Levítico 9:3 - Bible in Tzotzil de Chenalhó with Deuterocanon

³ Albo ya'yic li jchi'iltactique, ac'o yiq'uic tal jcotuc tentsun; ja' matanal sventa mulil. Xchi'uc ac'o yiq'uic tal jcotuc ch'ium vacax, xchi'uc jcot ch'ium chij ti jun to jabil svoq'uel, ti bu ven leque yu'un ja' ta jchic'betic sventa smoton Dios.

Bible in Tzotzil de Chamula

³ Yan ti israeletique, albo ya'iic ti ac'o stsaquic talel jcotuc tot tentsun ti ta xich' svocol ta milel ta scoj ti mulile, jcotuc tot vacax xchi'uc jcotuc tot chij ti jun to jabil yich'oje, ti mu'yuc jutebuc ti xchopolile yo' jech ta xich' aq'uel ta chiq'uele.

Levítico 9:3 Iomraidhean Croise

Génesis 37:31

Jech la smilic jcot biq'uit tentsun. La sbonbeic xch'ich'al ta sc'u' li Josee.

Esdras 10:19

Le'e jun yo'ntonic la staquic loq'uel li yajnilique. Laj yaq'uic jcot chij ta smoton Dios ta sventa li smulique.

Esdras 6:17

La smilic ta smoton Dios vo'vinic (100) ta cot ch'ium vacaxetic, lajunvinic (200) ta cot tot chijetic, chanib ciento (400) ta cot ch'ium chijetic. Xchi'uc laj yaq'uic lajcha'cot tot tentsunetic, jujucot ta sventa xch'ayubil smulic ta jujuchop sts'unubal li israeletique.

Éxodo 12:5

Li chij chamilique ja' me ti bu ven leque xchi'uc ti jun to jabil svoq'uele. Xu' jcot ch'ium tot chij, o me jcot ch'ium tot tentsun.

Isaías 53:10

Li Muc'ul Diose jech la sc'an ti laj yac' ta uts'intaele, ti laj yac'be xcuch scotol vocole. Ta sventa ti ivu' yu'un laj yac' sba ta milbil matanal sventa mulile, jech ta to xil noxtoc c'u to yepal chbol li yu'untaque, ta xnatub lec yorail. Li c'usi chapanbil yu'un Muc'ul Diose, chc'ot ta pasel.

Levítico 10:16

Li Moisese la sjac' bu oy yu'unic li tot tentsun sventa xch'ayubil mulile. Te laj ya'ay ti chic'bil xa yu'unique. Jech tsots i'ilin ta stojol li Eleazar xchi'uc Itamare, ja' li chib xnich'nab Aarón ti cuxul to icomique. Jech laj yalbe:

Levítico 12:6

“C'alal me its'aqui ti c'u yepal c'ac'al albil chac' sba ta lecubtasele, me querem me tseb ivoc' yu'une, ac'o yic' batel jcotuc ch'ium chij te ta sti' scoralil ch'ulna pasbil ta nucul. Li chij chic' batele, ja' ti bu jun to jabil svoq'uele, yu'un ja' sventa chich' chiq'uel ta jmoton. Xchi'uc ac'o yic' batel jcotuc stsumut, o me jcot puruvoc stsu sventa chich' milel ta sventa smul; ja' ac'o yac'be li palee.

Levítico 14:10

Ta xvaxquibal c'ac'al ac'o yich' tal cha'cotuc ch'ium chij ti bu ven lequique, xchi'uc jcot tsebal chij ti bu leque, ti jun to jabil svoq'uele, xchi'uc o'lol svucubal kilo lequil arina vots'bil ta aceite, xchi'uc jutuc mu sta o'lol litro aceite.

Levítico 16:15

Ja'o ac'o smil li tentsune; ja' matanal ta sventa smul li achi'iltaquique. Li xch'ich'ale ac'o yich' batel ta spat yo' bu joc'ol li poq'ue. Te ac'o svij noxtoc ta smac li caxae xchi'uc ta jot sti' ta yeloval, jech chac c'u cha'al tspas ta sventa li xch'ich'al ch'ium tot vacaxe.

Levítico 16:5

“Li Aarone ac'o stsac cha'cotuc tentsun ta sventa scotol li israeletique, ja' milbil matanal ta sventa smulic. Xchi'uc ac'o stsac jcotuc chij ta sventa chic'bil matanal.

Levítico 23:12

Te no'ox ta sc'ac'alil ac'o yac' jcotuc chij ti jun to jabil svoq'uele, ti bu ven leque. Ja' chic'bil matanal chc'ot ta jventa; vu'un li Muc'ul Diosune.

Levítico 4:23

C'alal me laj xa sna' ti oy smulique, ac'o yac'bun jmotonin jcotuc stentsun ti bu ven leque.

Levítico 4:3

“Me ja' stuc banquilal pale la sta smul ta jtojol, jech oy smul chc'ot yu'un li xchi'iltac ta israelale. Ac'o yac'bun jmotonin jcotuc ch'ium vacax ta sventa li smul staoje. Ja' ac'o yac'bun ti bu ven leque.

Levítico 9:2

Jech laj yalbe li Aarone: “Tsaco tal jcotuc ch'ium vacax sventa smoton Dios ta sventa mulil xchi'uc jcot chij sventa chic'bil matanal ti bu ven leque. Bat aq'uic ta stojol li Muc'ul Diose.

Levítico 9:4

Xchi'uc ac'o yiq'uic tal jcot tot vacax, xchi'uc jcot chij sventa chich' milel ta stojol Muc'ul Dios sventa lec chijyilutic. Ac'o yich'ic tal noxtoc ta smoton Dios li c'usitic jech chac c'u cha'al trigoe; vots'bil ta aceite ac'o yich'ic tal. Yu'un li Muc'ul Diose ta xtal yac' sba ta ilel ta jtojoltic tana”, xut.

Romanos 8:3

Yu'un oy c'usi muc xvu' ta sventa li mantaletic ta scoj ti mu'yuc stsatsal li jbec'taltique, ja' yu'un la stac tal Xnich'on li Diose. Laj yac'be yich' sbec'tal jech chac c'u cha'al li jbec'taltic ti snainoj mulile, yu'un jech ac'o scontrain li mulile. Jech ta sventa sbec'tal ivu' yu'un laj yac' batel ta lajel li mulile.

2 Corintios 5:21

Yu'un li boch'o mu xotquin mulile jpasmulil ic'ot ta jcojtic, yu'un jech vu'utic mu'yuc jmultic lijc'ot, tuc' xa co'ntontic chijyilutic li Diose.

SUN TITO 2:14

Ja' ti laj yac' sba ta milel ta jcojtic, yu'un jech la spojutic loq'uel ta sventa c'usitic chopole, xchi'uc ti la slecubtasutic sventa chijyu'uninutique, xchi'uc ti jutebuc co'ntontic ac'o jpastic c'usi leque.

1 Pedro 2:24

Ja' stuc la xcuch ta sbec'tal li jmultic c'alal ja'o joc'ol ta cruze, yu'un jech xu' chijchamutic ta sventa li mulile; ja' chijcuxiutic ta spasel li c'usi tuq'ue. Li Cristoe ep ituch' sbec'tal, yu'un jech vo'oxuc colem lacomic.

1 Pedro 3:18

Yu'un li Cristoe laj ono'ox yich' vocol ec ti c'alal icham ta scoj jmultique. Jun no'ox velta j'ech'el la xch'aybutic o. Li stuque mu'yuc smul, pero laj yich' vocol ta scoj jpasmuliletic, yu'un jech chijyic'utic batel ta stojol Dios. Icham xchi'uc sbec'tal, pero icha'cuxi xchi'uc ach' sbec'tal ta sventa Espíritu.

Apocalipsis 5:9

La sq'uejintaic jun ach' q'ueoj, jech chal: “Vo'ot no'ox atuc puru lec c'usi apasoj ti ivu' avu'un laj avich' li vune, xchi'uc xu' avu'un chatuch'be li spaq'ue. Yu'un vo'ot laj avich' milel. Ta ach'ich'al laj aman sventa chc'otic ta yu'untac Dios li cristianoetic ta jujuchop sts'unubal, ta jujuchop c'op, ta jujun lum, xchi'uc ta jujun banamile.