Levítico 7:9 - Bible in Tzotzil de Chenalhó with Deuterocanon

⁹ Jech noxtoc li c'usi co'oltic sba jech chac c'u cha'al trigo chavac'bicun jmotonin ti ta'ajesbil ta hornoe, xchi'uc scotol li c'usi panbil ta cacerola bin xchi'uc ch'ilbil ta xalteme ja' yu'un chcom o li pale ti chac' ta jtojole.

Bible in Tzotzil de Chamula

⁹ Ja' jech xtoc scotol ti matanal sat ts'unubaletic ti ta'ajesbil ta hornoe, xchi'uc scotol ti c'usi ch'ilbil ta muc' ta lech-lech taq'uine, xchi'uc ti ch'ilbil ta xalteme, ja' xa yu'un ti pale ti buch'u laj sva'an sba ta yet'esel ti matanale.

Levítico 7:9 Iomraidhean Croise

2 Reyes 12:17

Li Hazael, ajvalil ta Siriae, ja'o yorail bat stsac ta pleito li lum Gate, jech i'och o ta sc'ob. Ts'acal ibat noxtoc ta Jerusalén.

Ezequiel 44:29

Ja' sve'elic chc'ot li trigoetic, li ts'unub ovoliletic chich' aq'uel sventa muliletique, xchi'uc scotol li ch'ul matanal chiyac'bicun li israeletique.

Levítico 2:10

Ta sventa ti ts'u'iltasbil xa scotol li c'usitic chich' chiq'uel ta jmoton vu'un li Muc'ul Diosune, ja' yu'un li scomelale, ja' ac'o yich'ic li Aarón xchi'uc xnich'nabtaque.

Levítico 5:13

Li palee ac'o xch'aybe smul li boch'o c'usiuc smul staoje, jech ch'aybil smul chc'ot o. Li scomelale ja' xa yu'unic chcom li paleetique. Ja' co'ol chac c'u cha'al chich' aq'uel li c'usitic yan jech chac c'u cha'al trigoe”, xi li Diose.

Levítico 7:10

Jech noxtoc scotol li jmoton ti vots'bil ta aceite, o me taqui-arina no'oxe, ja' yu'unic chcom li xnich'nab Aarone. Co'ol ac'o yich'ic scotolic.

Levítico 7:8

Jech noxtoc li pale ti chchic' li jmoton me oy boch'o laj yaq'ue, ja' yu'un chcom o li snuculile.

Números 18:9

Li jmoton chiyac'bicun ti chic'bil tsc'ane, ja' xa avu'unic scotol ti bu mu'yuc chich' chiq'uele. Ja' li arinaetique, xchi'uc li matanal chiyac'bicun sventa mulile, xchi'uc li jmoton chiyac'bicun ta sventa c'unil muliletic tstaique. Scotol li matanaletic ti ac'bilun xa ta jtojole, ja' avu'unic o xchi'uc li anich'nabe.

1 Corintios 9:13

¿Me mu xana'ic ti te la sta sve'elic li paleetic ti i'abtejic ta ch'ulna yu'un Diose? Jech noxtoc li boch'otic la xchic'beic smoton Dios ta scajlebe, ¿me mu xana'ic ti ja' te ive'ic o ta sventa li smoton Diose?

1 Corintios 9:7

Li boch'o ochem ta soldadoile, ¿me tsman stuc li c'usitic chtun yu'une? Li boch'o tsts'un ts'usube, ¿me mu teuc tslo'be sat? Li boch'o tsts'un chije, ¿me mu teuc tspits'be ya'lel xchu' yuch'?

Gálatas 6:6

Li boch'o ta xchanubtasat ta sc'op Diose, ac'o me yac'be scotol c'usitic chtun yu'un li jchanubtasvanej yu'une.