San Lucas 1:3 - Bible in Tzotzil de Chenalhó with Deuterocanon

³ Jech ec li vu'une oy ta co'nton ta xcalbot ava'ay, yu'un laj xa jac' lec scotol c'u x'elan ilic tal ta sliqueb, jech xquechet ta jts'ibabot tal scotol,

Bible in Tzotzil de Chamula

³ Ti vu'un eque, naca sta xcholet laj jac' talel scotol sc'oplal ti c'u s'elan lic talel ta sliquebe. Jech un, Teófilo ti lec xquil jbatique, xcholet ta jts'ibabot talel ti c'u s'elan c'ot ta jtojoltique

LEQUIL ACH' C'OP

³ Ja' no'ox yech li vo'on uque jtotic Teófilo, vo'ot ti lec ich'bilot ta muq'ue, yu'un ijac'be xa lec sc'oplal c'alal to ta sliqueb, yech'o un toj tsots sc'oplal ica'i ti lec xcholet smelol chajts'ibabe tale,

San Lucas 1:3 Iomraidhean Croise

Salmos 40:5

Muc'ul Dios, Dios cu'un, toj ep xa li c'usitic labalic sba laj apase; li' oy o avo'nton ta jtojolcutic. Mu'yuc boch'o yan co'ol jech chac c'u cha'al vo'ot. Chac cal ca'ay, chac jpuc ca'ay li c'usi lec apasoje, pero mu xu' cu'un yalel scotol, yu'un toj ven ep ta jyalel.

Salmos 50:21

C'alal jech laj apase, te no'ox ch'an xichi; laj anop ti ja' jech co'nton ec jech chac c'u cha'al avo'ntone. Pero tana ta asat chacalbot ava'ay lec li amule; chacac'bot avil c'u yepal.

Proverbios 22:21

yu'un jech chlic ana' c'usi tuc', xchi'uc c'usi melel, xchi'uc jech lec xana' c'usi lec chatac' me oy c'usi chajac'bate.

Eclesiastés 12:9

C'alal yantic no'ox ibijub batel li jcholc'ope, ep bijubtasel laj yalbe li xchi'iltaque. Solel la suj sba ta xchanel, laj yac' persa snopel scotol, jech la xchapan ep lequil bic'tal chanubtaseletic.

San Lucas 1:1

Teófilo, vo'ot ti lec ich'bilot ta muq'ue, oy xa ep boch'otic la sts'ibaic ta vun scotol li c'usitic ic'ot ta pasel ta jtojolcutique.

Hechos 1:1

Teófilo, li vun ba'yuc la jts'ibabot tale ja' laj calbot scotol c'usitic lic spas ta sliquebal li Jesuse xchi'uc ti c'u x'elan ichanubtasvane.

Hechos 11:4

Li Pedroe xquechet lic yalbe ya'yic ta sliqueb li c'usi ic'ot ta pasele. Jech laj yal:

Hechos 15:19

“Ja' yu'un li vu'une chcal ti ja' lec mu me xcac'betic svocol li yanlum cristianoetic ti laj xa sutes yo'ntonic ta stojol Diose.

Hechos 15:25

Ja' yu'un li' la jnopcutic ti ta jtacutic tal ta atojolic chib jchi'iltactique. Ja' ta xchi'inic tal li Bernabé xchi'uc Pablo ti lec jc'anojcutique,

Hechos 15:28

Yu'un jech la sc'an Ch'ul Espíritu xchi'uc vu'uncutic ti mu'yuc ta xcac'cutic ol avicatsique. Ja' no'ox chacalbotcutic tal jech chac li'i:

Hechos 18:23

Te ijoc'tsaj jayibuc c'ac'al. Ts'acal to iloc' batel, xquechet bat sq'uel scotol li jch'unolajeletic ta jujun lum ta Galacia banamil xchi'uc ta Frigia banamile. La stsatsubtasbe lec comel yo'ntonic ta stojol Dios.

Hechos 23:26

“Muc'ul ajvalil Felics, ta jc'opanot tal ta carta. Chabanucot chacalbot tal, vu'un Claudio Lisiasun.

Hechos 26:25

Li Pabloe jech laj yal: —Mu'yuc liquem jchuvaj, Ajvalil Festo. Ja' ta xcal li c'usi melele xchi'uc li c'usi oy lec stue.

1 Corintios 16:12

Li quermanotic Apolose la jc'anbe vocol ti ac'o tal sq'ueloxuc xchi'uc jayibuc jch'unolajeletique. Pero muc to jechuc la snop ti chtal ta orae. Ja' to chtal ti c'alal xu' yu'un cha'ye.

1 Corintios 7:40

Pero vu'une chcal ti ja' toj xcuxet yo'nton me mu xa xnupin oe. Jech chcal yu'un oy ta co'nton ec li Ch'ul Espíritu yu'un Diose.

1 Timoteo 4:6

Me jech chachanubtas li jch'unolajeletique, lequil yajtunelot Cristo Jesús chac'ot. Ja' ave'elinoj lec li sc'op Diose xchi'uc li lequil chanubtasel ach'unoj ta sjunul avo'ntone.