Levítico 8:8 - Bible in Tzotzil de Chenalhó with Deuterocanon

⁸ Ja'o la snaban ta sba mocan c'u'il li vorxa poq'ue; te la stic' ochel li Urim xchi'uc li Tumime.

Bible in Tzotzil de Chamula

⁸ Laj taj une, laj yac'be yuin ti uile. Ti ta uile, laj stic' ti Urime xchi'uc ti Tumime.

Levítico 8:8 Iomraidhean Croise

Esdras 2:63

Li ajvalil yu'unique laj yal mantal ti mu xu' tsve'ic li ch'ul matanale, ja' to me oy junuc pale tsjac' ta Urim xchi'uc ta Tumime.,

Nehemías 7:65

I'albatic yu'un ajvalil yu'unic ti mu xu' tsti'ic li ch'ul matanale, ja' to me ivinaj ta Urim xchi'uc ta Tumim, ti ja' sts'unubalic paleetique.

Éxodo 29:1

“C'alal chavoc'bicun ta sventa paleal li Aarón xchi'uc xnich'nabe, tsc'an jech chapasbe chac li'i: Tsaco jcotuc ch'ium tot vacax, xchi'uc cha'cotuc tot chij ti bu ven lequique.

Cantares 8:6

Te me comcun o ta avo'nton; te me oyuc o jsenyail ta ac'ob chava'ay. Mu stac' pajesel chca'ay ti chajc'anote jech chac c'u cha'al mu stac' pajesel me sta yorail chijchame. Yu'un jc'anojot o ta jyalel, mu stac' jsutes co'nton jech chac c'u cha'al muquinal ti mu xa xisutesutic tale; ja' jech stsatsal chca'ay jech chac c'u cha'al tsanal ac'al ti mu xtube.

Isaías 59:17

Li tuq'uil chapanel yu'une slapoj tal lec jech chac c'u cha'al smac scotol sbec'tal. Li coltaele xpixcolinoj tal jech chac c'u cha'al smac sjol; li spacol c'usi pasbile slapoj tal lec jech chac c'u cha'al sc'u'. Potsol tal lec ta sc'ac'al yo'nton jech chac c'u cha'al xaquita.

Números 27:21

Li Josuee ac'o bat sva'an sba ta stojol li pale Eleazare. Li Eleazare ja' xa ac'o sjac'bun ta jtojol ta sventa st'unubil ti Urim, sbie. Li Josuee ja' me chcom ta sba chalbe scotol achi'iltac ta israelal li c'usitic tsc'an ac'o spasique —xut.

Efesios 6:14

Ja' yu'un chaplanic me lec cha'e. Chuquino me lec li achuquique, ja' li c'usi melele. Aq'uic me smac li sna avo'ntonique, ja' li c'usitic tuq'ue.

Deuteronomio 33:8

Jech laj yich' alel ta sventa li Levie: “Muc'ul Dios, ja' avu'un li Tumim xchi'uc Urime., Ja' avu'un, xchi'uc ja' yu'un ec li boch'o jun yo'ntonic ta atojole. Ja' li boch'o laj aq'uelbe yo'ntonic te ta Masah; ti laj avulilan aba achi'uc ta vo'etic te ta Meribae;

1 Tesalonicenses 5:8

Pero vu'utic ti oyutic xa ta c'ac'altique, cuxuluc me co'ntontic. Ja'uc me smac sna co'ntontic chc'ot li xch'unojel co'ntontique xchi'uc ti chijc'anvane. Ja'uc me smac joltic chc'ot ti jun co'nton ta jmalatic chijcolutique.

1 Samuel 2:28

Vu'un la jt'uj loq'uel ta stojol li jaychop achi'iltac ta israelale, yu'un la jtic' ta paleal, yu'un ja' chchic'bicun jmoton te ta scajleb, xchi'uc chchiq'uic pom, xchi'uc tslapic tal ta jtojol li mocan c'u'ile. Xchi'uc ja' laj cac'beic ta sc'ob amoltotac li jmoton chaq'uic achi'iltaquic ta israelale.

1 Samuel 28:6

Jech te lic sjac'be Muc'ul Dios c'usi tspas, pero muc xtac'bat. Me ja'uc ta xvayech, me ta Urim, me ta sventa j'alc'opetic muc xtac'bat.