Levítico 9:7 - Bible in Tzotzil de Chenalhó with Deuterocanon

⁷ Li Moisese jech laj yalbe li Aarone: “Nopajan batel ta sts'el li scajleb smoton Diose. Milbo smoton Dios ta sventa li mulile, xchi'uc li yan jcot tsc'an chachic' sventa chach'aybat amule xchi'uc sventa chch'aybat smulic li jchi'iltactic ta israelale. Ac'o ta stojol Muc'ul Dios noxtoc li matanal sventa chch'aybat smulic jech chac c'u cha'al yaloj ono'ox Muc'ul Diose”, xut.

Bible in Tzotzil de Chamula

⁷ Laj taj une, ti Moisese xi laj yalbe ti Aarone: “Nopajan batel ta sts'el ti altare. Ac'o ti c'usi ta xich' milel ta scoj ti mulile, ja' ti chon bolom ti ta xavac' ta chiq'uel ta sventa ti xch'ayobil ti amule, xchi'uc sventa xch'ayobil smulic ti israeletique. Chapano xtoc ta yaq'uel ti matanal sventa xch'ayobil smulic ti israeletique jech c'u cha'al yaloj mantal ti Diose.”

Levítico 9:7 Iomraidhean Croise

Levítico 16:11

“Li Aarone ac'o smil li jcot ch'ium tot vacax ti ja' yu'un stuque, jech ta jch'aybe ta co'nton smul stuc xchi'uc smul yajnil xnich'nab.

Levítico 16:24

Te no'ox ta yut ch'ulna ac'o atinuc lec. C'alal me laj xa slap sc'u' spoq'ue, ac'o loc'uc tal; ac'o bat xchic' li matanal ta sventa stuque xchi'uc li matanal ta sventa achi'iltaquique. Ja' jech ch'aybil chc'ot smul stuc xchi'uc smulic li achi'iltaquique.

Levítico 16:6

Ts'acal ac'o yac' jcotuc ch'ium tot vacax ta sventa stuc li palee. Ja' milbil matanal sventa xch'ayubil smul xchi'uc yajnil xnich'nab.

Levítico 4:3

“Me ja' stuc banquilal pale la sta smul ta jtojol, jech oy smul chc'ot yu'un li xchi'iltac ta israelale. Ac'o yac'bun jmotonin jcotuc ch'ium vacax ta sventa li smul staoje. Ja' ac'o yac'bun ti bu ven leque.

Levítico 8:34

Ti c'u x'elan chich' pasel ta sventa chach'aybat amulique, yaloj mantal Muc'ul Dios ti ja' no'ox jech chich' pasel jech chac c'u cha'al ja' to laj yich' pasele.

Levítico 9:2

Jech laj yalbe li Aarone: “Tsaco tal jcotuc ch'ium vacax sventa smoton Dios ta sventa mulil xchi'uc jcot chij sventa chic'bil matanal ti bu ven leque. Bat aq'uic ta stojol li Muc'ul Diose.

Hebreos 5:1

Scotol li boch'otic i'ochic ta banquilal pale ti it'ujatic loq'uel ta stojol jchi'iltactique, ja' yabtel chc'opojic ta stojol Dios yu'un li jchi'iltactique. Ja' ta xaq'uic ta stojol Dios li matanaletique xchi'uc li milbil matanaletic sventa smulique.

Hebreos 5:3

Ta sventa ti cristiano eq'ue, jech persa laj yac' milbil matanal ta sventa smul stuc jech chac c'u cha'al ta spas ta sventa li steclumale.

Hebreos 9:7

Yan ta xchibal cuartoe ja' no'ox jun velta ta jabil i'och stuc li banquilal palee. C'alal ch-oche, persa chich' ochel ch'ich' ta stojol Dios sventa tspasbat perdón yu'un smul stuc xchi'uc smul xchi'iltac.

1 Samuel 3:14

Ja' yu'un laj xa cal ta jamal ti j'ech'el mu'yuc ta jtu'pbe o smulic li yalab xnich'nab Elie, ac'o me tsmilbicun jmoton, o me yantic matanaletic —x'utat.