Levítico 7:32 - Bible in Tzotzil de Chenalhó with Deuterocanon

³² Li sbats'i-o' li matanal ac'bil ta sventa lec chaquiloxuque ac'o yich' li palee. Ja' sventa apatanic.

Bible in Tzotzil de Chamula

³² Yan ti sbec'tal ti sbats'i o' ti chon bolom ti laj yich' aq'uel ta sventa ti lajesobil o'ntonale, ja' ta xich' ac'bel ti palee yo' jech ta xc'ot ta yu'un.

Levítico 7:32 Iomraidhean Croise

Éxodo 29:27

Slecoj xavac' li sna yo'nton xchi'uc li jec yo' chich' aq'uel ta jtojol sventa chich' yabtelic o li Aarón xchi'uc xnich'nabe.

Levítico 10:14

Li sna yo'nton matanal chich' ye'el ta stojol Diose xchi'uc li yo' ti ja' sventa jpatantique, ja' avu'un achi'uc aqueremetic atsebetic. Te xati'ic noxtoc ti bu ts'u'iltasbil yu'un li banamile, yu'un ja' matanal chaq'uic jchi'iltactic sventa chich' milel ti c'u cha'al lec ch-ilatic yu'un Muc'ul Diose.

Levítico 7:33

Li sbec'tal sbats'i-o'e ja' yu'un chcom li pale boch'o chac' ta jtojol li xepual xchi'uc xch'ich'ale. Ja' jmoton sventa lec chaquiloxuque.

Levítico 7:34

Li matanal chaq'uic ta jtojol achi'iltac sventa lec chaquiloxuque ja' xa quich'ojbeic o ta sventa lequil matanal li sna yo'ntone. Yan li yo'e ja' quich'oj sventa apatanic. Li c'usitic quich'oje ja' cac'ojbeic ec li pale Aarón xchi'uc xnich'nabe. Yu'un jech sc'oplal o ti ja' yu'unic li c'usi chaq'uic achi'iltac ta israelale. Ja' jun mantal comen o c'alal ta yalab xnich'nabic’, uto li achi'iltaque”, x'utat yu'un Muc'ul Dios li Moisese.

Levítico 9:21

Yan li sna yo'nton xchi'uc li sbats'i-o'e ja' la sye'ic ta stojol Muc'ul Dios li Aarón jech chac c'u cha'al albil ono'ox yu'un Muc'ul Dios li Moisese.

Números 5:9

“Scotol c'usiuc no'ox chac'bicun ta sventa jmoton li achi'iltac ta israelale, ac'o yich'ic tal ta stojol li palee. Ja' yu'un chc'ot o.

Números 6:20

Jech li palee ac'o spas li c'usi tsc'an pasel sventa chisye'bun ta jtojole. Li xpecho matanal sventa chisye'bun ta jtojole xchi'uc li scub matanal sventa chistojbicun o spatanique, voc'bil xa chcom o cu'un, xchi'uc ja' xa yu'un chcom o li palee. C'alal me ijelov xa scotol le'e, li boch'o j'ech'el yac'oj sba o ta jtojole xu' xa chlic yuch' ya'lel ts'usub.

Deuteronomio 18:3

“Li paleetique ja' oy ta sventa chich'ic li snecub, li yolon ye, xchi'uc stsucut li vacax, li ch'ium chij chaq'uic ta smoton Dios israeletique.

1 Samuel 9:24

Li jpasve'lile ta ora laj yich' loq'uel tal sjeclijil snecub li vacaxe; te laj yac' ta stojol li Saule. Li Samuele jech laj yalbe: —Li' oy li ave'el ti voc'bil comele. Ich'o, ti'an, yu'un ja' avu'un la jvoc'bot comel li jun velta li'i. Yu'un jech ono'ox laj cal ti c'alal laj quic' scotol li jchi'iltactic li' ta lume —xut. Li Saule te ive' xchi'uc li Samuele.