Levítico 6:22 - Bible in Tzotzil de Chenalhó with Deuterocanon

²² Ja' jech ac'o spas ec li smomnich'nabtac Aarón c'alal ja' xa'ox tiq'uilic ta q'uexolile, yu'un ja' jmoton ac'bil o ta jtojol vu'un li Muc'ul Diosune. Jech tsc'an ac'o yich' chiq'uel scotol.

Bible in Tzotzil de Chamula

²² Ja' jech ta xchapan xtoc ti banquilal palee, snitilul ti Aarón ti t'ujbil ta xc'ot yo' ta xcom ta q'uexolile: tsots sc'oplal ti lec ta xchiq'ue, yu'un ja' c'otem ta yu'un ti Diose.

Levítico 6:22 Iomraidhean Croise

Isaías 53:10

Li Muc'ul Diose jech la sc'an ti laj yac' ta uts'intaele, ti laj yac'be xcuch scotol vocole. Ta sventa ti ivu' yu'un laj yac' sba ta milbil matanal sventa mulile, jech ta to xil noxtoc c'u to yepal chbol li yu'untaque, ta xnatub lec yorail. Li c'usi chapanbil yu'un Muc'ul Diose, chc'ot ta pasel.

Oseas 4:8

Ja' xa te xve' o cha'yic ta smul li jteclumale, toj jun xa yo'ntonic ti c'alal tspasic c'usi chopole.

Levítico 3:17

“Li'i ja' jech jmantal chcom o ta atojolic c'alal ta avalab anich'nabic ti buyuc no'ox nacaloxuque: mu xu' chati'ic li xepuale xchi'uc xch'ich'al ats'unub avovolique, uto li achi'iltaque”, x'utat yu'un Dios li Moisese.

Levítico 4:24

Ac'o yac' sc'ob ta sjol li stentsune; te ac'o smil ti bu ono'ox chich' milel li yantic matanaletic chich' aq'uele yu'un ja' matanal ta sventa li smule.

Levítico 4:3

“Me ja' stuc banquilal pale la sta smul ta jtojol, jech oy smul chc'ot yu'un li xchi'iltac ta israelale. Ac'o yac'bun jmotonin jcotuc ch'ium vacax ta sventa li smul staoje. Ja' ac'o yac'bun ti bu ven leque.

Levítico 6:10

Li palee ac'o slap li sc'u' xchi'uc li scomcom-vex pasbilic ta lino noe. Ts'acal ac'o stsob li stanil jmoton chich' chiq'uel te ta scajlebe; te ac'o yac' ta xocon li scajleb jmotone.

Levítico 6:11

Ts'acal ac'o sloc' li sc'u'e; ac'o slap yan sc'u'. Li stanil jmotone ac'o yich' loq'uel ta spat to yo' bu apasoj acarpanaique. Te ac'o bat yac' yo' bu meltsanbil lec yave.

Levítico 6:21

Ac'o xch'ilic ta xaltem capbil lec ta aceite, biq'uitic voq'uilanbil ac'o yaq'uic ta jtojol; ja' matanal ti lec mu yic' chc'ot ta jtojol, vu'un li Muc'ul Diosune.

Levítico 6:23

Li jmoton chaq'uic paleetique, ac'o yich' chiq'uel scotol; mu'yuc boch'o xu' tsve'”, xi li Muc'ul Diose.

Levítico 8:21

Ts'acal lic sapbe lec li sbiquile xchi'uc li yacane. La xchic' te ta scajleb smoton Dios. Ja' li matanal ti lec mu yic' chc'ot ta stojol Muc'ul Dios jech chac c'u cha'al albil ono'ox li Moisese.

Deuteronomio 10:6

(Li israeletique iloq'uic ta joq'uetic ta jaacán, ibatic ta Mosera. Te c'ot chamuc li Aarone, te la smuquic. Li jun xnich'on, Eleazar sbie, ja' la stsacbe yabtel li stote.

Hebreos 7:23

Li sba paleetique epic, yu'un sna xchamic; jech mu xu' ti jun no'ox pale j'ech'el tstsac o batel li abtele.