Levítico 7:1 - Bible in Tzotzil de Chenalhó with Deuterocanon

¹ “Li milbil matanal sventa bu chajelovic ta jtojole ja' bats'i lequil ch'ul matanal. Ja' yu'un li' oy li chanubtasel ta sventa c'usi tsc'an chapasique:

Bible in Tzotzil de Chamula

¹ “Ti c'usi ta xich' svocol ta scoj ti mulile, ja' jun ch'ul matanal ta j'ech'el. Xi s'elan ti bijubtasel yu'un ma' taj une:

Levítico 7:1 Iomraidhean Croise

2 Crónicas 31:14

Li Coré, ja' li leví vinic xnich'on Imna ti oy ta sventa chchabi li ti'ch'ulna ta sloq'ueb c'ac'ale, ja' la sventain li matanal ti yutsil yo'ntonic chaq'uic ta stojol Muc'ul Dios li israeletique, xchi'uc ja' tspuc li matanaletic ac'bil ta stojol Muc'ul Diose, xchi'uc ja' sventainoj li c'usitic ts'u'iltasbil ta sventa Diose.

Ezequiel 40:39

Ta cuarto te ta ochebale oy chancot mexa te oy, chib ta jujujot. Ja' sventa te tsmilic o li smoton Dios chchiq'uique, xchi'uc li smoton Dios sventa xch'ayubil mulile, xchi'uc li smoton Dios sventa c'unil muliletique.

Ezequiel 44:29

Ja' sve'elic chc'ot li trigoetic, li ts'unub ovoliletic chich' aq'uel sventa muliletique, xchi'uc scotol li ch'ul matanal chiyac'bicun li israeletique.

Ezequiel 46:20

Jech laj yalbun: “Li'i ja' yavil bu tspanic sbec'tal matanaletic li paleetique. Ja' li matanaletic chich' aq'uel ta sventa xch'ayubil muliletique, xchi'uc li yantic matanal chich' aq'uel jech chac c'u cha'al trigoe. Yu'un jech mu persauc chich'ic loq'uel ta amac'; jech mu snop sba xchi'uc achi'iltaquic li c'usitic ts'u'iltasbilique”, xiyutun.

Levítico 21:22

Xu' tsve' li pan ac'bil ta jtojole, xchi'uc li yantic ch'ul matanaletique, xchi'uc li bats'i lequil ch'ul matanaletique.

Levítico 5:11

“Pero me mu xtoj yu'un noxtoc li cha'cot puruvoc stsu, o li cha'cot stsumute, xu' ja' no'ox ac'o yich' tal chibuc kilo arina ti bu ven leque. Ja' matanal sventa smul chc'ot. Mu me xac'be aceite xchi'uc pom, yu'un ja' matanal ta sventa mulil.

Levítico 5:14

Li Muc'ul Diose la sc'opan yan velta li Moisese, jech laj yalbe:

Levítico 5:15

“Me oy boch'o tsta smul ta sventa ti muc ta yutsiluc yo'nton muc ts'acaluc xac' li c'usitic voc'bil xa ta jtojole, ac'o yic' tal jcotuc chij ti bu ven leque. Ac'o tal yac' ta jtojol, vu'un li Muc'ul Diosune. Li chije ac'o yich' q'uelel jaysep saquil taq'uin stojol jech chac c'u cha'al chapanbil te ta ch'ulna ta sventa li muliletique.

Levítico 5:7

“Ti me mu'yuc yu'un jcot chije, ac'o yac' cha'cotuc puruvoc stsu, o me cha'cot stsumut ta sventa li smul staoje. Li jcote ja' sventa xch'ayubil smul; li yan jcote ja' sventa chic'bil matanal chc'ot.

Levítico 5:8

Ac'o yic' batel ta stojol li palee. Li palee ja' ba'yuc ac'o yac' li jcot sventa mulile. Ac'o xmich'be no'ox ta snuc'; mu me sc'ocbe o li sjole.

Levítico 6:17

Mu me sta'ajesic xchi'uc svolesubil xch'ut. Yu'un ja' cac'ojbeic o ti c'u yepal chcom ta chiq'uele. Ja' ts'u'iltasbil matanal, jech chac c'u cha'al li matanal sventa mulil xchi'uc sventa c'unil mulile.

Levítico 6:25

“Albo ya'yic Aarón xchi'uc xnich'nab c'usi tsc'an tspasic ta sventa li matanal sventa mulile: Li matanal chich' aq'uel ta sventa mulile, te ac'o smilic ta jtojol te yo' bu chich' milel li yantic matanaletic chic' chiq'uele yu'un ja' ts'u'iltasbil matanal.

Números 6:12

Jech chlic stsac yan velta ta ach' ti c'u yepal c'ac'al yaloj tsvoc' sba o ta sventa cabtele. Ti c'u xa'ox yepal c'ac'al lic stsac tale, mu'yuc xa tsacbil ta venta chcom. Yu'un li stsotsil sjol ti lecubtasbil xa'oxe, isoc xa. Jech noxtoc tsc'an ac'o yic' batel ta jtojol jcotuc chij jun jabil svoq'uel sventa jmoton ta scoj ti bu ijelov ta jtojole.