San Lucas 1:49 - Bible in Tzotzil de Chenalhó with Deuterocanon

⁴⁹ Yu'un toj lec c'usitic la spasbun li Dios ti ech'em svu'ele, ja' li Ch'ul Dios sbie.

Tzotzil Zinacantan

⁴⁹ Ti Rioxe oy slequilal syuꞌelal. Lec tajmec ti cꞌusi iyul ta jtojole yechꞌo un acꞌu quichꞌtic ta mucꞌ ti Rioxe.

Bible in Tzotzil de Chamula

⁴⁹ Ti Dios scotol xu' yu'une, laj spas ti c'usi muc'tic ta xc'ot ta jtojol yu'une. ¡Yu'un ja' Ch'ul Dios!

LEQUIL ACH' C'OP

⁴⁹ Ti Riox ti tsots tajmec syu'ele, toj ep c'usitic lequic ispas ta jtojol. ¡Ja' li Ch'ul Riox sbie!

Tzotzil San Andres

⁴⁹ Li Diose oy stsatsal sjuꞌel. Toj lec li cꞌusi icꞌot ta jtojol yuꞌune jech acꞌo ichꞌeuc ta mucꞌ.

Tzotzil de Huixtán

⁴⁹ Jelaven yutsil ti hech laj xa spasbun ti Diose, ja' ti jelaven sp'ijile, ja' ti toj yo'ntone.

San Lucas 1:49 Iomraidhean Croise

Génesis 17:1

C'alal yich'oj xa'ox balunlajuneb yo'vinic (99) jabil li Abrame, li Muc'ul Diose laj yac' sba ta ilel ta stojol yan velta. Jech laj yalbe: —Vu'un Diosun ti scotol xu' cu'une. Tuc'uc me avo'nton ta jtojol. Mu me c'usi chopol xapas.

Salmos 111:9

La stacbe tal coltael li steclumale; sbatel osil mu xlaj sc'oplal o li c'usi xchapanoje. Ja' no'ox stuc Ch'ul Dios, ja' no'ox stuc xi'bil.

Salmos 24:8

¿Boch'o li Ajvalil yu'un lequilale? Ja' li Muc'ul Dios ti lec tsots xu' yu'une xchi'uc ti tsots yo'ntone; ja' li Muc'ul Dios ti lec xu' yu'un pleitoe.

Salmos 99:3

Ac'o ich'biluc o ta muc', yu'un toj ech'em smuc'ul, ja' no'ox stuc xi'bil. Ja' Ch'ul Dios stuc.

Salmos 99:9

Ich'ic ta muc' li Muc'ul Dios cu'untique; quejano abaic ta stojol te ta ch'ul vits yu'un, yu'un li Muc'ul Dios cu'untique ja' ch'ul Dios stuc.

Éxodo 15:11

Muc'ul Dios, me junuc yan dios mu xco'laj jech chac c'u cha'al vo'ot. Mu'yuc boch'o yan toj muc', toj tuc' jech chac c'u cha'al li vo'ote. Yu'un toj labalic sba, toj xi'balic sba li c'usitic chapase. Lec snup o ti ep chavich' q'uejintabel alequilale.

Isaías 1:24

Ja' yu'un, li Ajvalil, li Muc'ul Dios ti ech'em svu'ele, ja' li stsatsal Israele, jech chal: “Te no'ox c'alal; ta xcac'be stojic li boch'otic chiscontrainicune; ta jpacbeic sutel li boch'otic chopol chiyilicune.

Isaías 57:15

Yu'un li boch'o oy ta sc'ob scotole, ti stalel cuxul o sbatel osile, ti Ch'ul Dios, xi ch-albate, jech chal: “Vu'un te nacalun ta toyol, ta ch'ul vinajel, xchi'uc te oyun ta stojol noxtoc li boch'otic biq'uit chac' sbaique, xchi'uc li boch'otic abul sba cha'yique; te ta xcac'beic lec stsatsal yo'ntonic, ta jmuq'uibtasbe yo'ntonic.

Isaías 6:3

Jech laj yalbe sbaic jujunic: “Ja' Ch'ul Dios, Ja' Ch'ul Dios, Ja' Ch'ul Dios li Muc'ul Dios ti ech'em svu'ele. Nojem ta slequilal scotol li banamile”, xiic.

Isaías 63:1

—¿Boch'o ti le' chlic tal ta Bosra, ja' li muc'ta lum yu'un Edom ti tsoj sc'u' slapoj tale, xchi'uc ti xleblajet no'ox tal li sc'u' spoq'ue, ti ep stsatsal xchi'uc svu'ele? —Ja' vu'un ti tuc' chichapanvane, ti xu' cu'un chicoltavane.

Jeremías 10:6

Muc'ul Dios, mu'yuc boch'o yan xco'laj jech chac c'u cha'al li vo'ote. Li vo'ote toj ech'em amuc'ul, toj muc' ta a'yel li abie, toj ech'em stsatsal.

Jeremías 20:11

Pero vo'ote, Muc'ul Dios, li' oyot ta jtojol jech chac c'u cha'al jun muc'ta vinic ti mu stac' tsalele. Ja' yu'un li boch'o chisnutsicune te chyalic ta lum, jech mu xu' yu'un chistsalicun, j'ech'el chyalic o ta q'uexlal; mu'yuc boch'o chch'ay ta yo'nton o.

Marcos 5:13

Li Jesuse laj yac' te baticuc. Jech iloq'uic ta yo'nton li vinique, bat ochicuc ta yo'nton chitometic. Li chitometique oy van cha'miluc (2,000). I'anilajic batel ta yalubaltic, jech te ibalch'ujic ochel ta nab; te ijic'ov scotolic.

San Lucas 1:48

Laj yil ti toj biq'uitun, vu'un li yajtunelune. Pero li' tanae “toj xcuxet no'ox yo'nton”, xi jc'oplal yu'unic ti jayc'ol cristianoetic chjelovic li' ta banamile.

San Lucas 1:50

Li c'uxubinel yu'une te chcom o ta stojol li boch'otic chich'ic ta muc' Dios ti jayc'ol cristianoetic chjelovic li' ta banamile.

Efesios 3:20

Li Dios li' ch-abtej ta jtojoltic ti toj ech'em svu'el, ti ech'em to jech tspas jech chac c'u cha'al ta jnoptic, o ta jc'anbetique,

Apocalipsis 15:4

Cajval, mu'yuc boch'o ti mu xi' ta atojole; mu'yuc boch'o ti mu xal alequilale. Yu'un vo'ot no'ox atuc Ch'ul Diosot. Scotol cristianoetic ta jujun banamil chtal squejan sbaic ta atojol, yu'un ivinaj xa ti ta melel tuc' chachapanvane”, xiic.

Apocalipsis 4:8

Li chanib c'usi cuxajtique oy vaquib xic' jujunic. Jech noxtoc oy satic ta spat xiq'uic xchi'uc ta yolon xiq'uic. Ta c'ac'al ta ac'ubal scotol ora jech chalic: “Ch'ul Dios, Ch'ul Dios, ja' Ch'ul Dios stuc li Cajvaltic ti ech'em svu'ele. Ja' li Boch'o te ono'ox oye, xchi'uc ti te oy o li' ta orae, xchi'uc ti te oy o sbatel osile”, xiic.

1 Samuel 2:2

Mu'yuc yan ch'ul Muc'ul Dios jech chac c'u cha'al vo'ot. Dios cu'un, mu'yuc yan jpojubbail jech chac c'u cha'al vo'ot. Mu'yuc boch'o yan jech chac c'u cha'al vo'ot.