San Lucas 1:51 - Bible in Tzotzil de Chenalhó with Deuterocanon

⁵¹ Li Diose toj muc'tic c'usi la spas ta stsatsal svu'el; la slajesbe sc'oplal c'usi snopojic li jtoybaetique.

Tzotzil Zinacantan

⁵¹ Ti Rioxe yacꞌoj iluc ti stuc noꞌox oy syuꞌele. Tspajes ti muchꞌutic ta stoy sbaique, jaꞌ ti muchꞌutic pꞌij ti yalojique, yoꞌ mu spasic o ti cꞌusitic snopoj tspasique.

Bible in Tzotzil de Chamula

⁵¹ Yu'un xi s'elan laj spas xchi'uc ti smuc'ul stsatsale: laj sjinesbe yip ti oy c'usi snopojic ti jtoyobbaetique.

LEQUIL ACH' C'OP

⁵¹ Iyac' ta ilel ti stuc no'ox oy syu'ele: Ixch'aybe sc'oplal ti c'usitic snopoj tspasic li jtoybailetique,

Tzotzil San Andres

⁵¹ Li Diose yacꞌoj ta ilel ti scotol xuꞌ yuꞌune. Xuꞌ yuꞌun ta spajesbe yabtel li buchꞌutic ta stoy sbaique, jaꞌ li buchꞌutic pꞌij chaꞌi sbaique, jech mu xuꞌ ta spasic li cꞌustic snopojique.

Tzotzil de Huixtán

⁵¹ Laj yac' ti q'uelel ti jelaven sp'ijile. Xu' yu'un tsjimbe yabtel ti much'utic tstoy sbaique, ja' ti much'utic p'ij scuyoj sbaique, hech mu xa xu' yu'unic ti c'utic snopojique.

San Lucas 1:51 Iomraidhean Croise

Génesis 11:8

Ja' yu'un li Muc'ul Diose la spuc batel ta scotol banamil li cristianoetique. Jech te iquechaj o spasel li slumalique.

Génesis 6:5

Li Muc'ul Diose laj yil ti i'epaj smulic li cristianoetic ta banamile, xchi'uc ti ja' no'ox batem ta yo'ntonic o snopel li c'usitic chopole.

Génesis 8:21

C'alal ic'ot ta stojol Muc'ul Dios li smuil yic' smotone, jech laj yal: “Mu'yuc xa ta jsoques yan velta banamil ta scoj smul li cristianoetique. Yu'un li cristianoetique ta sbic'talic ono'ox ti ja' no'ox oy ta yo'nton tspasic li c'usi chopole. Jech noxtoc mu'yuc xa ta jtu'pbe sts'unubal yan velta li chonbolometic jech c'u cha'al la jpas li jun velta li'i.

Salmos 118:15

Li boch'otic tuc' yo'ntonique xcuxet no'ox yo'ntonic te ta snaic, yu'un ja' tspasic canal. Xvochetic no'ox ta sq'uejintael jech chac li'i: “Li svu'el Muc'ul Diose ja' ono'ox tspas canal.

Salmos 33:10

Li Muc'ul Diose ta slajesbe sc'oplal c'usi chchapan li jujun banamile; ta xtuch'be ta be c'usi tsc'an tspas li jujun lume.

Salmos 52:9

Muc'ul Dios, sbatel osil chaquich'ot o ta muc', yu'un toj lec c'usi laj apasbun; ja' no'ox ta jpat co'nton o ta atojol, yu'un toj lec avo'nton ta stojol li avu'untac ti tuc' yo'ntonique.

Salmos 63:5

Jech toj jun no'ox co'nton chicom jech chac c'u cha'al boch'o cha'ibe smuil ve'lil ta jun q'uin ti toj mue; toj xcuxet no'ox co'nton chaquich'ot ta muc' jchi'uc li quee.

Salmos 89:10

Vo'ot laj atsal, laj amil li smuc'ta chanul nab ti toj xi'bal sbae; ta avu'el atsatsal la spuc sba batel avu'un li avajcontrae.

Salmos 89:13

Li ste'el ac'obe toj ech'em svu'el; li abats'ic'obe toj tsots, xchi'uc ja' jtsalvanej.

Salmos 98:1

Q'uejintaic ta ach' q'ueoj li Muc'ul Diose, yu'un spasoj xa ep muc'tic sq'uelubiltac; laj xa spas canal ta sventa smuc'ul stsatsal.

Éxodo 18:11

Li' ta orae ta jna' ti ja' no'ox stuc ech'em smuc'ul li Muc'ul Diose ti mu xco'laj xchi'uc li yantic diosetique. Yu'un la scoltaoxuc vo'oxuc ti mu'yuc atuic la'ilatique —xi.

Isaías 40:10

A'yo ava'yic, li Muc'ul Diose ta xtal xchi'uc svu'el, ta svu'el chlic sventain scotol. Q'uelavilic, ta xtal xchi'uc tojolil; ta xtal xchi'uc matanal.

Isaías 51:9

Muc'ul Dios, julovan me, lican me achi'uc li atsatsal avu'ele; paso jech chac c'u cha'al laj apas ta vo'onee. Yu'un vo'ot ono'ox laj alilin li Rahabe; vo'ot ono'ox laj amil li dragón ta vo'onee.

Isaías 52:10

Chac' ta ilel svu'el stsatsal ta jujun banamil; scotol cristianoetic c'alal to ta jujujot sti' banamil tsq'uelic c'u x'elan tscoltautic li Dios cu'untique.

Isaías 63:12

xchi'uc ti ta svu'el stsatsal la xchi'in ta yalel muyele, ti la svoc' li muc'ta nab ta stojol steclumal, yu'un jech ac'o yich' albel slequilal sbatel osile.

Jeremías 49:15

Edom, ta xcac' ti ven biq'uit chacom ta stojol li yantic lumetique; bajbil chacom o ta stojol li cristianoetique.

Daniel 4:37

“Ja' yu'un vu'un li Nabucodonosorune, ta xcalbe slequilal, ta xquich' ta muc', ta xcac' ta ich'el ta muc' li Ajvalil ta vinajele, yu'un li yabtele puru melelic; tuc' scotol li c'usitic tspase, xchi'uc xu' yu'un ta sbic'tajes li boch'otic tstoy sbaique”, xi li ajvalile.

Romanos 1:21

Yu'un la sna'ic ti oy Diose, pero muc xich'ic ta muc' jech chac c'u cha'al Dios; mu'yuc bu la stojbeic ta vocol. Solel mu'yuc stu li c'usi la snopique. Icomic ta ic' osil ta scoj li sbolilique.

2 Corintios 10:5

Jech mu'yuc stu chcom o li c'usi chapal yu'unique xchi'uc li stoyobbailic ti ja' tsmac ta be yotquinel li Diose. Jech xu' ta jlajesbecutic yip scotol li c'usi tsnopique, yu'un jech xu' chlic xch'unic li Cristoe.

Deuteronomio 4:34

¿Me oy jech yan Dios la st'uj jun lum ta scotol yantic lumetic, xchi'uc ti la spas tsots senyailtac, xchi'uc sq'uelubiltac, xchi'uc muc'tic pleitoetique? Jac'o ava'yic me oy bu ivinaj tsots svu'el, xchi'uc me oy c'usi tsots la spas ti xi'balic sba jech chac c'u cha'al la spas ta atojolic te ta Egipto li Muc'ul Dios cu'untique.

1 Pedro 5:5

Jech ec li vo'oxuque queremetic, ich'ic me ta muc' li jcholc'opetique. Acotolic tsc'an talbat chavich' abaic ta muc'; biq'uit xavac' abaic, yu'un jech ts'ibabil: “Li Diose chopol chil li jtoybaetique; yan li boch'o biq'uit chac' sbaique ja' chc'uxubin”, xi ts'ibabil.

Apocalipsis 18:8

Ja' yu'un ta jun no'ox c'ac'al chc'ot scotol li vocoletic ta stojole. Ta xtal tsatsal chamel, oq'uel, xchi'uc vi'nal, jech noxtoc j'ech'el ta xlaj o ta c'oc'. Yu'un toj ech'em svu'el li Cajvaltic Dios ti chac'be stojol mulile”, xi.