San Lucas 1:28 - Bible in Tzotzil de Chenalhó with Deuterocanon

²⁸ Li j'almantale i'och batel yo' bu oy li tsebe, jech laj yalbe: —Vo'ot t'ujbilot yu'un Dios; li' xchi'inojot —x'utat.

Tzotzil Zinacantan

²⁸ ―Voꞌot lastꞌuj li Rioxe. Liꞌ xchiꞌinojote. Muc muchꞌu yan tseb ta xtꞌuje chac cꞌu chaꞌal li voꞌote ―xꞌutat la yuꞌun anjel ti Maríae.

Bible in Tzotzil de Chamula

²⁸ Ti anjele och batel ti bu oye, xi c'ot yalbee: —¿Mi li'ote, ti c'uxubinbilot yu'un ti Diose, ti chi'inbilot yu'un ti Cajvaltique? Mu'yuc yan ants sva'anoj sba Dios ta stojol jech c'u cha'al ti vo'ote.

LEQUIL ACH' C'OP

²⁸ Ti angele i'och ech'el yo' bu ti Mariae, ja' yech iyalbe chac li'i: —¡Mi li'ote, junuc me avo'on yu'un ata c'uxubinel! Ti Cajvaltique li' xchi'inojote —x'utat.

Tzotzil San Andres

²⁸ Li chꞌul ángele te icꞌot li yoꞌ bu oy li tseube, jech laj yalbe: ―Joꞌot tꞌujbilot yuꞌun Dios. Liꞌ achiꞌuque. Muc buchꞌu yan tseub jech ta xꞌacꞌbat slequilal yutsilal Dios jech chac cꞌu chaꞌal li joꞌote ―xꞌutat.

Tzotzil de Huixtán

²⁸ Ti ch'ul abate hech c'ot yalbe ti Maríae: ―Ho'ot t'ujbilot yu'un ti Diose. Li' achi'uc ti Cajvaltic Diose. Mu'yuc bu hech yan ants ch-ac'bat bendición hech chaj c'u che'el ho'ot ―x'utat ti Maríae yu'un ti Gabriele.

San Lucas 1:28 Iomraidhean Croise

Isaías 43:5

Mu xaxi', vu'un chajchi'inot; chbat quic' tal c'alal to ta sloq'ueb c'ac'al, c'alal to ta smaleb c'ac'al li achi'iltaque yu'un ac'o tal stsob sbaic.

Daniel 10:19

Jech laj yalbun: ‘Vo'ot ti lec c'anbilote mu xaxi', junuc avo'nton, ich'o lec atsatsal, cuxo lec avo'nton’, xiyutun. “C'alal jech laj yalbune, te lic ayinuc jtsatsal, jech laj calbe: ‘Cajval, c'opanun, yu'un laj xa avac'bun jtsatsal’, xcut.

Oseas 14:2

Sutanic tal ta stojol li Muc'ul Diose; c'anbeic vocol ta stojol, jech xavalic: “Pasbuncutic perdón scotol li jmulcutique; tsacbuncutic li c'usi lec chacac'botcutique. Li xq'uexol amoton chcac'cutique ja'uc li c'usi chloc' ta quecutique.

San Mateo 12:48

Itac'ov li Jesuse: —¿Me xana'ic boch'o ta melel li jme' xchi'uc li jchi'iltaque? —xi.

San Lucas 1:27

Te ic'ot ta stojol jun tojol tseb María sbi. Mu'yuc to yiloj vinic li tsebe. Ja' to no'ox macbil yu'un jun vinic José sbi. Ja' smoltot ta vo'one li Davide.

San Lucas 1:29

Li Mariae lic lo'ilajuc yo'nton yu'un li c'usi i'albat yu'un j'almantale. Te lic snop ta yo'nton c'usi smelol ti jech i'albate.

San Lucas 1:30

Jech laj yal noxtoc li j'almantale: —Mu xaxi', María, ataoj xa c'uxubinel yu'un li Diose.

San Lucas 1:42

Jech tsots lic c'opojuc: —Vo'ot no'ox toj lec ac'oplal ta scotol li antsetique, xchi'uc toj lec sc'oplal ec li olol achi'uque.

Hechos 18:10

Vu'un ta jchi'inot. Me junuc mu'yuc boch'o xu' chac' sc'ob ta atojol sventa oy c'usi chaspasbicot, yu'un oy ep cu'untac li' ta lume”, x'utat.

Efesios 1:6

Yu'un jech ac'o calbetic slequilal, ac'o quich'tic ta muc' ta sventa ti ep slequil yo'ntone, ta sventa ti la xc'uxubinutique, ti lec xa chijyilutic ta sventa li Xnich'on ti lec sc'anoje.

Jueces 5:24

“Ac'o lecuc sc'oplal ta scotol antsetic li Jaele, ja' li yajnil Heber Ceneo vinique. Ac'o lecuc sc'oplal yu'un li antsetic te ta carpanaetique.

Jueces 6:12

Te laj yac' sba ta ilel ta stojol li j'almantal yu'un Muc'ul Diose, jech laj yalbe: —Li' xchi'inojot li Muc'ul Diose, vo'ot ti lec xu' avu'une, ti oy lec stsatsal avo'ntone —xut.

Rut 2:4

Li Booze ibat ta Belén; te c'ot sc'opan li svinictaque, jech laj yalbe: —Ac'o xchi'inoxuc li Muc'ul Diose —xut. —Jech ac'o yac'bot ep bendición ec li Muc'ul Diose —xi itac'ovic.