Levítico 7:16 - Bible in Tzotzil de Chenalhó with Deuterocanon

¹⁶ Yan me ja' matanal sventa chapasic c'usi avalojic ta jtojole, o me yutsil no'ox avo'nton laj avaq'uique, xu' chati'ic te no'ox ta sc'ac'alil noxtoc, xchi'uc xu' to chaq'uejic sventa yoc'omal ti c'u yepal chcom avu'unique.

Bible in Tzotzil de Chamula

¹⁶ Yan ti mi ja' chon bolom ta xac' ta matanal ti c'usi loc' ta ye ta sti' ti ta ono'ox xaq'ue, mi ja' xtoc ti c'usiuc no'ox xloc' x'ayan ta o'ntonale, ta yorail no'ox, ac'o yich' ti'el c'alal mi laj yich' aq'uele. Xu' xtoc ta xich' ti'el ta yoc'omal ti c'u to yepal ta xcom ti scomelale.

Levítico 7:16 Iomraidhean Croise

Salmos 116:14

Li' ta orae ta stojol scotol steclumal, ta jtojbe li c'usi caloj ta stojole.

Salmos 116:18

Ta stojol steclumal Muc'ul Dios ta jtojbe li c'usi caloj ta stojole.

Salmos 66:13

Ta xi'och ta ch'ulna avu'un; te ta jchic'bot amoton, yu'un ta jc'otes li c'usitic caloj ta atojole.

Éxodo 35:29

Scotol li israel viniquetic xchi'uc li antsetic ti tsots sc'oplal laj ya'yic chaq'uic ta yutsil yo'ntonic li c'usitic chtun sventa li abtel jech chac c'u cha'al i'albat yu'un Muc'ul Dios li Moisese laj yich'ic tal ta stojol Dios scotol li c'usitic iloc' ta yo'ntonic chaq'uic tunuc yu'un Muc'ul Diose.

Proverbios 7:14

“Vu'une, cac'oj milbil matanal ta sventa lec chiyilun Dios; li' ta orae ic'ot xa ta pasel cu'un li c'usi caloj ta stojol Diose.

Ezequiel 46:12

C'alal me oy tsc'an chiyac'bun chic'bil matanal ta yutsil yo'nton li banquilal avu'unique, xchi'uc me chiyac'bun jmoton sventa co'ol co'nton jchi'uque, ja' ac'o yich' jamel li ochebal ta sloq'ueb c'ac'ale; ac'o yac' li matanaletic jech chac c'u cha'al chich' pasel ta sc'ac'alil cuxub o'ntonale. C'alal me iloq'ue, ac'o yich' maquel li ti'nae.

Levítico 22:23

Li jmoton ti ta yutsil yo'nton chaq'uique, xu' chiq'uic tal jcotuc tot vacax, o tot chij ti bu mu co'oluc snatiquil yoc sc'obe. Pero me ja' jech chich'ic tal ta sventa tsts'aqui yu'unic spasel c'usi yalojic ta jtojole, mu'yuc ta jtsacbeic.

Levítico 22:29

“C'alal chavac'bicun jmoton sventa oy c'usi chatojbicun ta vocole, ja' me jech xapasic jech chac c'u cha'al tsc'an pasel ta sventa lec tsacbil chc'ote.

Levítico 23:38

Ja' slecoj o li sc'ac'alil chacux avo'ntonic ta jventae, xchi'uc li yan matanaletic chavaq'uique, xchi'uc li jmoton chavaq'uic ta sventa tsts'aqui avu'unic li c'usi avaloj chapasic ta jtojole, xchi'uc li matanal ti yutsil avo'nton chavaq'uique.

Nahúm 1:15

Q'uelo avilic, le' xa xtal ta vitsetic li boch'o chtal yal lequil a'yeje, li boch'o chtal yal ti ta jta jun co'ntontique. Judá, nicuc no'ox q'uinetic avu'un; paso me li c'usitic avaloj chapase. Mu xa xtal stsacot o ta pleito li chopol cristianoetique, yu'un i'ulic xa o ta j'ech'el.

Números 15:3

C'alal chavac'bicun jmotonin jcot tot vacax, o me jcot chij sventa chachiq'uic yu'un chavich'icun ta muq'ue, ac'beic xchi'ilin batel chibuc kilo lequil arina vots'bil o ta jun litro aceite. Ja' jech tsc'an chapasic jech chac c'u cha'al c'alal chavac'bicun milbil matanal, o me ja' ti chich' chiq'uel scotlijil ti lec mu yiq'ue. C'usiuc no'ox matanalil, me ja' sventa ti its'aqui xa avu'unic li c'usi avalojic ta jtojol chapasique, o me ja' sventa li matanal ti ta yutsil no'ox avo'nton chavaq'uique, persa chavac'beic batel xchi'il.

Deuteronomio 12:11

Ja' yu'un xu' xa te chbat avaq'uic scotol ta yavil bu chast'ujboxuc Muc'ul Dios li c'usitic calojboxuc ono'oxe: ja' li milbil matanal, xchi'uc li chic'bil matanal sventa chquich'tic ta muq'ue, xchi'uc li jujun ta lajunebe, xchi'uc scotol li c'usitic chapal sc'oplal avu'unic chavaq'uique, xchi'uc li c'usitic lequic at'ujojic ti avalojic ta stojol Muc'ul Dios chavaq'uique.

Deuteronomio 12:17

“Yan li jun ta lajuneb chavaq'uique, me trigo, me ya'lel ts'usub, me aceite, o me sba yol achijic, avacaxic, o me ja' li c'usi avalojic xa ta stojol Dios chavaq'uique, xchi'uc li smoton Dios ti ta yutsil avo'nton chavaq'uique, mu xu' te no'ox chati'ic, mu xu' te no'ox chave'ic ta alumalic.

Deuteronomio 12:26

Yan li c'usi avoc'ojic xa ta sventa smoton Muc'ul Dios cu'untique, xchi'uc li c'usi avalojic xa ta jamal chavac'beique, te xbat avaq'uic ta yavil ti bu t'ujbil yu'une.

Deuteronomio 12:6

Xu' te chbat amilic, chbat achiq'uic li achijic avacaxic sventa chavich'ic ta muq'ue. Te xavich'ic batel li jujun ta lajuneb chavaq'uique, xchi'uc li c'usitic chapal avu'unic chavaq'uique. Xchi'uc te xavich'ic batel noxtoc li smoton Dios ti slequil no'ox avo'nton chavaq'uique, xchi'uc li sba yol avacaxic, sba yol achijique.