li Diose.

San Lucas 2:25

Oy jun israel vinic te ta Jerusalén, Simeón sbi. Lec tuc' yo'nton, lec yich'oj ta muc' Dios. Smalaoj ti tsta yorail tsta spatubil yo'nton li israeletique. Ventainbil yu'un Ch'ul Espíritu li Simeone.

Hechos 2:25

Yu'un li Davide jech ono'ox laj yal ta sventa li Jesuse: ‘Laj quil ti scotol ora te oy ta jtojol li Diose. Te oy o ta jbats'ic'ob, jech mu'yuc bu xtal xbat no'ox co'nton.

Hechos 23:1

Li Pabloe la sq'uelbe lec sat scotol li jchapanvanejetic ta ch'ulnae, jech laj yalbe: —Jchi'iltac, li vu'une bats'i jun co'nton oyun o ta stojol li Diose. Ja' jechun o c'alal to tana —xi.

Hechos 24:16

Ja' yu'un tsots sc'oplal chca'ay ti mu me jta jmul ta stojol li Diose xchi'uc ta stojol li cristianoetique.

Hechos 8:21

Li vo'ote mu'yuc ta aventa, mu xu' chc'ot ta atojol li abtel li'i, yu'un muc tuc'uc avo'nton ta stojol Dios.

Romanos 8:4

Jech xu' xa cu'untic ta jpastic c'usi tuc' jech chac c'u cha'al chal li mantaletique. Muc xa ja'uc ta jpastic li c'usi tsc'an jbec'taltique. Ja' xa ta jpastic c'usi tsc'an li Ch'ul Espiritue.

1 Corintios 11:2

Colavalic ta sventa ti mu xach'ay ta avo'ntonic li c'usitic laj calboxuque, ti chapasilanic o ti c'u x'elan la jchanubtasoxuque.

2 Corintios 1:12

Oy c'usi ti toj jun co'ntoncutic yu'une, ja' ti jna'oj lec ta jol ta co'ntoncutic ti lec jchabioj jbacutic, ti lec jq'ueloj jbacutic ta stojol Dios li' ta banamile. X'ech' to jech la jpascutic te ta atojolic li vo'oxuque, pero muc ta jbijiluc jtucutic, ja' ta sventa slequil yo'nton ta scoltauncutic li Diose.

Deuteronomio 5:33

Ja' me xat'unic o li be laj yac'boxuc avilic Muc'ul Dios cu'untique, yu'un jech lec chabatic, xchi'uc jech jal chacuxiic te ta avosilic ti bu chayac'boxuque.

Filipenses 2:15

Yu'un jech mu soc ac'oplalic, xchi'uc jech mu xata amulic. Jech chvinaj ta stojol chopol cristianoetic, ch'ayemal cristianoetic ti vo'oxuc xnich'naboxuc Diose, ti mu'yuc chopoloxuque. Ja' jech xaxojobanic ta stojolic jech chac c'u cha'al luz ti xojobanic c'alal ic' osile.

Colosenses 1:22

ilecub xa yo'nton ta atojolic ec. Ja' ta sventa ti laj yac' sba ta milel li Xnich'one, yu'un jech mu'yuc amulic, mu'yuc avic'ubalic ti c'alal chac'otic ta stojole.

1 Tesalonicenses 3:13

Jech tstsatsub lec avo'ntonic ta stojol Cajvaltic, jech mu'yuc amulic chac'otic ta stojol Jtotic Dios c'alal chtal xchi'uc scotol yu'untac li Cajvaltic Jesucristoe.

2 Pedro 3:14

Ja' yu'un vo'oxuc ti lec jc'anojoxuque, c'alal chamalaic ta xc'ot ta pasel jech chac le'e, aq'uic persa ti junuc avo'ntonic, ti mu'yucuc avic'ubalic, ti mu'yuc amulic chvul staoxuc li Diose.

1 Juan 2:29

Yu'un xana'ic xa ti tuc' yo'nton stuc li Cristoe, jech tsc'an chana'ic noxtoc ti ja' xnich'nab Dios scotol li boch'otic tuc' c'usitic ta spasique.

1 Juan 2:3

Me ta jch'unbetic li smantaltac Diose, jech ta jna'tic o ti xcotquintic xae.

1 Juan 3:7

Jnich'nabtac, mu me boch'o xaslo'laoxuc. Li boch'o ja' ta spas c'usitic tuq'ue, ja' tuc' yo'nton, jech chac c'u cha'al tuc' yo'nton li Cristoe.