San Lucas 1:32 - Bible in Tzotzil de Chenalhó with Deuterocanon

³² Ta to x'ich'at ta muc'. Ja' Xnich'on Dios ta vinajel, xi sbi chc'ot. Li Diose ta xac' ochuc ta ajvalilal jech chac c'u cha'al li smoltot David ta vo'onee.

Tzotzil Zinacantan

³² Jaꞌ Xchꞌamal Riox ta vinajel. Jaꞌ chtal tunuc yuꞌun Riox liꞌ ta sba balamile. Jaꞌ ch-och ta pasmantal. Jaꞌ chaspasic ta mantal chac cꞌu chaꞌal ispas ta mantal achiꞌiltac ti amucꞌtatot David ti ta voꞌnee.

Bible in Tzotzil de Chamula

³² Tsots cajal sc'oplal ta xc'ot, ti ta x'albat sc'oplal ti ja' Xnich'on ti cuxul Dios oy ta vinajele. Ta x'ac'bat yabtel ta ajvalilal yu'un ti Ajvalil Diose jech c'u cha'al ech' ti amolmuc'totic David ta vo'nee.

LEQUIL ACH' C'OP

³² Ich'bil ta muc' chc'ot, ja' Xch'amal Riox ta vinajel xi sc'oplal, li Riox ti ja' Cajvaltique, ta xac' ochuc ta Reyal, ja' chac c'u cha'al ti amuc'tatotic Davide,

Tzotzil San Andres

³² Ta xꞌichꞌe ta mucꞌ yuꞌun jaꞌ Snichꞌon Dios ta vinajel. Ta xꞌaqꞌue yuꞌun Dios ti ch‐och ta ajvalilale. Jaꞌ chlic spasoxuc ta mantal jech chac cꞌu chaꞌal la spas ta mantal achiꞌiltac ta voꞌone la amoltotic Davide.

Tzotzil de Huixtán

³² Tspasat ti muc' ti avole. Snich'on Dios ti cajal, xchiic ti crixchanoetique. Ti Cajvaltic Diose ja' chac' ochuc ti ajvalil. Ja' tstsacbe comel yabtel ti antiguo statamole, ja' ti Davide.

San Lucas 1:32 Iomraidhean Croise

2 Samuel 7:16

Li amomnich'nabtaque xchi'uc ti bu c'alal aventainoje j'ech'el jech chcom o. Xchi'uc li avabtel ta ajvalilale te chcom o ta atojolic’, xi li Diose, uto li Davide”, x'utat yu'un Muc'ul Dios li Natane.

Salmos 132:11

Li Muc'ul Diose oy c'usi jamal laj yalbe li Davide; le'e mu xlaj sc'oplal o, jech laj yalbe: “Ja' ta xcac' chotiuc o ta achotleb sventa ajvalilal li amomnich'nabe.

Salmos 132:12

Me chch'unbicun c'usi jchapanoj li anich'nabe, me ja' tspasic o batel li chanubtasel cu'une, j'ech'el ta xcac' chotiicuc o ta achotleb noxtoc li smomnich'nabique”, xut.

Isaías 16:5

ja'o chlic ochuc ta pasmantal jun smomnich'on li Davide; ja' tuq'uil jchapanvanej; ja' no'ox oy ta yo'nton tspas o c'usi melel, c'usi tuc'.

Jeremías 17:25

oy ajvaliletic o avu'unic ti chchotiic ta xchotleb li Davide. Cajajtic ta careta xchi'uc ta ca' li' xloc' x'ochic o ta sti' li coraltonetic yu'un Jerusalene; chi'inbilic yu'un banquilaletic xchi'uc jnaclumetic li' ta Judá xchi'uc ta Jerusalén. Jech oy yajval o li Jerusalene.

Jeremías 22:2

Jech xavalbe: ‘Vo'ot ajvalil ta Judá, ti li' chotolot ta spasubmantal li Davide, xchi'uc li j'abteletic avu'une, xchi'uc scotol cristianoetic ti ch-ochic tal li' ta ti'coraltone, a'yo ava'yic c'usi chal li Muc'ul Diose.

Daniel 2:44

C'alal ja'o ochemic ta ajvalilal li ajvaliletic le'e, li Dios te oy ta vinajele ta sliques jun ajvalil; mu'yuc boch'o xu' chtuch'bat yabtel, mu junuc lum chtal tsalatuc yu'un. Ja' ta stsal, ja' ta slajesbe sc'oplal scotol li yantic ajvaliletique; yan li stuque j'ech'el te chcom o sbatel osil.

San Mateo 1:1

Li'i ja' svunal sbiic smoltotac ta vo'one li Jesucristoe, ja' li smomnich'on David, smomnich'on Abrahame.

San Mateo 12:42

Jech noxtoc li ajvalil ants ta Sure, ja' chc'ot ta jchapanvanej yu'un noxtoc li cristianoetic li'i ti c'alal tsta yorail chapanele. Yu'un li stuque nom ilic tal ti c'alal ital ya'ibe c'u x'elan sbijil li Salomone. Pero li boch'o li' oy ta atojolique, ja' ech'em sbijil jech chac c'u cha'al li Salomone.

San Mateo 28:18

Inoch'aj tal li Jesuse jech laj yalbe: —Li'ac'bat xa scotol jvu'el ta sventainel li vinajel xchi'uc banamile.

San Mateo 3:11

Li vu'une ja' no'ox chacac'boxuc avich'ic vo' ta sventa ti sutem avo'ntonique. Yan li boch'o ts'acal ta xtal cu'une, ja' ech'em svu'el. Li vu'une mu'yuc c'usi xu' cu'un; ac'o me yich'bel batel xonob, mu xu' cu'un. Li stuque ja' chayac'boxuc avich'ic Ch'ul Espíritu xchi'uc c'oc'.

Marcos 14:61

Me jbeluc muc xc'opoj li Jesuse. Li mero banquilal palee jech la sjac'be noxtoc li Jesuse: —¿Me vo'ot li Cristoote? ¿Me vo'ot Xnich'onot li Ch'ul Diose? —xut.

Marcos 5:7

Tsots i'avan, jech laj yal: —Jesús, Xnich'on Dios ta vinajel, ¿c'usi tal aq'uelbun? Chacalbot ta stojol Dios ti mu me xavac'bun jvocole —xut.

San Lucas 1:15

Yu'un toj muc' sc'oplal chc'ot ta stojol li Diose. Mu xuch' ya'lel ts'usub, xchi'uc mu xuch' pox. Ventainbil yo'nton yu'un Ch'ul Espíritu ti c'alal te to tiq'uil ta xch'ut sme'e.

San Lucas 1:35

Itac'ov li j'almantale: —Ja' ta xtal ta atojol li Ch'ul Espiritue. Ta sventa stsatsal Dios ta vinajel ta xlic achi'in li avole. Li olol ta xvoc' avu'une ja' Xch'ulnich'on Dios ta xc'ot sbi.

San Lucas 1:76

Li vo'ote, cunin querem, vo'ot yaj'alc'opot Dios ta vinajel chac'ot, yu'un ba'yuc latal yu'un li Cajvaltique, tal achapanbe li sbee.

San Lucas 3:16

Li Juane jech laj yalbe scotol li cristianoetique: “Li vu'une ja' no'ox chacac'boxuc avich'ic vo', pero ta to xtal jun boch'o ech'em xu' yu'un jech chac c'u cha'al vu'un. Li vu'une me stitunbeluc yaq'uil xonob mu xu' cu'un. Li stuque ja' chayac'boxuc avich'ic Ch'ul Espíritu xchi'uc c'oc'.

San Lucas 6:35

Li vo'oxuque tsc'an chac'anic li avajcontraique. Pasic c'usi lec. Ac'o ta q'uexel c'usi oy avu'unic, ac'o me mu'yuc c'usi chataic, jech cha'ac'bat ep amotonic ta vinajel. Jech chvinaj ti vo'oxuc xnich'naboxuc Diose. Yu'un li Diose ja' jech slequil yo'nton ta stojol li boch'otic mu sna' stojic ta vocole, ti chopol yo'ntonique.

San Juan 12:34

Itac'ov li cristianoetique: —Li vu'uncutique ca'yojcutic ta smantal Dios ti cuxul o sbatel osil li Cristoe. ¿C'u yu'un chaval: ‘Persa chquich' joc'anel ta cruz vu'un ti Xnich'on cristiano lic'ote’, xachi? ¿Boch'oot cha'e? —xutic.

San Juan 6:69

Li vu'uncutique laj xa jch'unotcutic, laj xa jna'cutic ti vo'ot Cristoote, ti vo'ot T'ujbilot yu'un Diose —xi.

Hechos 16:17

Te la xchi'inuncutic batel jchi'uc li Pabloe; tsots i'avan, jech laj yal: —Li viniquetic li'i ja' yajtuneltac Muc'ul Dios ta vinajel. Ja' ta xalboxuc ava'yic c'u x'elan xu' chacolic —xi li tsebe.

Hechos 2:30

Yu'un li Davide ja' j'alc'op yu'un Dios. Sna'oj ti albil ono'ox ta jamal yu'un Dios ti jun smomnich'on ta xlic chotluc ta xchotleb sventa ajvalilale.

Hechos 2:36

“Ja' yu'un acotolic ta sjunul slumal Israel, tsc'an chana'ic ta melel: li Jesús ti laj amilic ta cruze Dios laj yac' c'otuc ta Cajvaltic xchi'uc ta Jcoltavanej”, xi li Pedroe.

Hechos 7:48

ac'o me mu xnaqui ta ch'ulnaetic ti pasbil ta sc'ob cristianoetic, jech chac c'u cha'al laj yal c'alal la xch'amanbe ye li j'alc'op ta vo'one:

Romanos 1:4

Pero ivinaj ti ta melel ja' Xnich'on Diose, yu'un oy svu'el, yich'ojbe stalel Dios, xchi'uc icha'cuxi loq'uel ta smuquinal.

Apocalipsis 3:7

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Filadelfiae: ‘Jech chal li Boch'o mu'yuc smule, ti melel scotol c'usi chale, ja' li Boch'o yich'oj ta sc'ob li sllavi Davide. Ja' li Boch'o ta sjam ti mu'yuc boch'o xu' yu'un tsmaque, ja' li Boch'o ta smac ti mu'yuc boch'o xu' yu'un tsjame.