Levítico 8:14 - Bible in Tzotzil de Chenalhó with Deuterocanon

¹⁴ Ts'acal lic yal mantal li ac'o yiq'uic tal li ch'ium tot vacax ta sventa mulile. Li Aarón xchi'uc xnich'nabe la scajan sc'obic ta sjol li vacaxe.

Bible in Tzotzil de Chamula

¹⁴ Ts'acal to un, ti Moisese laj stac ta iq'uel ti ch'iom tot vacax ti ta xich' milel ta scoj ti mulile. Jech ti Aarón xchi'uc ti xnich'nabe laj scajan sc'obic ta sjol ti ch'iom tot vacaxe.

Levítico 8:14 Iomraidhean Croise

Salmos 66:15

Ta jchic'bot amotonin li c'usitic lec jubenique; ta jchic'bot ch'ium chijetic ti lec mu yic' xch'ayilale, xchi'uc ta jmilbot amotonin vacaxetic xchi'uc tot tentsunetic.

Isaías 53:10

Li Muc'ul Diose jech la sc'an ti laj yac' ta uts'intaele, ti laj yac'be xcuch scotol vocole. Ta sventa ti ivu' yu'un laj yac' sba ta milbil matanal sventa mulile, jech ta to xil noxtoc c'u to yepal chbol li yu'untaque, ta xnatub lec yorail. Li c'usi chapanbil yu'un Muc'ul Diose, chc'ot ta pasel.

Ezequiel 43:19

Li paleetique, ja' li levietic smomnich'nab Sadoque, ti ja' oy ta sventaic xu' chnopajic ta jtojol sventa chtunic cu'une, ac'beic jcotuc ch'ium tot vacax; ac'o smilic sventa xch'ayubil amulic, vu'un jtuc chcal mantal.

Ezequiel 43:20

Ts'acal xatsacbe li xch'ich'ale; vijbo ta xchanibal xulub li scajleb jmotone, xchi'uc ta xchanjotal xchiquin li jts'oc ta o'lole, xchi'uc ta xchanjotal xchiquin li latsbil tone.

Ezequiel 44:27

C'alal ch-ochic batel yan velta ta xcha'c'olal amac' sventa chbat tunicuc cu'une, ac'o smilbicun jcotuc jmoton ta sventa smulic. Vu'un chcal jtuc, vu'un li Muc'ul Diosune.

Levítico 1:4

Ac'o yac' sc'obic ta sjol li xvacaxique. Jech xu' chquich'beic sventa ta jch'aybeic o li smulique.

Levítico 16:21

Ac'o yac' xchibal sc'ob ta sjol li tentsune; ac'o yal ta jamal c'usi chopol spasojic, c'u x'elan stoyoj sbaic, xchi'uc c'usi smulic li achi'iltaque. Ja' jech chich' ac'bel xcuch scotol muliletic li tentsune. Jun vinic ac'o yic' batel li tentsune; ac'o bat scolta comel ta xocol banamil.

Levítico 16:6

Ts'acal ac'o yac' jcotuc ch'ium tot vacax ta sventa stuc li palee. Ja' milbil matanal sventa xch'ayubil smul xchi'uc yajnil xnich'nab.

Levítico 4:15

Li moletic yu'unique, ac'o yac' sc'obic ta sjol li vacaxe, xchi'uc te ac'o smilic ta jtojol, vu'un li Muc'ul Diosune.

Levítico 8:2

“Ic'o tal ta jtojol li Aarón xchi'uc xnich'nabe. Ac'o yich'ic tal li lequil c'u'iletic sventa paleale, li aceite sventa ich'ub abtelale, li ch'ium tot vacax ti chich' milel ta sventa mulile, li cha'cot chije xchi'uc li jun unin moch pan ti mu'yuc yich'oj svolesubil xch'ute.

Números 8:12

Li levietique ac'o yac' sc'obic ta sjol li ch'ium tot vacaxetique. Jcot ac'o yich' milel ta sventa smulic. Jcot ac'o yich' chiq'uel sventa chich'ic lecubtasel o.

Romanos 8:3

Yu'un oy c'usi muc xvu' ta sventa li mantaletic ta scoj ti mu'yuc stsatsal li jbec'taltique, ja' yu'un la stac tal Xnich'on li Diose. Laj yac'be yich' sbec'tal jech chac c'u cha'al li jbec'taltic ti snainoj mulile, yu'un jech ac'o scontrain li mulile. Jech ta sventa sbec'tal ivu' yu'un laj yac' batel ta lajel li mulile.

2 Corintios 5:21

Yu'un li boch'o mu xotquin mulile jpasmulil ic'ot ta jcojtic, yu'un jech vu'utic mu'yuc jmultic lijc'ot, tuc' xa co'ntontic chijyilutic li Diose.

1 Pedro 3:18

Yu'un li Cristoe laj ono'ox yich' vocol ec ti c'alal icham ta scoj jmultique. Jun no'ox velta j'ech'el la xch'aybutic o. Li stuque mu'yuc smul, pero laj yich' vocol ta scoj jpasmuliletic, yu'un jech chijyic'utic batel ta stojol Dios. Icham xchi'uc sbec'tal, pero icha'cuxi xchi'uc ach' sbec'tal ta sventa Espíritu.