San Lucas 1:17 - Bible in Tzotzil de Chenalhó with Deuterocanon

¹⁷ Li Juane ja' ba'yuc ta xtal yu'un li Cajvaltique. Ja' co'ol stsatsal svu'elic xchi'uc li j'alc'op Eliase. Ja' chtal yac' co'lajuc yo'ntonic xchi'uc yalab xnich'nab li totil me'iletique, xchi'uc ja' ta sventa ta xchanic xch'unel mantal li jbajmantaletique. Jech lec chapal li steclumal Cajvaltic c'alal chtale —xi li j'almantale.

Tzotzil Zinacantan

¹⁷ Jaꞌ baꞌyi chtal ti Juane, jaꞌ tsꞌacal to chtal li Cajvaltique. Ti Juane coꞌol spꞌijil, coꞌol syuꞌel xchiꞌuc ti jꞌalcꞌop Elias ti ta voꞌnee. Jaꞌ chtal yalbe lachiꞌiltaque ti acꞌu yictaic spasel li cꞌusitic chopole yoꞌ scꞌuxubinic o li xchꞌamalic ta jupꞌej nae, yoꞌ xichꞌic o ta mucꞌ li Rioxe, yoꞌ xichꞌic o ta mucꞌ ti cꞌalal xul li Cajvaltique ―xꞌutat la yuꞌun ti anjele.

Bible in Tzotzil de Chamula

¹⁷ Ti Juan taje, ja' jba'be yu'un ti Cajvaltique, co'ol ac'bil snopbenal smuc'ul stsatsal jech c'u cha'al ech' ti j'alc'op Eliase. Ta sco'oltasbe yo'nton ti totiletic xchi'uc ti xnich'nabique yo' jech ti jtoyobbaetique ta xc'ot ta jch'unej mantal yu'un. Jech xtoc un, yo' ta xchapanbe lec sjol yo'nton ti jteclum ta yich'el ta muc' ti Ajvalile.

LEQUIL ACH' C'OP

¹⁷ Ti Juane ja' ba'yi chtal, ja' ts'acal to chtal ti Cajvaltique, co'ol sp'ijil, co'ol syu'el xchi'uc ti j'alc'op Eliase, Ja' chtal yac' co'olajuc sjol li totil me'ile xchi'uc li yol xch'amalique, xchi'uc ja' ta scuenta yo' ac'u xchanic xch'unel mantal li. Ti x'elan tspase ja' yo' xich'ic o ta muc' ti Cajvaltic c'alal xtale ―x'utat yu'un ti angele.

Tzotzil San Andres

¹⁷ Li Juane jaꞌ baꞌi ta xtal, jaꞌ tsꞌacal ta xtal la Avajcoltavanejique. Li Juane coꞌol sjol yoꞌonic jech chac cꞌu chaꞌal li Elías ta voꞌonee yuꞌun ta smelol noꞌox chal batel li cꞌusi tscꞌan li Diose. Baꞌi chtal yalbe achiꞌiltac ti acꞌo yictaic li cꞌustic chopol tspasique yoꞌ jech jmoj yoꞌonic schiꞌuc snichꞌnabic ta jupꞌej snaique. Ta stuqꞌuibtasbe yoꞌonic li buchꞌutic mu schꞌunic mantale yoꞌ acꞌo yichꞌic ta mucꞌ li Cajvaltic li cꞌalal mi itale ―xi li chꞌul ángele.

Tzotzil de Huixtán

¹⁷ Ti Juane ja' chbaej yu'un ti Cajvaltique yu'un hech chchapambe yo'ntonic ti achi'iltaque. Co'ol yo'nton, co'ol sp'ijil ti Juane xchi'uc ti Elíase. Tsutesbe yo'ntonic yu'un hech co'ol chch'unic hech chaj c'u che'el laj xch'unic ti atatamolique. Tsutesbe yo'ntonic ti much'utic jp'ajmantaletic yu'un hech toj yo'ntonic chc'otic ―xchi ti ch'ul abate.

San Lucas 1:17 Iomraidhean Croise

1 Reyes 17:1

Li j'alc'op Elías liquem ta Tisbe ta yosilal Galaade, jech laj yalbe li Acabe: “Chcal ta jamal ta stojol Muc'ul Dios, ja' li Dios yu'un Israel ti chitun yu'une, mu'yuc ta xac' vo', xchi'uc mu'yuc ta xyal job osil li jabil li'i, ja' to me laj cal ti chtale”, xut.

1 Reyes 18:18

Itac'ov li Eliase: —Muc vu'cun ta xcac'be svocolic. Ja' vo'ot xchi'uc li achi'iltaque. Ja' ta scoj ti laj acomtsanbeic smantaltac li Muc'ul Diose yu'un ja' bat avich'ic ta muc' li Baaletique.

1 Reyes 21:20

C'alal laj yil Acab te ic'ot li Eliase, jech laj yalbe: —¿Me tal ataun, cajcontra? —xut. Itac'ov li Eliase: —Ta sventa ti tal jtaot ta c'opanele, yu'un solel avac'oj aba o ta spasel c'usi chopol ta stojol li Muc'ul Diose.

2 Reyes 1:16

jech c'ot yalbe: —Jech chayalbot li Muc'ul Diose: ‘¿Me yu'un mu'yuc Dios li' ta Israel ti ja' te laj atac batel j'almantaletic avu'un ta stojol Baal-zebub, ja' li dios ta Ecrone? Ta sventa ti jech laj apase, mu'yuc xa chacol, te chacham o’, xayutot li Muc'ul Diose —xut.

1 Crónicas 29:18

Muc'ul Dios, vo'ot Diosot yu'un li Abraham, Isaac, xchi'uc Israele, ja' li jmoltotcutic ta vo'onee, ac'bo o jech slequil yo'ntonic li ateclumal li'i. Ja' no'ox ac'o yac' yo'ntonic o ta atojol.

2 Crónicas 29:36

Li Ezequías xchi'uc scotol israeletique toj xcuxet no'ox yo'ntonic, yu'un toj lec c'usi la spas Dios ta stojol li israeletique, yu'un ta anil no'ox icha'meltsaj yu'unic scotol.

Salmos 10:17

Muc'ul Dios, ja' chava'ibe sc'op li boch'otic biq'uit yac'oj sbaique, chacolta, chapatbe yo'ntonic.

Salmos 111:10

Li sliqueb c'u x'elan xu' chijbijube ja' ti chquich'tic ta muc' li Muc'ul Diose; li boch'otic ja' tspasilanic o c'usi chal li smantaltac Muc'ul Diose yu'un lec bijic, lec sna'ic snopel. Ich'biluc o ta muc' sbatel osil li Diose.

Salmos 78:8

Jech mu xchanic jech chac c'u cha'al li smoltot syame'ic ta vo'one, ti jtoybaetic, ti jbajmantaletique, ti muc scotoluc yo'ntonic laj yac' sbaic ta stojol li Diose, ti muc junuc yo'ntonic ta stojole.

Isaías 29:24

Li boch'o xch'ayet no'ox yo'nton cha'yique, chlic bijubicuc lec; li boch'o xbic'talvulajetic ta jtojole chlic sc'anic lec chanubtasel cu'un”, xi li Diose.

Amós 4:12

“Ja' yu'un Israel, ja' jech ta jpasbot o, yu'un jech jnopoj o. Chapano me aba sventa chtal ava'an aba li' ta jtojole”, xi li Diose.

San Mateo 11:14

Li boch'otic ta xch'unic jeche, chlic sna'ic ti ja' xq'uexol Elías li Juan ti sc'oplal ono'ox chtale.

San Mateo 14:4

Yu'un jech i'albat yu'un li Juane: “Mu jechuc chal ta mantal ti laj avic'be yajnil li avits'ine”,, x'utat.

San Mateo 3:3

Ja' sc'oplal ti jech ono'ox ts'ibabil yu'un j'alc'op Isaías ta vo'onee: “Oy boch'o tsots ta x'avan ta xocol banamil: ‘Chapanbeic sbe li Cajvaltique. Tuq'uibtasbeic sbe li Dios cu'untique’, xi chlic yal”, xi ono'ox li Isaiase.

San Mateo 3:4

Li sc'u' Juane ja' jalbil tsotsil camello. Xchucoj xch'ut ta nucul. Li sve'ele ja' c'ulub xchi'uc spom muc'ta pom.

San Lucas 1:16

Ja' ta sventa ta xlic sutes yo'ntonic ta stojol Dios ep achi'iltac li' ta Israel.

San Lucas 1:76

Li vo'ote, cunin querem, vo'ot yaj'alc'opot Dios ta vinajel chac'ot, yu'un ba'yuc latal yu'un li Cajvaltique, tal achapanbe li sbee.

San Juan 1:13

Pero mu ja'uc jech chac c'u cha'al xnich'nab cristiano ti ja' no'ox ta sventa sbec'talique, ti ja' no'ox ta sventa yu'un jech tsc'an yo'ntonique. Ja' ta sventa stuc Dios ti chijcha'voq'ue.

San Juan 1:34

Li vu'une laj xa cotquin. Laj xa calboxuc ava'yic sc'oplal ti ja' Xnich'on Diose”, xi li Juane.

San Juan 3:28

Vo'oxuc testigooxuc cu'un ti jech ono'ox laj cale: ‘Muc vu'cun li Cristoune. Li vu'une ja' no'ox tacbilun jelovel tal yu'un li Cristoe’, xacutoxuc ono'ox.

Hechos 10:33

Ja' yu'un ta ora la jtacot ta iq'uel. Lec ti latale. Li' xa tsoboluncutic jcotolcutic ta stojol Dios sventa ta xca'icutic c'usi yalojbot tal li Diose —xi li Cornelioe.

Romanos 9:23

yu'un jech chac' to ta ilel ti toj ep slequil yutsil yo'nton ta stojol li boch'otic chapal sc'oplal chc'uxubinatic, ti chapal ono'ox sc'oplalic yu'un Dios chilic lequilale.

Colosenses 1:12

Jech xcuxet no'ox avo'nton chatojbeic ta vocol Jtotic Dios ti laj yac' avu'uninic ec li c'usi sc'oplal chich'ic li yu'untac Dios ti oyic xa ta sac osile.

2 Timoteo 2:21

Li boch'o tsc'an mu scap sba xchi'uc li boch'otic jech tspasique, ja' jech chc'ot jech chac c'u cha'al li c'usi tsots sc'oplal ti ven jtunele, lecubtasbil xa, lec chtun ta stojol li yajvale, lec chapal ta sventa scotol c'usiuc no'ox lequil abtelal.

1 Pedro 2:9

Pero li vo'oxuque sts'unubaloxuc xa li boch'o t'ujbil yu'un Diose, bats'i pale xa c'otemoxuc ta stojol Dios, ch'ul muc'ta lum xa c'otemoxuc, yu'uninojoxuc xa li Diose. Yu'un jech ac'o apucbeic batel li c'usitic toj lec la spas Diose, ti laj yic'oxuc loq'uel ta ic'al osile, ti laj yac'oxuc ta sac osil ti toj jun yutsile.

1 Juan 2:28

Jnich'nabtac, li' ta orae j'ech'el me te oyanic o ta stojol li Cristoe, yu'un jech jun co'ntontic, jech mu xijq'uexov ta stojol ti c'alal chvul ta loq'uele.

Apocalipsis 20:4

Ts'acal laj quil te oy ep chotlebaletic. Ja' te ichotiic li boch'o i'ac'bat yabtelic sventa chchapanvanique. Te laj quilbe xch'ulelic noxtoc li boch'o imilatic ta sventa ti jamal laj yalbeic sc'oplal li Jesuse, xchi'uc ta sventa ti jamal laj yalic li sc'op Diose. Ja' ti muc ono'ox xich'ic ta muc' li ba'yuc jti'vanej bolome xchi'uc li sloc'obale, xchi'uc ti muc xich'beic smarcail ta sti'baic, o me ta sc'obique. Laj quil icha'cuxi scotolic; jmil jabil co'ol la spasic mantal xchi'uc li Cristoe.

1 Samuel 7:5

Li Samuele jech lic yal: “Tsobo abaic acotolic te ta Mizpa. Vu'un ta jc'anbe vocol Muc'ul Dios ta atojolic”, xut.