Levítico 7:24 - Bible in Tzotzil de Chenalhó with Deuterocanon

²⁴ Li xepual ats'unub avovolic ti jech no'ox chcham stuque, o me scomelal ta ti'el yu'un jti'vanej bolome, nopic xa no'ox c'u x'elan xu' chatunesic. Mu me xati'ic.

Bible in Tzotzil de Chamula

²⁴ Ti xepu'altac ti chon bolometic ti ta xcham stuque, mi ja' scomelal sti'ben ti jti'oval chonetique, xu' xatunesic ta yan o stunel, ja' no'ox ti mu xu' ta xich' ti'ele.

Levítico 7:24 Iomraidhean Croise

Éxodo 22:31

“Li vo'oxuque tsc'an ch'ul vinic chapas abaic ta jtojol. “Mu me xati'beic scomelal sbec'tal ats'unub avovolic ti lajem xa ta ti'el yu'un jti'val chonbolometique; ac'beic sti' ts'i'etic.

Levítico 22:8

Me oy c'usi jech no'ox chcham stuque xchi'uc me scomelal xa ta ti'el yu'un jti'vanej bolome, mu xu' ta sti'ic yu'un jech mu soques sbaic ta sventa. Jech chcal vu'un li Muc'ul Diosune.

Levítico 17:15

“Boch'ouc no'ox, me achi'iltac ta israelal, o me yanlum tsti' li c'usi jech no'ox icham stuque, o me scomelal ta ti'el yu'un jti'vanej bolome, ac'o xchuc' lec sc'u'; ac'o atinuc lec, pero chopol chcom o c'alal to ch-och ac'ubal. Ts'acal lec chcom yan velta.

Ezequiel 44:31

Li paleetique mu xu' tsti'ic li c'usi chamene xchi'uc li c'usi milbil ta chonbolome, ac'o me mutetic, o me chonbolometic.

Ezequiel 4:14

Jech la jtac'be: “Ay, Cajval Muc'ul Dios, li vu'une mu'yuc baq'uin jsoquesoj jba. Ta jbic'tal ono'ox mu baq'uin jti' c'usi chamen, xchi'uc c'usi milbil ta chonbolom. Mu'yuc baq'uin jtic' ta que li c'usi mu stac' ti'ele”, xcut.

Deuteronomio 14:21

“Me oy bu jech no'ox chcham stuc li chonbolometique, mu me xati'ic, yu'un vo'oxuc jun ta lum ti voc'biloxuc yu'un li Muc'ul Dios cu'untique. Yan li boch'otic te co'ol nacaloxuc achi'uquic ti yan slumalique, xu' chavac'beic sti', xchi'uc xu' chachonbeic batel li boch'otic te chjelovique. “Mu me xapanic ta ya'lel xchu' sme' li biq'uit tentsune.

Levítico 7:25

“Li boch'o ta sti'be xepual li ats'unub avovolic ti chich' aq'uel ta jtojol sventa chic'bil matanale, ac'o yich' loq'uesel ta atojolic.

Éxodo 22:30

Ac'bicun noxtoc li sba yol avacaxic achijique. Te to ac'o xchi'in vucubuc c'ac'al li sme'ique; ta xvaxquibal c'ac'al svoq'uel xu' xa chavac'bicun ta jtojol.