Levítico 8:21 - Bible in Tzotzil de Chenalhó with Deuterocanon

²¹ Ts'acal lic sapbe lec li sbiquile xchi'uc li yacane. La xchic' te ta scajleb smoton Dios. Ja' li matanal ti lec mu yic' chc'ot ta stojol Muc'ul Dios jech chac c'u cha'al albil ono'ox li Moisese.

Bible in Tzotzil de Chamula

²¹ Laj taj une, laj sapbe ta vo' ti sbiquile xchi'uc yo' ti chije. Laj xchic' scotol ta altar ti ja' ti xchic'obil matanale, ti jun yutsil smuil ta xich' ac'bel ti Diose jech c'u cha'al yaloj mantal ti Diose.

Levítico 8:21 Iomraidhean Croise

Génesis 8:21

C'alal ic'ot ta stojol Muc'ul Dios li smuil yic' smotone, jech laj yal: “Mu'yuc xa ta jsoques yan velta banamil ta scoj smul li cristianoetique. Yu'un li cristianoetique ta sbic'talic ono'ox ti ja' no'ox oy ta yo'nton tspasic li c'usi chopole. Jech noxtoc mu'yuc xa ta jtu'pbe sts'unubal yan velta li chonbolometic jech c'u cha'al la jpas li jun velta li'i.

Éxodo 12:9

Me jutebuc mu me xati'ic ta stseil, o me ta panbil. Scotlijil xavoic c'alal ta sjol, ta yacan xchi'uc c'alal ta sbel xch'ut.

Éxodo 29:18

Ts'acal te xavac' scotol ta scajleb jmoton yu'un ja' matanal sventa chavich'icun ta muc', xchi'uc ja' chic'bil matanal ta jventa ti lec mu yiq'ue.

Éxodo 40:16

Li Moisese la spas jech chac c'u cha'al i'albat yu'un li Muc'ul Diose.

Levítico 1:13

Ts'acal ac'o sapbeic lec ta vo' li sbiquile xchi'uc li yacane. Li palee ac'o xchic' scotol te ta scajleb jmoton yu'un ja' chic'bil matanal ti lec mu yic' chc'ot ta jtojol, vu'un li Muc'ul Diosune.

Levítico 1:17

Ac'o xlich'beic li xiq'ue, ac'o sjavic ta o'lol, pero mu me xtuch'ic o ta j'ech'el. Ts'acal ac'o xchic' te ta scajleb jmoton li palee yu'un ja' chic'bil matanal ti lec mu yic' chc'ot ta jtojol, vu'un li Muc'ul Diosune.

Levítico 1:9

Ts'acal ac'o sapbeic lec li sbiquile xchi'uc li yacane. Li palee ac'o xchic' te ta scajleb jmoton, yu'un ja' chic'bil matanal ti lec mu yic' chc'ot ta jtojol, vu'un li Muc'ul Diosune.

Levítico 2:9

Li palee ac'o stsac c'uuc yepal li matanale; ac'o xchic' te ta scajleb jmoton. Ja' sventa sna'ubil cu'un li achi'iltaque. Ja' chic'bil matanal ti lec mu yic' chc'ot ta jtojol, vu'un li Muc'ul Diosune.

Levítico 8:13

Te lic yic'an noxtoc li xnich'nabtac Aarone. La slapbe li c'u'iletique. La xchucbe lec li xchuquique, xchi'uc laj yac'be noxtoc li xpix sjolic jech chac c'u cha'al albil yu'un Muc'ul Dios li Moisese.

Levítico 8:9

Lic yac'be noxtoc li xpix sjole. Ta yeloval xpix sjol ta stuq'uil sti'bae te la spac' noxtoc li biq'uit pech'pech' taq'uin pasbil ta c'anal taq'uin ti lec c'upil sba sventa voc'bil o ta paleal jech chac c'u cha'al albil yu'un Muc'ul Dios li Moisese.

Efesios 5:2

C'ano abaic jech chac c'u cha'al la sc'anutic li Cristoe, yu'un laj yac' sba ta milel ta jcojtic. Ja' smoton Dios ic'ot, ja' milbil matanal ti oy lec smuil laj ya'ay li Diose.