Levítico 7:12 - Bible in Tzotzil de Chenalhó with Deuterocanon

¹² Me ja' chamilbicun sventa oy c'usi chatojbicun ta vocole, aq'uic noxtoc muc'tic vaj mu'yuc yich'oj svolesubil xch'ut vots'bil ta aceite, xchi'uc bic'tal vaj mu'yuc yich'oj svolesubil xch'ut jaxbil ta aceite xchi'uc yan muc'tic vaj pasbil ta lequil arina vots'bil ta aceite.

Bible in Tzotzil de Chamula

¹² Mi ja' sventa coli'albat ti c'usi ta xich' milele, ac'o yac' xtoc muc'tic panetic ti vots'bil ta aceite ti mu ja'uc ac'bil ti spajubtasobile, ti bacubtasbil jayaquil harina ti vijbil aceite ta sbae ti mu'yuc ac'bil ti spajubtasobile, xchi'uc muc'tiquil pan ti pasbil ta lequil t'ujbil harina ti vots'bil ta aceitee.

Levítico 7:12 Iomraidhean Croise

2 Crónicas 29:31

Li ajvalil Ezequiase jech lic yalbe scotol li steclumale: “Ta sventa ti laj xa avac' abaic o ta stojol li Muc'ul Diose, nopajanic tal; la' aq'uic li smoton Dios avu'unic sventa chich' milele xchi'uc li yantic matanaletic sventa ta jtojbetic ta vocol Dios ta sventa li ch'ulna yu'une”, xut. Jech scotol israeletic laj yich'ic batel li matanaletic sventa chich' milele xchi'uc yantic matanaletic. Li boch'o toj lec ic'ot ta yo'ntonique laj yich'ic batel matanaletic sventa chich' chiq'uel.

2 Crónicas 33:16

Ja' lic xcha'meltsanbe lec scajleb smoton li Muc'ul Diose; ja' te la smilbe ep smoton sventa co'ol yo'ntonic xchi'uc, sventa tstojbeic ta vocol. Lic yalbe mantal scotol judaetic ti ja' no'ox ac'o yich'ic o ta muc' li Muc'ul Dios yu'un Israele.

Nehemías 12:43

C'alal yorail jech la jpascutique, toj ep laj yaq'uic sts'unub yovolic ta smoton Dios sventa chich' milel. Bats'i xcuxet no'ox yo'ntonic xchi'uc yajnil xnich'nabic, yu'un toj ep i'ac'bat xcuxetel yo'ntonic yu'un li Diose. Nom to xvinaj ti xivochetcutic no'ox te ta Jerusalene.

Salmos 107:8

Tojbeic ta vocol slequil yo'nton li Muc'ul Diose, xchi'uc li sq'uelubiltac stsatsal tspas ta stojol li cristianoetique.

Salmos 116:17

C'alal chajtojbot ta vocole, ta jmilbot amoton; vo'ot no'ox ta jtojbot o ta vocol.

Salmos 50:23

Li boch'o colaval xiyutune, yu'un yich'ojun ta muc', li boch'o li' oy o ta jtojole, ja' ta jcolta”, xi li Diose.

Jeremías 33:11

Pero ta to xlic vinajuc ti xla'etic no'oxe, ti tse'ej lo'ilic no'ox ta xcuxetel yo'ntonique, xchi'uc ta to xlic vinajuc ti oy q'uin nupinel ta sventa querem tsebetique, xchi'uc ti oy boch'o jech chalique: ‘Albeic slequilal li Muc'ul Dios ti ja' tspas ta mantal scotol te ta vinajele, yu'un ja' toj lec yo'nton, yu'un sbatel osil mu xlaj o c'uxubinel yu'un’, ti xiique. Xchi'uc ta to xvinaj oy boch'o chaq'uic matanal sventa tstojic ta vocol te ta jch'ulna. Yu'un ta to xquiq'uic sutel tal li boch'otic chucbil ibatic ta yan banamile, tstaic yan velta jech chac c'u cha'al ono'ox ta sliquebale. Vu'un chcal jtuc vu'un li Muc'ul Diosune”, xi.

Oseas 14:2

Sutanic tal ta stojol li Muc'ul Diose; c'anbeic vocol ta stojol, jech xavalic: “Pasbuncutic perdón scotol li jmulcutique; tsacbuncutic li c'usi lec chacac'botcutique. Li xq'uexol amoton chcac'cutique ja'uc li c'usi chloc' ta quecutique.

Levítico 2:4

“C'alal chavac'bicun jmotonin li atrigoic xchi'uc c'usitic yan jech chac c'u cha'al trigo ti ta'ajem xa ta hornoe, ja' xavac'bicun li pan pasbil ta lequil arina vots'bil ta aceite ti mu'yuc yich'oj svolesubil xch'ute, o me bic'tal vaj vijbil ta aceite.

Levítico 2:5

“Pero me ja' chavac'bicun atrigoic ti ta'ajem ta xalteme, ja' xavaq'uic li lequil arina vots'bil ta aceite ti mu'yuc yich'oj svolesubil xch'ute.

Levítico 22:29

“C'alal chavac'bicun jmoton sventa oy c'usi chatojbicun ta vocole, ja' me jech xapasic jech chac c'u cha'al tsc'an pasel ta sventa lec tsacbil chc'ote.

Levítico 6:16

Li scomelale ja' xa ac'o sve'ic li Aarón xchi'uc xnich'nabe, pero mu me xavac'beic svolesubil xch'ut. Te ac'o sve'ic ti bu ts'u'iltasbil cu'un li banamil te ta yamaq'uil ch'ulna pasbil ta nucule.

Levítico 7:15

“Li sbec'tal jmoton sventa oy c'usi chatojbicun ta vocol xchi'uc sventa xu' chanopajic ta jtojole ac'o yich' ti'el te no'ox ta sc'ac'alil. Mu xu' chanaq'uic sventa yoc'omal.

Amós 4:5

Aq'uic milbil matanal ta sventa li c'usi chatojic ta vocole; aq'uic li pan ti yich'oj svolesubil xch'ute. Alic batel, ja'uc xa ava'yejic ti chavaq'uic li matanal ta yutsil avo'ntonique, yu'un ja' jech oy ta avo'nton chatoy abaic”, xi li Muc'ul Diose.

Números 6:15

Jech noxtoc ac'o yac' junuc unin moch pan ti pasbil o ta lequil arinae, xchi'uc ti vots'bil o ta aceite ti mu'yuc yich'oj svolesubil xch'ute. Xchi'uc ac'o yac' jayibuc unin bic'tal jayal vajetic ti mu'yuc yich'oj svolesubil xch'ute, ti vijbil ta aceitee. Ac'o yich' batel xchi'uc yantic matanaletic, ja' li trigo, xchi'uc c'usitic yan co'oltic jech chac c'u cha'al trigoe xchi'uc li ya'lel ts'usube.

San Lucas 17:16

C'ot squejan spatan sba ta banamil ta stojol li Jesuse, la stojbe ta vocol. Li vinic ti jech laj yale ja' te liquem tal ta Samaria banamil.

San Lucas 17:18

¿Me ja' no'ox isut tal, tal yalbe slequilal Dios li jun yanlum vinic li'i? —xi.

Romanos 1:21

Yu'un la sna'ic ti oy Diose, pero muc xich'ic ta muc' jech chac c'u cha'al Dios; mu'yuc bu la stojbeic ta vocol. Solel mu'yuc stu li c'usi la snopique. Icomic ta ic' osil ta scoj li sbolilique.

Efesios 5:20

Scotol li c'usiuc no'ox chc'ot ta atojolique tojbeic ta vocol Jtotic Dios scotol ora ta sventa li Cajvaltic Jesucristoe.

Hebreos 13:15

Jech tsc'an scotol c'ac'al ac'o calbetic slequilal Dios ta sventa li Jesucristoe. Ja'uc smoton Dios chc'ot cu'untic ti chquich'tic ta muq'ue, ti chloc' ta quetic ti ja' Cajvaltique.

1 Pedro 2:5

Ja' jech li vo'oxuque lequil ton c'otemoxuc, chavich'ic latsel muyel yu'un jech chac'otic ta jbej ch'ulna yu'un Dios. Vo'oxuc ch'ul paleoxuc chac'otic, jech ta sventa Jesucristo xu' chavaq'uic lequil matanal sventa sbatel osil ti lec chil Diose.