Levítico 6:7 - Bible in Tzotzil de Chenalhó with Deuterocanon

⁷ Ja' yu'un li palee ac'o yac' ta ch'aybel smul ta jtojol li boch'o chc'ot ta pasel yu'unic jchopuc chac le'e, jech ch'aybil smul chc'ot o”, xi li Muc'ul Diose.

Bible in Tzotzil de Chamula

⁷ Va'i un, ti palee ta sta ti ch'aybil smul ta xc'ot ta stojol Dios ti buch'u oy c'usiuc jtosucal laj sta o ti smule, ja' to jech ch'aybil ta xc'ot ti mulile.”

Levítico 6:7 Iomraidhean Croise

Éxodo 34:7

C'ux ta co'nton epal mil cristianoetic; ta jch'aybe ta co'nton li smulique, li stoyobbailique, li xchopolilique. Pero mu teuc no'ox jq'ueloj li boch'o ta sa'ilan smule; ta persa chcac'be stoj. Ta xcac'be stoj smul li totiletique, li nich'naletique, li momnich'naletique, xchi'uc c'alal ta xchanc'olal momnich'naletic —xi li Muc'ul Diose.

Isaías 1:18

Jech chayalboxuc li Muc'ul Diose: “La'ic ta jtojol ta ora, la' caltic c'usi tsc'an pasel. Ac'o me bats'i cuxul tsoj li amulique, sac chcom jech chac c'u cha'al tayo; ac'o me ic'ic'tic xa sba stsajal, sac chcom jech chac c'u cha'al saquil tsots.

Ezequiel 33:19

Me chlic scomtsan c'usi chopol tspas li jpasmulile, me ja' chlic spas li c'usi lec, li c'usi tuq'ue, ta xcuxi, yu'un tuc' c'usi tspas.

Levítico 2:1

“C'alal me oy boch'o chich'bun tal jmotonin li strigo xchi'uc c'usitic yan jech chac c'u cha'al trigoe, ja' ac'o yich'bun tal arina ti bu ven leque. Ac'o yac'beic aceite xchi'uc pom.

Levítico 4:20

Ja' jech ac'o yich' pasbel li vacax jech chac c'u cha'al chich' pasbel li yan ta sventa mulile. Ja' jech ac'o spas ta stojol xchi'iltac li palee. Jech ch'aybil smulic chcom o.

Levítico 4:26

Scotol li xepuale ac'o yich' chiq'uel te ta scajleb jmoton jech chac c'u cha'al chich' chic'bel xepual li matanal sventa lec chaquiloxuque. Ja' jech ac'o spas li pale ta sventa chch'aybe smul li jun banquilal avu'unique, jech ch'aybil smulic chc'ot o.

Levítico 4:31

Ac'o sloq'uesbe scotol li xepual jech chac c'u cha'al chich' pasbel li matanal ta sventa lec chaquiloxuque. Li palee ac'o xchic' te ta scajleb jmoton, jech lec mu yic' chc'ot ta jtojol, vu'un li Muc'ul Diosune. Ja' jech ac'o spas li pale sventa chch'aybe smul li boch'o oy smule, jech ch'aybil smul chc'ot o.

Levítico 5:10

Li xcha'cotale ac'o yich' xchiq'uel jech chac c'u cha'al chich' pasel ono'oxe. Ja' jech ac'o spas li pale sventa chch'aybe smul li boch'o staoj smule, jech ch'aybil smul chc'ot o.

Levítico 5:13

Li palee ac'o xch'aybe smul li boch'o c'usiuc smul staoje, jech ch'aybil smul chc'ot o. Li scomelale ja' xa yu'unic chcom li paleetique. Ja' co'ol chac c'u cha'al chich' aq'uel li c'usitic yan jech chac c'u cha'al trigoe”, xi li Diose.

Levítico 5:18

Ac'o yic' tal jcotuc xchij ti leque, ti mu'yuc xchamele, xchi'uc vo'ot chaq'uel c'u yepal stojol. Ac'o yic' batel ta stojol li palee. Ja' milbil matanal chc'ot ta sventa smul ti muc ta yutsiluc yo'nton la spase, jech ch'aybil smul chc'ot o.

Levítico 6:8

Li Muc'ul Diose la sc'opan yan velta li Moisese, jech laj yalbe:

Levítico 7:2

Li matanal ta sventa bu chajelovic ta jtojole te ac'o yich' milel yo' bu chich' milel li yantic matanaletic chich' chiq'uele. Li xch'ich'ale ac'o yich' vijel ta sba scajleb jmoton xchi'uc ta spat xocon.

Miqueas 7:18

Mu'yuc yan Dios jech chac c'u cha'al vo'ot, ti chapasbe perdón, ti chach'aybe ta avo'nton smulic li scomelal ateclumale. Muc teuc no'ox stsoq'uet o avo'nton ta stojol, yu'un ja' oy ta avo'nton li c'uxubinvaneje.

San Mateo 12:31

“Ja' yu'un chacalboxuc ava'yic, scotol li c'usi chopole, xchi'uc li boch'o chopol chc'opoj ta stojol Diose, oy to perdón. Yan li boch'o chopol chc'opoj ta stojol Ch'ul Espiritue mu'yuc xa perdón o.

1 Juan 1:7

Yan me chijxanovutic ta sac osil jech chac c'u cha'al oy ta sac osil stuque, ta melel jun chijc'ot ta jcotoltic; chispocbutic loq'uel scotol jmultic ta xch'ich'al Xnich'on, ja' li Jesuse.

1 Juan 1:9

Yan me jamal chcalbetic Dios li jmultique, chispasbutic perdón, chispocbutic loq'uel scotol sbolil co'ntontic. Yu'un li stuque tuc' yo'nton, melel c'usi chal.