Levítico 9:4 - Bible in Tzotzil de Chenalhó with Deuterocanon

⁴ Xchi'uc ac'o yiq'uic tal jcot tot vacax, xchi'uc jcot chij sventa chich' milel ta stojol Muc'ul Dios sventa lec chijyilutic. Ac'o yich'ic tal noxtoc ta smoton Dios li c'usitic jech chac c'u cha'al trigoe; vots'bil ta aceite ac'o yich'ic tal. Yu'un li Muc'ul Diose ta xtal yac' sba ta ilel ta jtojoltic tana”, xut.

Bible in Tzotzil de Chamula

⁴ Jech xtoc, ac'o stsaquic talel jcotuc tot vacax xchi'uc jcotuc tot chij yo' jech ta xich' milel ta stojol ti Diose, ti ta xich' aq'uel ta sventa ti lajesobil o'ntonale. Ac'o yich'ic talel xtoc matanal juch'bil sat ts'unubaletic ti vots'bil ta aceitee, yu'un ti Diose ta xac' sba iluc ta jtojoltic ti c'ac'al avi tana li'e.”

Levítico 9:4 Iomraidhean Croise

Éxodo 16:10

C'alal ja'o te chchi'in ta lo'il scotol xchi'iltac li Aarone, scotolic la sq'uelic batel ta xocol banamil; te laj yilbeic xojobal ta jvol toc li Muc'ul Diose.

Éxodo 19:11

ac'o xchapan sbaic lec sventa cha'ej. Yu'un cha'ej chiyal tal ta vits Sinaí ta sat scotol achi'iltac, vu'un li Muc'ul Diosune.

Éxodo 24:16

Li xojobal Muc'ul Diose te icom ta vits. Vaquib c'ac'al te pixil ta toc li vitse. Ta svucubal c'ac'ale li Muc'ul Diose ic'opoj tal ta o'lol yut toc yu'un laj yic' li Moisese.

Éxodo 29:43

Ja' te ta jtaoxuc ta c'opanel, vo'oxuc li israeloxuque. Ti bu ta jc'opan jbatique, ts'u'iltasbil chcom o cu'un.

Ezequiel 43:2

Laj quil iloc' tal ta sloq'ueb c'ac'al xojobal li Muc'ul Dios yu'un Israele. Laj ca'ay bats'i tsots xvo'et jech chac c'u cha'al nojelal uc'um. Li banamile isacub ta xojobal.

Ezequiel 43:27

C'alal me its'aqui li vucub c'ac'ale, te xlic batel ta xvaxquibal c'ac'ale, li paleetique ac'o xchiq'uic li jmoton chavac'bicune xchi'uc li yantic matanal sventa co'ol co'ntontique, jech lec chaquiloxuc o”, xi li Muc'ul Diose.

Levítico 2:1

“C'alal me oy boch'o chich'bun tal jmotonin li strigo xchi'uc c'usitic yan jech chac c'u cha'al trigoe, ja' ac'o yich'bun tal arina ti bu ven leque. Ac'o yac'beic aceite xchi'uc pom.

Levítico 3:1

“C'alal chamilbicun jmoton sventa chanopajic ta jtojole, xu' chavaq'uic avacaxic, me stot, me sme', pero tsc'an ja' chavac'bicun, ti bu ven leque.

Levítico 9:23

Li Moisés xchi'uc Aarone i'ochic batel ta yut li ch'ulna pasbil ta nucule. C'alal iloq'uic tale, laj yac'beic bendición li xchi'iltaquique. Li Muc'ul Diose te laj yac' sba ta ilel xchi'uc tsots xojobal ta stojol scotol li israeletique:

Levítico 9:3

Albo ya'yic li jchi'iltactique, ac'o yiq'uic tal jcotuc tentsun; ja' matanal sventa mulil. Xchi'uc ac'o yiq'uic tal jcotuc ch'ium vacax, xchi'uc jcot ch'ium chij ti jun to jabil svoq'uel, ti bu ven leque yu'un ja' ta jchic'betic sventa smoton Dios.

Levítico 9:5

Li israeletique laj yiq'uic batel scotol li c'usi i'albatic yu'un Moisese. Te laj yaq'uic ta nopol ti'ch'ulna pasbil ta nucul. Scotolic te c'ot sva'an sbaic ta stojol li Muc'ul Diose.

Levítico 9:6

Li Moisese jech laj yal: “Li'i ja' scotol li c'usitic yaloj Muc'ul Diose. Pasic me, jech ta xtal yac' sba ta ilel ta atojolic xchi'uc tsots xojobal li Muc'ul Diose”, xut.

Números 14:10

C'alal ja'o jech chalique, scotol li israeletique tsc'an chac'beic ox ton. Jech te lic vinajuc xojobal Muc'ul Dios ta ch'ulna pasbil ta nucul ta stojol scotol li israeletique.

Números 16:19

Li Coree stsoboj xa tal scotol te ta stuq'uil ti'ch'ulna li xchi'iltaquic ta israelale yu'un tscontrainic li Moisés xchi'uc Aarone. Te ivinaj xojobal Muc'ul Dios ta stojol scotol li israeletique.