San Lucas 1:13 - Bible in Tzotzil de Chenalhó with Deuterocanon

¹³ Jech i'albat yu'un li j'almantale: —Mu me xaxi' Zacarías. Laj xa ya'ay c'usi laj ac'anbe li Diose. Li avajnil Isabele ta x'alaj. Querem ta svoq'ues. Juan chavac'be sbi.

Tzotzil Zinacantan

¹³ ―Zacarías, mu xaxiꞌ. Iyichꞌ xa ta mucꞌ ti cꞌusi avalbe li Rioxe. Ta xꞌayan yol lavajnile. Crem ta xꞌayan. Juan xavacꞌbe sbiin.

Bible in Tzotzil de Chamula

¹³ Ti anjele xi laj yale: —Zacarías, mu xaxi', ti Diose laj xa ya'i ti ac'opojel ati'inele. Ti avajnil Isabele ta xlic xchi'in yol. Juan, ta xavac'be sbiin.

LEQUIL ACH' C'OP

¹³ Li angele ja' yech iyal chac li'i: —Zacarías, mu xaxi', iya'i xa ti c'usi avalbe li Rioxe, lavajnile ta xayantas jun acrem, Juan chavac'be sbiin.

Tzotzil San Andres

¹³ Jech iꞌalbat yuꞌun li chꞌul ángele: ―Mu me xaxiꞌ, Zacarías. Laj xa yaꞌibot acꞌop li Diose. Ta xil yol li Elisabete, jaꞌ la avajnile. Querem ta xil. Juan chavacꞌbe sbi.

Tzotzil de Huixtán

¹³ Hech i'albat yu'un ti ch'ul abate: ―Mu me xaxi', Zacarías. Laj xa stsacbot ac'op ti Diose. Ch-alaj ti Elisabete, ja' ti avajnile. Querem chac'. Juan chavac'be sbi.

San Lucas 1:13 Iomraidhean Croise

Génesis 17:10

Li'i ja' li c'usi ta jchapan ta atojolic ti tsc'an ac'o xch'unic scotol ec li amomnich'nabtaque. Scotol ti jayib vinicoxuque tsots sc'oplal tsc'an chavich'ic circuncisión acotolic.

Génesis 17:19

Li Diose jech la stac': —Li c'usi laj xa calbote ja' ti ta svoq'ues jun aquerem li avajnil Sarae. Ja' Isaac chavac'be sbi. Ja' ta sventa chcac' c'otuc ta pasel c'usi la jchapan ta atojol ti j'ech'el te chcom o ta stojol li smomnich'nabtaque.

Génesis 18:14

¿Me yu'un oy c'usi mu xu' yu'un tspas li Diose? Le' ta jun jabile ta xtal jvu'lanot yan velta, li Sarae oy xa'ox yol —xi.

Génesis 25:21

Li Rebecae mu sna' x'alaj, ja' yu'un li Isaaque lic sc'opan Muc'ul Dios ta sventa li yajnile. I'aybat sc'op yu'un li Muc'ul Diose, jech te lic xchi'in yol li Rebecae.

Salmos 113:9

Ja' chac' alajuc li boch'o mu ono'ox sna' x'alaje, jech xcuxet no'ox yo'nton chnaqui ta sna stuc, yu'un me'il xa c'otem. Ich'biluc ta muc' li Muc'ul Diose.

Salmos 118:21

Chajtojbot ta vocol yu'un laj ava'ibun li jc'ope, yu'un vo'ot laj acoltaun.

Isaías 8:3

Ts'acal c'alal la jchi'in li j'alc'op ants, ja' li cajnile, lic xchi'in yol, ivoc' jun querem. Li Muc'ul Diose jech laj yalbun: “Maher-salal-hasbaz xavac'be sbi.

Daniel 10:12

Jech laj yalbun: ‘Daniel, mu xaxi', yu'un ta sba no'ox c'ac'al c'alal solel jech avo'nton chac'an chava'ibe smelol li c'usi laj avile, xchi'uc c'alal lic abic'tajes aba ta stojol li Dios avu'une, laj ya'ibot li ac'ope. Ja' yu'un ja' ta sventa ac'op ti litale.

Oseas 1:4

Li Muc'ul Diose jech laj yalbe li Osease: “Jezreel xavac'be sbi li avunin quereme, yu'un jutuc xa sc'an xcac'be stoj smulic li smomnich'nabtac ajvalil Jehú ta scoj ti la smal ch'ich' te ta Jezreele. Jech chcac' lajuc o sc'oplal ti tspas mantal stuc li Israele.

Oseas 1:6

Li antse la xchi'in yol yan velta; tseb ivoc' yu'un. Li Muc'ul Diose jech laj yalbe li Osease: “Lo-ruhama xavac'be sbi li avunin tsebe, yu'un mu'yuc xa ta jc'uxubin o li smomnich'nab Israele; mu'yuc xa ta jts'icbe li smulique.

San Mateo 1:21

Jun querem ta svoq'ues; Jesús, chavac'be sbi, yu'un ja' ta scolta yu'un smulic li jteclum yu'une”, xi.

San Mateo 14:27

Ta ora ic'opoj li Jesuse, jech laj yalbe: —Mu me xaxi'ic, vu'un Jesusun. Tsatsubtaso avo'ntonic —xut.

San Mateo 28:5

Li j'almantale jech laj yalbe li antsetique: —Li vo'oxuque mu xaxi'ic. Ta jna' ti ja' chasa'ic li Jesús ti imilat ta cruze.

Marcos 16:6

Jech i'albatic yu'un li quereme: —Mu xaxi'ic. Ta jna' ti ja' chasa'ic li Jesús liquem tal ta Nazarete, ti ijoc'anat ta cruze. Pero icha'cuxi xa. Mu'yuc xa li'i. Q'uelo avilic li yav bu to'ox laj yaq'uique.

San Lucas 1:14

Jech xcuxet no'ox avo'nton. Ep boch'otic xcuxet no'ox yo'ntonic ec c'alal me ivoq'ue.

San Lucas 1:30

Jech laj yal noxtoc li j'almantale: —Mu xaxi', María, ataoj xa c'uxubinel yu'un li Diose.

San Lucas 2:21

C'alal iloc' vaxquib c'ac'al svoq'uel li olole, laj yich' circuncisión. Jesús laj yac'beic sbi, yu'un jech ono'ox i'albat yu'un j'almantal c'alal mu'yuc to'ox xch'ut li Mariae.

Hechos 10:31

Jech laj yalbun: ‘Cornelio, li ac'op c'alal chac'opan Diose laj xa yich' a'yel; li c'uxubinel chavaq'ue laj xa sna' li Diose.

Jueces 6:23

Li Muc'ul Diose jech laj yal: —Mu me xaxi', junuc avo'nton; mu xacham o —xut.

1 Samuel 2:21

Li Muc'ul Diose laj yac'be bendición li Anae, jech ina'p xch'ut yan velta. Jech lic to alajuc li Anae; ivoc' oxib squeremetic xchi'uc chib stsebetic. Yan li Samuele te chch'i o batel ta stojol li Muc'ul Diose.