Levítico 8:23 - Bible in Tzotzil de Chenalhó with Deuterocanon

²³ Li Moisese la smil li chije. Li xch'ich'ale la sbonbe ta slajeb xlechlechil sbats'ichiquin li Aarone, xchi'uc ta sme' sbats'ic'ob, xchi'uc ta sme' sbats'i-acan.

Bible in Tzotzil de Chamula

²³ Ts'acal to un, ti Moisese laj sc'ocbe ti snuq'ue. Laj sts'aj juteb sni' sc'ob ta xch'ich'el. Laj xjaxbe ta yolon svelvelul ti sbats'i chiquin ti Aarone, xchi'uc ta sme' ti sbats'i c'obe, xchi'uc ta sme' ti sbats'i oque.

Levítico 8:23 Iomraidhean Croise

Éxodo 29:20

Milo li chije. Li xch'ich'ale bonbo ta slajeb xlechlechil sbats'ichiquinic li Aarón xchi'uc xnich'nabe, xchi'uc ta sme' sbats'ic'obic xchi'uc ta sme' sbats'i-acanic. Li scomelale bat vijo ta sba scajleb jmoton xchi'uc ta spat xocon.

Éxodo 29:21

Li ch'ich' te ts'anajtic chcom ta sba scajleb jmotone xchi'uc li aceite sventa ich'ub abtelale vijbo ta sba yac'olic li Aarón xchi'uc xnich'nabe, xchi'uc ta sc'u' spoq'uic. Jech voc'bil chcomic o li Aarón xchi'uc xnich'nabe, xchi'uc li sc'u' spoq'uique.

Levítico 14:14

“Li palee ac'o stsac jutebuc xch'ich'al li milbil matanal ta sventa c'unil mulile. Ac'o sbonbe ta slajeb xlechlechil sbats'ichiquin li boch'o chich' lecubtasele, xchi'uc ta sme' sbats'ic'ob xchi'uc ta sme' sbats'i-acan.

Levítico 14:17

Ti c'u x'elan chcom ta sc'ob li aceitee, ac'o xjaxbe ta slajeb xlechlechil sbats'ichiquin li boch'o chich' lecubtasele, xchi'uc ta sme' sbats'ic'ob, xchi'uc ta sme' sbats'i-acan. Ja' co'ol chich' pasel jech chac c'u cha'al li xch'ich'al milbil matanal ta sventa c'unil mulile.

Levítico 14:25

Li palee ac'o smil li chij sventa c'unil mulile. Li xch'ich'ale ac'o stsac jutebuc, ac'o sbonbe ta slajeb xlechlechil sbats'ichiquin li boch'o chich' lecubtasele, xchi'uc ta sme' sbats'ic'ob, xchi'uc ta sme' sbats'i-acan.

Levítico 14:28

Xchi'uc ac'o sbonbe ta aceite slajeb xlechlechil sbats'ichiquin li boch'o chich' lecubtasele, xchi'uc ta sme' sbats'ic'ob, xchi'uc ta sme' sbats'i-acan, ja' te yo' bu chich' bonbel li xch'ich'al milbil matanal ta sventa c'unil mulile.

Levítico 7:37

Scotol le'e ja' chanubtasel ta sventa c'alal chich' chiq'uel li matanaletic ti co'oltic sba jech chac c'u cha'al trigoe, li matanaletic ta sventa mulil xchi'uc ta sventa c'unil muliletique, xchi'uc li matanaletic sventa lecubtasele, xchi'uc matanaletic sventa lec ch-ilatic yu'un Diose.

Romanos 12:1

Ja' yu'un quermanotac, ta sventa ti ep la xc'uxubinoxuc li Diose, ta jc'anboxuc vocol ta atojolic ti ac'o avac'beic sventain o abec'talique, yu'un jech ja' cuxul matanal chc'ot, ja' ch'ul matanal; toj lec xcuxet yo'nton yu'un li Diose. Ja' jech li mero yich'el ta muc' Dios tsc'an chapasique.

Romanos 6:13

Mu me ja'uc xavac'be sventain mulil li abec'talique; mu me xavaq'uic c'otuc ta yabtejeb mulil li abec'talique. Ja' tsc'an ja' chavac'beic sventain li Diose, yu'un jech chc'ot ta yabtejeb c'usitic tuc' ta pasel. Yu'un lacha'cuxesatic xa, vo'oxuc ti chamenoxuc to'oxe.

Romanos 6:19

Li' chic'opoj ti c'u cha'al lec ta a'ibel smelole, yu'un mu to xu' avu'un chava'ibeic smelol. Jech chac c'u cha'al ja' to'ox laj aq'uelan abec'talic ta sventa li muliletic xchi'uc li c'usitic chopole, jech lasoquic o batel achi'uquic. Ja' no'ox jech li' ta orae tsc'an ja' chaq'uelan abec'talic ta sventa c'usitic tuc', yu'un jech chalecubic batel.

1 Corintios 1:2

vo'oxuc li steclumaloxuc Dios te ta lum Corintoe. Vo'oxuc ti voc'biloxuc xa ta sventa li Cristo Jesuse, ti ic'biloxuc sventa chac'otic ta yu'untac Dios, yu'un jech co'ol chac'otic xchi'uc li boch'otic tsc'anbeic vocol Cajvaltic Jesucristo buyuc no'ox oyique, ja' li Cajvaltic ta jcotoltique.

1 Corintios 1:30

Yu'un li vo'oxuque ja' ta sventa Dios ti oyoxuc xa ta stojol Cristo Jesuse. Ja' li boch'o laj yac' jna'betic c'u x'elan sbijil stuc li Diose. Ja' ti c'u x'elan tuc' co'ntontic chijyilutique, ti c'u x'elan chijlecubutic batele, xchi'uc ti c'u x'elan chijcole.

1 Corintios 6:20

Yu'un toyol atojol la stojoxuc li Diose, ja' yu'un tsc'an chavich'ic ta muc' Dios xchi'uc li abec'talique.

Filipenses 1:20

Jun co'nton jch'unoj o, jmalaoj chc'ot ta pasel, muc alticuc chcac'be jba q'uexlal. Ta sventa ti mu xlaj o li stsatsal co'ntone jech ch-ich'at ta muc' Cristo ta jventa jech chac c'u cha'al ono'oxe, ac'o me cuxulun to, o me chicham.

Filipenses 2:17

Pero me tsc'an noxtoc ti chich' malel jch'ich'al sventa chich' ts'acubtasel li matanal chavaq'uic ta stojol Diose ja' li xch'unojel avo'ntonique, xcuxet no'ox co'nton. Me jech chc'ot ta pasele, tsc'an xcuxet no'ox avo'ntonic ec li vo'oxuque.

1 Tesalonicenses 5:22

Pajeso abaic ta spasel scotol li c'usitic chopole.

Hebreos 2:10

Li Dios ti ja' la spas, xchi'uc ti ja' ta sventa i'ayin scotol li c'usitic oye, oy ta yo'nton chic' batel ta slequilal ep xnich'nab. Ja' yu'un jech la sc'an ti ac'o yich' vocol li Xnich'one, yu'un jech ic'ot ta pasel ti ja' yajval scoltaelic ic'ote.

Hebreos 5:8

Ac'o me Nich'onil, pero laj yich' vocol, jech laj ya'ay c'u x'elan ta ch'unel li c'usi tsc'an Diose.