Levítico 7:14 - Bible in Tzotzil de Chenalhó with Deuterocanon

¹⁴ Ta scotol ti c'u yepal jmotone ac'o yich' aq'uel c'uuc yepal ta jtojol. Li pale ti tsvij li ch'ich' sventa xu' chanopajic ta jtojole ja' yu'un chcom li scomelale.

Bible in Tzotzil de Chamula

¹⁴ Scotol ti matanale, ta xich' loq'uesel jujuti' yo' ta xich' aq'uel ta stojol ti Diose. Taje, ja' ta xc'ot ta yu'un ti pale ti buch'u laj svij ti ch'ich' yu'un ti chon bolom ti laj yich' svocol ta sventa ti slajesobil o'ntonale.

Levítico 7:14 Iomraidhean Croise

Levítico 6:26

Li pale ti chac' ta jtojol li matanal sventa mulile xu' ac'o sti', pero te no'ox ac'o sti' ti bu ts'u'iltasbil cu'un li banamil ta yamaq'uil li ch'ulna pasbil ta nucule.

Números 18:19

Scotol li c'usi chiyac'bicun achi'iltac sventa tstoj o spatanique, ja' vo'ot chacac'bot achi'uc li aquerem atsebetic ti te co'ol nacalot achi'uque. Ja' jech jmantal ta xcom o. Ja' jun c'usi chapal chcom o cu'un ta atojol xchi'uc ta stojol li amomnich'nabtaque. Mu'yuc boch'o xu' ta sjel o”, x'utat yu'un Muc'ul Dios li Aarone.

Números 31:29

Ja' xavac'be li pale Eleazare; ja' sventa apatanic chc'ot.

Números 31:41

Li Moisese ja' laj yac'be ta sc'ob Eleazar scotol li spatanic jech chac c'u cha'al yaloj Muc'ul Diose.

1 Corintios 10:18

Nopo ava'yic c'u x'elan la spasic li israeletique. Li boch'o la sti'ic smoton Diose, ¿me mu ja'uc li boch'o jun oyic xchi'uc Diose?

Deuteronomio 18:8

Xchi'uc ja' jech yepal ac'o yich' sve'el ec jech chac c'u cha'al chich'ic li yantique, ac'o me oy c'usi ch-ac'bat yu'un stot.